इटहरीः नवौँ राष्ट्रिय खेलकुद प्रतियोगिताको लागि प्रदेश एकमा भएको उसु खेलको खेलाडी छनोट प्रतियोगितामा सुनसरीले ५ स्वर्ण पदक पाएको छ ।

छनोट प्रतियोगितामा ६० केजी तौल समूहमा इलामकी अर्चना लिम्बूले स्वर्ण पदक जितेकी छिन् । भोजपुरकी स्मृति प्रधानले रजत पदक र सुनसरीकी सदिक्षा राई तथा संखुवासभाकी लजिता शेर्पाले कास्य पदक हात पारेका छन् ।

६५ केजी तौल समूहको प्रतिस्पर्धामा संखुवासभाकी प्रमिला विकले स्वर्ण पाएकी छिन् । झापाकी दीपाकुमारी गणेशले रजत पदक र सुनसरीकी स्मारिका खवास तथा इलामकी रीता कट्वालले कास्य पदक जितेकी छिन् ।

७० केजी तौल समूहको प्रतिस्पर्धामा सुनसरीकी दुर्गा ठकुरीले स्वर्ण, मोरङकी सम्झना राईले रजत र पाँचथरकी मनिषा नेम्वाङ तथा इलामकी मनिता नुगोले कास्य हात पारेका छन् ।

७५ केजी तौलसमूह अन्तर्गतको पुरुष तर्फको प्रतिष्पर्धामा मोरङका अमित लकान्द्रीले स्वर्ण जितेका छन् । झापाका करण राजवंशीले रजत र भोजपुरका लक्ष्मीप्रसाद तामाङ तथा धनकुटाका आशमान राईले कास्य जितेका छन् ।

४५ केजी महिला तर्फको प्रतियोगितामा संखुवासभाकी धनकुमारी राईले स्वर्ण, मोरङकी राजलकु राजवंशीले रजत र पाँचथरकी अमिता लिम्बू तथा झापाकी उनिता राईले कास्य पदक जितेका छन् ।

५२ केजी तौल समूहको महिलातर्फको प्रतियोगितामा सुनसरीकी टीका थापा मगरले स्वर्ण, भोजपुरकी सुलाबुङ राईले रजत र उदयपुरकी रेश्मा राई तथा मोरङकी पुष्पाकुमारी चौधरीले कास्य पदक जितेका छन् ।

५६ केजी समूहतर्फ सुनसरीकी प्रेरणा ठाकुरले स्वर्ण, संखुवासभाकी मातृका कुलुङले रजत र उदयपुरकी एलिना राना मगर तथा झापाकी कन्चन खवासले कास्य जितेका छन् ।

६० केजी तौल समूह पुरुषतर्फको प्रतियोगितामा सुनसरीका रोहित लिम्बूले स्वर्ण पदक जितेका छन् । मोरङका रेहन आजादले रजत र संखुवासभाका सन्देश राई तथा पाँचथरका ऋतु तुम्बाहाम्फेले कास्य पदक जितेका छन् ।

६५ केजी तौल समूहमा भोजपुरका विजय रसाइलीले स्वर्ण, झापाका सुमन मेचेले रजत तथा संखुवासभाका ताराराज राई र सुनसरीका किरण राईले कास्य पदक हात पारेका छन् ।

६० केजी तौल समूहको पुरुष प्रतियोगितामा मोरङका दीपककुमार पासवानले स्वर्ण जितेका छन् । झापाका रोशन गुरुङले रजत र उदयपुरका अर्जुन बिक तथा धनकुटाका आर्मल तेपुङले कास्य पदक पाएका छन् ।

पुरुष ४८ केजी तौल समुहमा संखुवासभाका गणेश लिम्बूले स्वर्ण, मोरङका पारस मरिकले रजत र भोजपुरका श्यामराज राई तथा सुनसरीका सविर सिहं थाक्लेले कास्य पदक पाएका छन् ।

५६ केजी पुरुषको प्रतिस्पर्धामा सुनसरीका प्रज्वल राईले स्वर्ण, संखुवासभाका फुर्काली शेर्पाले रजत र भोजपुरका सन्जय राई तथा झापाका अजित मेचेले कास्य जितेका छन् ।

पुरुष ८० केजी तौल समूहमा मोरङका उपेन्द्र मरिकले स्वर्ण, धनकुटाका हेमराज विश्वकर्माले रजत र संखुवासभाका प्रकाश तामाङले कास्य पदक जितेका छन् ।

८५ केजी तौल समूहमा सुनसरीका रोचन श्रेष्ठले स्वर्ण, संखुवासभाका वीरबल राईले रजत र धनकुटाका रिजन श्रेष्ठले कास्य पदक जित्न सफल भएका छन् ।

प्रतियोगितामा प्रदेश नम्बर १ का ११ जिल्लाका खेलाडी सहभागी थिए ।