समाचार
व्यवसाय क्षेत्रमा देखिएको समस्या समाधानका विषयमा नगरपालिका र सुन्दरहरैँचा उद्याेग वाणिज्य संघ बिच अन्तरक्रिया
विराटाचोकः सुन्दरहरैँचा उद्योग वाणिज्य संघ र सुन्दरहरैँचा नगरपालिका बिच अन्तरक्रिया कार्यक्रम सम्पन्न भएको छ । मोरङको सुन्दरहरैँचा नगरपालिका क्षेत्रका व्यवशायीको समस्याको समाधान, बजार व्यवस्यापन, सुरक्षा र बजारको सौन्दर्यकरण, वैंकबाट हुने समस्या ,घर बहाल कर लगायतका विषयमा रहेर अन्तरक्रिया भएको हो
। बिहिबार वाणिज्य संघको पहलमा नगरपालिकाको सभाहलमा भएको कार्यक्रममा व्यवसायीका समस्या र समाधान खोज्ने विषयमा छलफल भएको थियो ।
कार्यक्रममा वाणिज्य संघका तर्फबाट अध्यक्ष कृष्णप्रसाद रिजालले नगरप्रमुख केदारप्रसाद गुरागाई समक्ष बजारमा देखिएका समस्यालाई समाधान गर्न लिखित रुपमा सहकार्यकालागि सुझाव हस्तन्तरण गरेका थिए ।
सहकार्यकालागि उद्याेग वाणिज्य सङ्घले नगरप्रमुखलाई बुझाएकाे सुझावहरु
छलफलमा कार्यक्रममा बोल्दै वाणिज्यसंघका पूर्व अध्यक्ष उद्योगपती भोलेश्वर दुलालले अहिले सुन्दरहरैंचा क्षेत्रमा उद्योग स्थापना गर्न जग्गाकाे महङ्गिले किन्न नसक्ने भएकाले अन्यन्त्रै जानुपर्ने बाध्यात्मक अवस्था आएको बताएका थिए । यस्तै वैंकहरुले मनोमानी रुपमा ब्याजदर वृद्धि गरेकाले ब्यवसायीहरु मार मा परेको विषय उठाउदै नगरपालिकाले तत्यकाल बैंकलाई एक्सन लिनुपर्ने अवस्था आएकाे विषय सुझाएका थिए । उनले सडक क्षेत्रमा खाल्डाखुल्डी भएर दुर्घटना हुने भएकाले यसलाई समाधान गर्न समेत नगरपालिकाको ध्यानाकर्षण गराएका छन् । यस्तै वाकिङ स्टेटमा व्यवासायीक प्रयोजनका सामग्री राखिएको र यसले फुटपाथमा हिन्नेलाई समस्या भएकाले समाधान गर्नुपर्ने बताएका छन् ।
यस्तै वाणिज्य संघका निवर्तमान अध्यक्ष नबराज चापागाईले केराबारी क्षेत्रका मानिसलाई विराटचोकको बजार संग जोड्न आमजुगी देखि बिराटचोक सम्मको सडकलाई विकास गर्नु पर्ने बताएका थिए । यस्तै पशु बजार , कृषि बजारलाई व्यवस्थापना गरिनुपर्ने , नगरपालिकाले रोजगार सृजना गर्ने खालका उद्योग स्थापनामा पहल गर्न नगरप्रमुखको ध्यानाकर्षण समेत गराएका छन् । नगरपालिकाले ९९ वर्षकालाई सरकारी जग्गा लिजमा दिएर भए पनि उद्योग स्थापना गर्न पहल गर्नुपर्ने विषय उठाएका थिए । विशेष गरी फुटपाथअव्यवस्थित सञ्चालन हुने वैङ्कले ब्याजदर बढाउने बजारिकरणकाे अभावले गर्दा व्यवसायबाट पलायन हुने अवस्था आइरहेकाे विषयलाई व्यवसायीले उठाएका थिए ।
कार्यक्रममा उठेका प्रश्नको जवाफ दिदै नगरप्रमुख केदारप्रसाद गुरागाईले नगरमा भएका सबै पक्षसंघ छलफल चलाइरहेको बताउदै हालै मात्र विद्यालयका प्रधानाध्यापक संगको छलफलमा विद्यालयको खालि जग्गालाई अभिलेखिकरण गरेर नगरपालिकाले लिजमा दिएर उद्योग स्थापना सङ्गै विभिन्न क्षेत्रमा लगाउने विषयमा छलफल भइरहेको बताएका थिए ।
यस्तै वडा नम्बर ९ मा रहेकाे बुधबारे कृषि बजारलाई निर्माण गर्न प्रविधिक रुपमा नगर विकास कोषमा पठाइ सकिएको नगरप्रमुख गुरागाईले बताएका छन् । हसिना देखि बाघझोडा सम्मको बाटो निर्माण गर्न पहल भइरहेको, उद्योग वाणिज्य संघले उठाएका विषयमा नगरपालिका सकारात्मक रहेको र सधै सहकार्य गर्ने समेत बताएका छन् ।
छलफलबाट व्यवसायीको क्षमता अभिबृद्धि गर्ने गरी तालिम संचालन गर्ने, सडक क्षेत्रमा राखिएका निर्माण सामग्री हटाई सडक क्षेत्र कायम गर्ने, फुटपाथ रुपमा संचालन हुदै आएका व्यवसायलाई व्यवस्थापनमा पहल गर्ने, ऐलानी जग्गा खोजी र व्यवस्थापन गर्ने, मालपोत र व्यवसाय कर प्रभावकारी बनाउन नगरपालिका र वाणिज्य संघ बिच सहकार्य गर्ने, व्यवसाय दर्ता र नविकरण गर्न उद्योग वाणिज्य संघको सिफारिस अनिवार्य गर्ने निणर्य गरेको छ । अन्तर्रक्रिया कार्यक्रममा प्रमुख प्रशासकिय अधिकृत विनोद भट्टराईले स्वागत मन्तव्य राखेका थिए भने कार्यक्रम उद्योग वाणिज्य संघका महासचिव नारायण कार्कीले चलाएका थिए । कार्यक्रममा वाणिज्य सङ्घका पदाथिकारी र नगरपालिकाका कर्मचारीकाे समेत उपस्थिति रहेकाे थियाे ।
Facebook Comment
Banner
सुन्दरहरैंचाको गछिया युवा समाज मच्छिन्द्र फुटबल क्लबलाई पराजित गर्दै पुग्यो इटहरी गोल्डकपको फाइनलमा
सुन्दरहरैंचाको गछिया युवा समाज इटहरीमा जारी रेडबुल १६ औं इटहरी गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको फाइनलमा प्रवेश गरेको छ ।
शुक्रबार भएको प्रतियोगिताको पहिलो सेमीफाइनलमा गछियाले मच्छिन्द्र फुटबल क्लब, काठमाडौंलाई पेनाल्टी सुटआउटमा हराउँदै उपाधि नजिक पुगेको हो । निर्धारित समयको प्रतिस्पर्धात्मक खेल दुवै टोलीले ३–३ गोलको बराबरी खेलेपछि खेलको निर्णय पेनाल्टी सुटआउटमार्फत् भएको थियो
निर्धारित समयमा गछियाका लागि जनमय धामी, सुजन डंगोल र पदम भट्टराईले गोल गरेका थिए । मच्छिन्द्रका लागि प्रदिप बुढाथोकीले दुई गोल गर्दा थप एक गोल देवेन्द्र तामाङले गरेका थिए ।
पेनाल्टी सुटआउटमा गछिया ५–४ ले गोलले विजयी बन्दा गछियाकै पदम भट्टराई प्लेयर अफ दि म्याच बने ।
राष्ट्रिय जागृति क्लब, इटहरी, सुनसरीको आयोजनामा जारी प्रतियोगिताको विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ ।
गछियाले उद्घाटन खेलमा नाइजेरियाको फुटबल टिमलाई पराजित गरेको थियो ।
वर्षाका कारण बीपी राजमार्गअन्तर्गत काभ्रेको नमोबुद्धस्थित कटुञ्जेदेखि रोशीको मंगलटार सडकखण्ड आज बिहानदेखि अवरुद्ध भएको छ ।
कटुञ्जे–मंगलटार सडकखण्डको विभिन्न स्थानमा ‘डाइभर्सन’ बगाएका कारण सडक अवरुद्ध भएको जिल्ला प्रहरी कार्यालयले जनाएको छ । डाइभर्सन मर्मत सुरु गरिए पनि आवागमन सुचारु गर्न केही घण्टा लाग्ने भएकाले कार्यालयका सूचना अधिकारी प्रहरी नायब उपरीक्षक रविन विष्टले जानकारी दिए । उनका अनुसार वर्षाका कारण रोशी खोलामा पानीको बहाव बढेपछि राजमार्गमा यसअघि निर्माण गरिएको अस्थायी डाइभर्सन बगाएको हो ।
गत सालको बाढीपहिरोले रागमार्गको रोशी तथा सिन्धुलीको नेपालथोक क्षेत्रमा १८ किमी सडक बगाएपछि डाइभर्सन निर्माण गरी आवागमन भइरहेको थियो । यस्तै, गत चैत तेस्रो साता पनि सोही क्षेत्रको विभिन्न स्थानको चार किमी बगाएपछि पुनः अस्थायी डाइभर्सन निर्माण गरिएको थियो ।
यसैबीच, राजमर्गा अवरुद्ध भएपछि सवारीसाधनलाई अहिले राजमार्गको प्रवेशमार्ग धुलिखेलको काभ्रेभञ्ज्याङ र सिन्धुलीको नेपालथोकमा ‘होल्ड’ गरेर राखिएको छ । राजमार्गको अवस्था बुझेर मात्रै यात्रा गर्न सर्वसाधारणलाई प्रहरीले अनुरोध गरेको छ भने अर्को सूचना जारी नभएसम्म उक्त खण्डमा यात्रा नगर्न अपिलसमेत गरिएको छ ।
गत साल असोजको बाढीपहिरोले चौकीडाँडा–नेपालथोक सडकखण्ड पूर्णरुपमा क्षतिग्रस्त बनाएपछि खोलाबाटै अस्थायी सडक एवं डाइभर्सन बनाएर यातायातका साधन सञ्चालन गर्दै आइएको थियो । हाल उक्त क्षेत्रमा स्थायी सडक निर्माण भइरहेको डिभिजन सडक कार्यालय भक्तपुरले जनाएको छ ।
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login