Connect with us
Advertisement
Advertisement

तराईका फाँट नियाल्न सकिने रमणीय भाग र ऐतिहासिक पोखरीको धनी लेटाङ

Published

on

विराटचोकः साबिकका ४ वटा विकट गाविस मिलेर लेटाङ नगरपालिकाको निर्माण भएको छ । यस नगरपालिकामा मोरङको विकट पहाडी भूभाग रहेको हुनाले पर्यटकीय क्षेत्र धेरै रहेका छन् । प्रकृतिले धेरै पर्यटकीय क्षेत्र यहाँ दिएको छ । जाँतेमा रहेको मानवनिर्मित जाँतोबाहेक अधिकांश पर्यटकीय क्षेत्र प्राकृतिक नै रहेका छन् ।

सुगम जिल्ला भए पनि दुर्गम क्षेत्र समेटिएको मोरङको लेटाङ नगरपालिकालाई धिमाल जातिको उत्पत्तिस्थल भएको विश्वास गरिन्छ । नगरपालिकाको नाम पनि धिमाल भाषाकै आधारमा रहेको पाइन्छ । प्राचीन धिमाल भाषामा ‘लेटा’ को अर्थ तल झरेको भन्ने हुन्छ । त्यही ‘लेटा’ शब्द अपभ्रंश भई लेटाङ भएको हो भन्ने भनाइ छ । धिमालहरुको उत्पत्ति स्थल र धिमाल राजा बस्ने राजारानी पोखरी पुग्न तल खोंचमा झर्नुपर्ने हुन्छ । त्यस्तै, लेटाङ बजार पनि पहाडबाट तल खोंचमा झरेजस्तै गरी झर्नुपर्ने हुन्छ । यसरी हेर्दा लेटाङको शाब्दिक अर्थ किंवदन्तीसँग मिल्न जाने देखिन्छ ।

लेटाङमा होम स्टेको निर्माण गर्न सके पर्यटकलाई तान्न सजिलो हुने उपप्रमुख कृष्णकुमारी पोखरेल, निरौला बताउँछिन् । उनका अनुसार लेटाङका सबै पर्यटकीय स्थल सुरक्षित नै छन् । कुनै पनि पर्यटकीय स्थल असुरक्षित छैनन् । पर्यटकीय क्षेत्र आसपास आदिवासी जनजातिको बाहुल्यता रहेको हुनाले राम्रो आतिथ्यता पनि पाइन्छ ।

लेटाङका राजारानी ताल, धिमालहरूको उद्गमस्थल राजारानी मन्दिर, वाराही ताल, किसे झरना, कोलुङ झरना मुख्य पर्यटकीय गन्तव्य हुन् । झोलुङ्गे पुलको नगरको रुपमा रहेको लेटाङका झोलुङ्गे पुल र सबैभन्दा ठूलो जाँतो हेर्न पनि आन्तरिक पर्यटक आउँछन् । सामुदायिक वनमा पार्क निर्माण गर्न सके अझै धेरै पर्यटक भित्र्याउन सकिने उनी बताउँछिन् ।

उनका अनुसार पर्यटकीय क्षेत्रको विकासको लागि नगरले बाटो निर्माणको कामलाई प्राथमिकता दिएको छ । सवारी साधन जान सक्ने बाटो तथा सवारी जान नसक्ने ठाउँमा सिँढी निर्माण गर्ने लगायतका कामलाई प्राथमिकता दिइएको छ । कृषि पर्यटनलाई बढी जोड दिइएको छ । अब बन्ने संरचना पर्यटन क्षेत्रसँग जोडेर बनाउने योजना रहेको पनि उनले बताइन् । बजारको तीनकुने क्षेत्रमा पार्क बनाउने पनि नगरको योजना रहेको छ । सामुदायिक वनमा पार्क निर्माण गर्न सके अझै धेरै पर्यटक भित्र्याउन सकिने उनी बताउँछिन् ।

राजारानी पोखरी नगरको मुख्य पर्यटकीय क्षेत्रमध्येको एक हो । लेटाङ १ मा रहेको राजारानीमा धिमालहरुको मन्दिर छ । प्रत्येक वर्षको बैशाख २ गते झापा, मोरङ र सुनसरीका धिमालहरु भेला भएर त्यहाँ पूजा गर्ने गर्दछन् । राजारानीमा राजा पोखरी, रानी पोखरी र छोरी पोखरी छन् । त्यहाँ ४५ प्रकारका सुनाखरी फुल्छन् ।

लेटाङ– ५ मा रहेको वाराजी मन्दिर पनि धार्मिक पर्यटकीय स्थल हो । यो मन्दिरको स्थापनाको बारेमा रोचक किंवदन्ती छ । पहिले एक जना ब्राह्मणको बालीनाली सुँगुरले नष्ट गरेको र सो सुँगुरलाई मार्दा पत्थर भएको भनाइ छ । सो पत्थरलाई लगेर वाराजीको मन्दिर स्थापना गरेको भनाइ छ । सो पत्थर अहिले पनि देख्न सकिन्छ ।

वडा नम्बर १ मा साग्माभन्दा ३ किलोमिटर अगाडि किसे झरना छ । ४० मिटरमाथिबाट सो झरना झरेको छ । साबिक भोगटेनी र सिंहदेवीको बीचमा यो झरना पर्दछ । वडा नम्बर ८ मा कोलुङ झरना, वडा नम्बर ६ मा देउजे झरना पर्दछन् । वडा नम्बर ७ मा नादेब्लुङ झरना रहेको छ । त्यस्तै, वडा नम्बर ९ मा रहेको विशाल जाँतो पनि पर्यटकीय दृष्टिले महत्वपूर्ण छ । यो क्षेत्र पहिलेको जाँते गाविस हो ।

वडा नम्बर ५ मा रहेको जोरकुपमा रहेका जोर इनारबाट पानी निकालेर बर्खाको समयमा उपभोग गर्ने गरेको पाइन्छ । जोरकुपलाई पनि पर्यटकीय क्षेत्रको रूपमा बिस्तार गर्न सकिन्छ ।

१ हजार ७ सय मिटर उचाइसम्म लेटाङ नगरपालिकाको भूभाग रहेकाले नगरका धेरै स्थानबाट तराईका फाँट हेर्न सकिन्छ । नगरवासीको आर्थिक स्तर उकास्न पर्यटन क्षेत्रलाई प्राथमिकता दिने नगरले निर्णय गरेको छ । त्यसको लागि विभिन्न संस्थासँग सहकार्य गरी विभिन्न माध्यमबाट काम गर्ने र प्रचारप्रसारलाई फैलाउने काममा नगरपालिका अघि बढेको छ ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

सन्दीप लामिछानेले गराए शल्यक्रिया

Published

on

क्रिकेटर सन्दीप लामिछानेले काठमाडौंको सिल्भरलाइन हस्पिटलमा लाइपोमाको शल्यक्रिया गराएका छन् । उनले दोश्रो पटक शल्यक्रिया गराएका हुन। उनको शरीरका विभिन्न अंगमा रहेका ७ वटा गाँठाहरू हटाइएको छ ।

Continue Reading

Banner

तपाईं ‘हाफ नेपाली’ हो ? भन्ने प्रश्नमा अदितीको जवाफ : म शतप्रतिशत नेपाली

Published

on

अभिनेत्री तथा मोडल अदिती बुढाथोकी मुम्बईमा मोडलिङ र विज्ञापनमा व्यस्त छिन् । उनले अभिनय गरेका सांगीतिक भिडियो पनि आइरहन्छन् ।

यसबाहेक इन्स्टाग्रामबाट उनी हरेक दिनजसो आफ्ना स्टाइलिस तस्वीर सेयर गरिरहेकी हुन्छिन् । इन्स्टा स्टोरी र टाइमलाइनबाट उनी फ्यानसँग अन्तरक्रिया गरिरहेको पनि देखिन्छ ।

बेलाबेलामा अदितीले इन्स्टा स्टोरीबाट फ्यानसँग प्रश्नोत्तर गर्छिन् । पछिल्लो साता पनि उनले फ्यानसँग इन्स्टाबाटै प्रश्नोत्तर गरिन् । जसअनुसार फ्यानले उनलाई विविध प्रश्न गरेका छन् ।

केहीले मसँग विवाह गर्नुहुन्छ ? भनेर सोधेका छन् । केहीले तपाईं शाकाहारी कि मांसाहारी, रोम-कम फिल्म कहिले गर्नुहुन्छ ? भनेर सोधेका छन् । उनले आफ्नो मनपर्ने गायिका सधैंभरका लागि बियोन्से भएको बताएकी छन् ।

एक फ्यानले उनलाई तपाईं आधा नेपाली र आधा इण्डियन हो भनेर सोधेका छन् । यो प्रश्नको जवाफमा अदितीले आफू शतप्रतिशत नेपाली भएको र नेपाललाई माया गर्ने बताएकी छन् ।

उनले यी प्रश्नको जवाफ पनि सेयर गरेकी छन् । अर्का फ्यानले उनलाई तपाईं मधुबाला जस्तै देखिनुहुन्छ भनेर सोधेका छन् । उनले भनेकी छन्, ‘मलाई त्यस्तो लाग्दैन । म मधुबालाजीको ठूलो फ्यान हुँ । उहाँ सदावहार सुन्दरी र वरिष्ठ अभिनेत्री हुनुहुन्छ ।’

कामको कुरा गर्दा अदितीले ‘कृ’बाट नेपाली फिल्ममा अभिनय करिअर थालेकी थिइन् । उनको पछिल्लो फिल्म ‘बाबरी’ हो । उनको होमप्रोडक्सन अदिती बुढाथोकी फिल्म्सले निकट भविष्यमा फिचर फिल्म बनाउने तयारी गरिरहेको छ ।

Continue Reading

Banner

बिहे गरेको २ वर्षसम्म पनि शारीरिक सम्बन्ध नराखेको भन्दै श्रीमानविरूद्ध प्रहरीमा जाहेरी

Published

on

एजेन्सी ।  भारतको बिहार राज्यअन्तर्गत मुजफ्फरपुरमा एक महिलाले शारीरिक सम्बन्ध नराखेको भन्दै पतिविरुद्ध प्रहरीमा जाहेरी (एफआईआर) दर्ता गराएकी छन्। भारतीय सञ्चारमाध्यमका अनुसार यस विषयमा अनुसन्धान थालिएको महिला थाना प्रहरीले जनाएको छ। पीडित युवती वैशाली जिल्ला लालगन्ज थाना क्षेत्रस्थित एक गाउँकी बासिन्दा हुन् भने आरोपित श्रीमान् अहियापुर थाना इलाकाका बासिन्दा हुन्।

प्रहरी चौकीमा दर्ता भएको एफआईआरमा पीडितले भनेकी छन्, ‘मेरो विवाह ३१ मे २०२१ मा भएको थियो। विवाहपछि म ससुराको घर गएँ। तर विवाह भएको दुई वर्षसम्म पनि मेरा श्रीमान्‌ले मसँग शारीरिक सम्बन्ध राखेनन्। त्यसपछि मैले यो कुरा ससुरालाई भनेँ तर उनले पनि छोरालाई सम्झाएनन्।’ त्यसपछि पीडित महिलाले श्रीमानलाई सोधिन्, ‘मसँग किन यौन सम्पर्क गर्नुहुन्न?’

यसो भन्दा पतिले बारम्बार गाली र कुटपिट मात्र गर्ने गरेको ती महिलाले एफआरआईमा उल्लेख गरेकी छन्। ‘यति मात्र होइन, म आमाबुवाको घरमा जाने भन्दा पतिले धम्की दिन्थे–  ‘घरबाट निस्किस् मात्र भने तँ र तेरो परिवारैलाई मारिदिन्छु। बल्लबल्ल हजुरबुवा बिरामी भएको बहानामा म माइती आएकी छु, तर अहिले पनि श्रीमानसहित ससुराले मलाई लगातार धम्की दिइरहेका छन्’, पीडित महिलाले जाहेरीमा लेखेकी छन्।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक