विराटचोकः मतदाता सङ्ख्या, निर्वाचन क्षेत्रको क्षेत्रफल र मतदान केन्द्रका आधारमा मंसिर ४ गते हुने प्रतिनिधिसभा निर्वाचनको लागि उम्मेदवारहरुले गर्न पाउने खर्चको सीमा निर्वाचन आयोगले तोकेको छ ।
आयोगका अनुसार मतदाताको सङ्ख्यालाई ६० प्रतिशत भार मानिएको छ । मतदान केन्द्र सङ्ख्या र निर्वाचन क्षेत्रले आगटेको क्षेत्रलाई २०\२० प्रतिशत भार मानिएको छ । आयोगको निर्णयअनुसार सबभन्दा कम काठमाडौंका ५ वटा निर्वाचन क्षेत्रका उम्मेदवारले अधिकतम २५ लाख रुपैयाँ खर्च गर्न पाउने छन् । सबैभन्दा बढी ३३ लाख रुपैयाँसम्म खर्च गर्न पाउनेमा हिमाली जिल्ला बढी छन् ।
यस्तो छ खर्च गर्न पाउने सीमा निर्धारण भएका निर्वाचन क्षेत्रहरुः
२५ लाख रुपैयाँ खर्च गर्न पाउने निर्वाचन क्षेत्रहरुः काठमाडौंका ५ वटा निर्वाचन क्षेत्रहरु १, ३, ६, ७ र ८ ।
२७ लाख रुपैयाँसम्म खर्च गर्न पाउने निर्वाचन क्षेत्रहरुः तेह्रथुम, पर्सा १, २ र ३, रसुवा, काठमाडौं २, ४, ५, ९ र १० भक्तपुर २, ललितपुर २ र ३, मनाङ, कास्की २ र रुकुम पूर्व गरी १७ वटा निर्वाचन क्षेत्र ।
२९ लाख रुपैयाँसम्म खर्च गर्न पाउने निर्वाचन क्षेत्रहरुः
झापा १ र ४, मोरङ ४, ५ र ६, सुनसरी ३ र ४, उदयपुर २, सप्तरी २, ३ र ४, सिराहा १, २, ३ र ४, धनुषा १, २, ३ र ४, महोत्तरी १, २, ३ र ४, सर्लाही २ र ४, रौतहट १, २, ३ र ४, बारा २, ३ र ४, पर्सा ४, नुवाकोट २, भक्तपुर १, चितवन २, गोरखा २, कास्की १, स्याङ्जा २, मुस्ताङ, बाग्लुङ २, गुल्मी २, पाल्पा १ र २, रुपन्देही २, ३ र ४, कपिलवस्तु ३, बाँके २ र ३, नवलपरासी (बर्दघाट सुस्ता पश्चिम) १ र २, दैलेख १ र २, अछाम १ र २, कैलाली १, २, ३ र ५, कञ्चनपुर १, २ र ३ गरी ६५ वटा निर्वाचन क्षेत्र ।
३१ लाख रुपैयाँसम्म खर्च गर्न पाउने निर्वाचन क्षेत्रहरुः
इलाम १ र २, झापा २, ३ र ५, भोजपुर, धनकुटा, मोरङ १, २ र ३, सुनसरी १ र २, ओखलढुंगा, उदयपुर १, सर्लाही १ र ३, बारा १, सिन्धुली १ र २, धादिङ १ र २, नुवाकोट १, सिन्धुपाल्चोक १ र २, चितवन १ र ३, कास्की ३, तनहुँ २, स्याङ्जा १, नवलपरासी बर्दघाट सुस्ता पूर्व १ र २, म्याग्दी १, पर्वत १, गुल्मी १, रुपन्देही १ र ५, कपिलवस्तु १ र २, दाङ २ र ३, बाँके १, मुगु, जुम्ला, कालीकोट, सुर्खेत १ र २, रुकुम पश्चिम, बाजुरा, कैलाली ४, दार्चुला र डडेलधुरा गरी ५२ वटा निर्वाचन क्षेत्र ।
३३ लाख रुपैयाँसम्म खर्च गर्न पाउने निर्वाचन क्षेत्रहरुः
ताप्लेजुङ, पाँचथर, संखुवासभा, सोलुखुम्बु, खोटाङ, दोलखा, रामेछाप, काभ्रे १ र २, मकवानपुर १ र २, गोरखा १, लमजुङ, अर्घाखाँची, रोल्पा, प्युठान, दाङ १, बर्दिया १ र २, सल्यान, डोल्पा, हुम्ला, जाजरकोट, बझाङ, डोटी र बैतडी गरी २६ वटा निर्वाचन क्षेत्र ।
समानुपातिकको हकमा दलहरुले पेश गरेको बन्दसूचीमा सूचीकृत सङ्ख्याअनुसार प्रति उमम्मेदवार २ लाख र प्रदेशसभाका समानुपातिक उम्मेदवारहरुको हकमा १ लाख ५० हजार रुपैयाँ खर्च गर्न सकिने आयोगले जनाएको छ ।
You must be logged in to post a comment Login