अर्थ
सुरक्षा सामाजिक उद्यमी महिला सहकारीमा नयाँ नेतृत्व
विराटचोकः महिलाहरुद्वारा सञ्चालित सुरक्षा सामाजिक उद्यमी महिला सहकारी संस्था सुन्दरहरैंचाको सञ्चालक समितिमा नयाँ नेतृत्व चयन भएको छ ।
शनिबार सम्पन्न संस्थाको १२ औँ साधारण सभाले गोमा कटुवालको नेतृत्वमा ११ सदस्यीय नयाँ सञ्चालक समिति चयन गरेको हो । उनी अघिल्लो कार्यसमितिमा लेखा तथा सुपरीवेक्षण समितिको संयोजक थिइन् ।
नवगठित कार्यसमितिको उपाध्यक्षमा कमला घिमिरे, सचिवमा तुलसा घिमिरे र कोषाध्यक्षमा विद्या चापागाईँ निर्वाचित भएका छन् । सदस्यहरुमा प्रजिता गौतम, रुपा श्रेष्ठ, कल्पना घिमिरे, कविता लुइँटेल, रमा शर्मा भट्ट, देवकुमारी राई र निर्मला श्रेष्ठ नेपाल निर्वाचित भएका छन् ।
लेखा समिति संयोजकमा इन्द्रमाया खत्री र सदस्यमा चम्पा शाही तथा सावित्रा अधिकारी निर्वाचित भएको घोषणा निर्वाचन समितिका संयोजक प्रदीप लम्सालले गरेका थिए ।
कार्यक्रमकी विशिष्ट अतिथि सुन्दरहरैंचा नगरपालिकाकी उपप्रमुख अकली चौधरीले साधारण सभाको उद्घाटन गरेकी थिइन् । कार्यक्रमलाई सम्बोधन गर्दै उनले नगरका सहकारीहरु संस्थाको अनुगमन गरेर कानुनको दायरमा ल्याइने बताइन् । कृषि सहकारीले कृषिसम्बन्धी काम नगरेको पाइएको पनि उनले बताइन् ।
सहकारी समन्वय समिति सुन्दरहरैंचाका अध्यक्ष खगेन्द्र अधिकारीले सहकारीहरुले नयाँनयाँ प्रविधिको उपयोग गरेर व्यवस्थित तरिकाले संस्था सञ्चालन गर्नुपर्ने बताए ।
अग्रणी कृषि सहकारी संस्थाका अध्यक्ष शोभितमान पौडेलले सहकारी क्षेत्रमा देखिएका विकृतिको अन्त्य गर्न सहकारीका सञ्चालक जागरुक हुनुपर्ने बताए ।
संस्थाकी उपाध्यक्ष कमला घिमिरेले स्वागत मन्तव्य राखेको कार्यक्रममा अध्यक्ष दुर्गादेवी भट्टराईले संस्थाको वार्षिक प्रगति प्रतिवेदन तथा चालु आर्थिक वर्षका लागि प्रस्तावित कार्ययोजना प्रस्तुत गरेकी थिइन् । कोषाध्यक्ष तुलसा घिमिरेले गत आर्थिक वर्षको आर्थिक प्रतिवेदन र ऋण उपसमितिको प्रतिवेदन प्रस्तुत गरेकी थिइन् ।
बजार व्यवस्थापन उपसमितिकी संयोजक भगवती पराजुलीले बजार व्यवस्थापनसम्बन्धी प्रतिवेदन र लेखा सुपरीवेक्षण समिति संयोजक गोमा कटुवालले लेखा परीक्षण समितिको प्रतिवेदन प्रस्तुत गरेकी थिइन् ।
२३०८ महिला, १५० पुरुष र १ संस्थागत गरी २४५९ जना शेयर सदस्य रहेको संस्थाले गत आर्थिक वर्षमा ७ लाख ७३ हजार २ सय ४३ रुपैयाँ खुद नाफा गरेको छ । ७६ लाख १५ हजार ४ सय रुपैयाँ शेयर पूँजी रहेको संस्थाको कार्यक्षेत्र सुन्दरहरैंचा नगरपालिकाको वडा नम्बर ३,४,५,६,७ र ८ रहेको छ ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login