Connect with us
Advertisement
Advertisement

यी हुन् २०७९ सालका दशैं गीतहरू

Published

on

विराटचोकः दशैंलाई विभिन्न तरिकाले व्याख्या गर्न सकिन्छ । आसुरी शक्तिमाथि देवीको जीतका आधारमा यसलाई असत्यको पराजय र सत्यको विजयको रुपमा हेर्ने गरिन्छ ।

मान्यजनबाट दुर्गा भवानीको प्रसादका रुपमा टीका र जमरा ग्रहण गरिने भएकाले यसलाई मान्यजनको आदर गर्ने र सानाको माया गर्ने पर्वका रुपमा लिइन्छ ।

दशैंमा मिठो खाने र राम्रो लगाउने चलन बढी भएकाले यसलाई खानपिन र रमाइलो गर्ने पर्वका रुपमा पनि लिइन्छ ।

पछिल्लो समय घुमघाम गर्ने, भेटघाट गर्ने पर्वका रुपमा पनि दशैंलाई लिन थालिएको छ । धेरै मानिस आफ्नो दैनिकीबाट फुर्सद हुने भएकाले दशैंको अवसर पारी दशैंसँग सम्बन्धित गीत सार्वजनिक गर्ने क्रम पनि पछिल्लो समय बढेको छ ।

यसै क्रममा यस वर्षको दशैंको अवसर पारेर युट्युबमा अपलोड गरिएका र दशैंको टीकाको दिन (१९ असोज २०७९) मा बिहान ६ बजेसम्म सो गीत कति मानिसले हेरे भन्नेसहितको सामग्री यहाँ प्रस्तुत गरिएको छ ।

आयो दशैं ए परदेशी…
आयो दशैं रमाइलो ला’ छैन,
तिमी आउने खबर नि पा’ छैन ।
परदेशीलाई परदेशमा कस्तो छ ?
आउँछु आउँछु भनेर आएनौ प्यारा, अब त भेट हुन्न जस्तो छ ।

ऋषि खड्का र शान्तिश्री परियारको स्वर रहेको यो गीतमा केकी अधिकारी र सुनिल लामिछानेलगायतको अभिनय रहेको छ । गीतका शब्द सुनिल लामिछानेले लेखेका छन् । ऋषि खड्काले सङ्गीत दिएको सो गीत गोर्खा चौतारी म्युजिकले गीत बजारमा ल्याएको हो । सेप्टेम्बर १३ अर्थात् भदौ २८ गते अपलोड भएको गीत असोज १९ सम्ममा दर्शकले १३ लाख ५३ हजार ५ सय १९ पटक हेरिएको छ ।

दशैं तिहारमा …
दशैं आयो पियारी हेर,
जहाज चढी आउँछु म फर्केर
दशैं तिहारमा,
आमालाई चोली किन्दिएँ, बाबालाई कोट
यसपाली त घर जाने हो रहर रहरमा …।

रामजी खाँण र टीका पुनको स्वरमा बजारमा आएको गीतमा रमा थपलिया, गीता ढुंगाना र प्रशान्त बिष्टलगायतको अभिनय रहेको छ । प्रशान्त बिष्टको शब्द र सङ्गीत रहेको छ ।

सेप्टेम्बर ९ अर्थात् भदौ २४ गते अपलोड भएको गीत असोज १९ सम्ममा ४ लाख ७७ हजार २ सय ९२ जनाले हेरेका छन् ।

आउँदैछु गाउँतिर….
चाडपर्व नजिकिँदा झन् आतुरी ला’ छ
सानु तिम्लाई कति बेला भेटौँ जस्तो भा’ छ
नमाने सानुले पीर, दशैं मान्न आउँदैछु गाउँतिर ।
खुमन अधिकारी र सुनिता बुढा, चीज गुरुङ र दिया नेपालको स्वर रहेको गीतमा विष्णु न्यौपानेको शब्द रहेको छ । खुमन अधिकारीको सङ्गीत रहेको गीत शिवदर्शन फिल्मस्ले बजारमा ल्याएको हो । गीतमा अञ्जली अधिकारी र अभिषेक खड्काले अभिनय गरेका छन् ।

सेप्टेम्बर १४ अर्थात् भदौ २९ गते अपलोड भएको गीतमा असोज १९ गतेसम्ममा ४ लाख ४ हजार ३१ भ्युज पुगेको छ ।

टिकाटालो ……
हाँसिरहने लक्षिनकी छ, न गोरी न काली
सासू पनि ठीक छन् आमा, झनै राम्री साली
ठीक छन् आमा ससुरा, ठीक छन् जेठान सालो
होइ गर्देऊ टिको टालो आमा त्यही केटी मन पर्याे गर्देउ टीको टालो
यही दशैंमा गर्देऊ आमा टीको टालो

पशुपति शर्मा र सम्झना भण्डारीको स्वर तथा दुर्गा पौडेलको निर्देशन रहेको गीतमा पशुपति शर्मा, सम्झना भण्डारी, लक्ष्मी गिरी, सबिता गुरुङ, शेखर घर्ती र करिष्मा ढकालले अभिनय गरेका छन् । शब्द र सङ्गीत पशुपति शर्माको रहेको छ ।

सेप्टेम्बर २२ अर्थात् असोज ६ गते अपलोड भएको गीतले असोज १९ सम्ममा ९ लाख ५८ हजार १ सय ३३ भ्युज पाएको छ ।

पूर्णिमा रातको …
आउँथे प्यारी तरेरै सागर,
भन्यो भने साहुले तँ जा घर,
पूर्णिमा रातको, जून झलमल्ल
पियारी, गाउँमै भए पो
माने झैँ हुन्थ्यो दशैंतिहार बल्ल

विष्णु खत्री र पूर्णकला बीसीको स्वर, भरत खत्रीको शब्द, विष्णु खत्रीको सङ्गीत, प्रथम क्षेत्रीको निर्देशन रहेको गीतमा टुलवीर थापा र दिया जीसीलगायतले गीतमा अभिनय गरेका छन् । असोज १९ सम्ममा सो गीतमा १ लाख ८२ हजार ६ सय ४७ भ्युज पुगेको छ ।

ए प्यारी…
आयो फेरि दशैं र तिहार
प्यारी भन्छिन्, चाँडै आऊ पियार
दशैं तिहारमा….,
ए प्यारी आउन पाइनँ म घरमा, बस्नू है घरधन्दा, बालबच्चा सिहारी

रामजी खाँणले बजारमा ल्याएको गीतमा रामजी खाँण र करिस्मा ढकालको अभिनय रहेको छ ।

सेप्टेम्बर ९ अर्थात् भदौ २४ गते अपलोड भएको गीत असोज १९ सम्ममा १ लाख २४ हजार ३ सय ७ पटक हेरिएको छ ।

फूलमै रानी…..
क्यार्नी हो र यो एक्लो बैंसले
कुन दिन घाँटी रेट्दिन्छु हैंसाले
हो मुग्लानी,
बाँचे त भेट हुम्ला नि

शुभारम्भ डिजिटल म्युजिकमार्फत् शम्भु कुँवरले ल्याएको गीतमा खेम सेञ्चुरी र शान्तिश्री परियारको स्वर रहेको छ । नेत्र अर्यालको शब्द रहेको गीतमा खेम सेञ्चुरीको लय रहेको छ । खेम सेञ्चुरी, विनोद भण्डारी र सारिका केसीको अभिनय रहेको गीतको छायाङ्कन नवराज उप्रेतीले गरेका छन् । असोज १९ सम्ममा गीत ३ लाख ९८ हजार १ सय ८१ पटक हेरिएको छ ।

मेरो परदेशी
मनको माया आशैले थिग्रियो
भाका सार्छौ यो मनै बिग्रियो
कहिले आउँछौ घर,
ए परदेशी, मुग्लानी हो कहिले आउँछौ घर
सुन्ने भो गाउँबेसी ओई चौतारीको वर

मेनुका परियार र अर्जुन भुसालको स्वर, अर्जुन श्रेष्ठको शब्द र श्रीकृष्ण अर्यालको सङ्गीत रहेको गीतको भिडियोमा साया भण्डारी, सुमन अधिकारी, युनिसा रेग्मी, विराज गहतराज र क्रितिसाले अभिनय गरेका छन् । गीतले असोज १९ सम्ममा ७० हजार ९ सय ५६ भ्युज बटुलेको छ ।

शिरैभरी जमरा झपक्कै, रातो टीका निधारमा लपक्कै
गाँवैँ झिलिली…., अहिलेको दशैंमा नाचौँ फिलिली….
रामजी खाँणले बजारमा ल्याएको सो गीत अडियोमा मात्रै उपलब्ध छ ।

सेप्टेम्बर ३० अर्थात् असोज १४ गते अपलोड भएको गीतले असोज १९ सम्ममा १४ हजार ३ सय ६ भ्युज पुर्याएको छ ।

दशैंमा धेरै गीत युट्युबमा अपलोड भएका छन् ।

 

Continue Reading

Facebook Comment

Click to comment

You must be logged in to post a comment Login

Leave a Reply

Banner

विपिनको ‘महाजात्रा’ ले पहिलो दिनमै कमायो एक करोडभन्दा बढी

Published

on

शुक्रवारबाट प्रदर्शनमा आएको फिल्म ‘महाजात्रा’ ले देशभर बम्पर ओपनिङ गरेको छ । फिल्मले पहिलो दिन एक करोड २३ लाख ग्रस कलेक्सन गरेको फिल्मका निर्देशक प्रदीप भट्टराईले जानकारी दिए ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको यस्तो तेस्रो फिल्म हो । प्रदर्शनको पहिलो दिन नेपालका अधिका‍ंश शो हाउसफुल भएका छन् भने विदेशमा पनि सोही अवस्था छ । अष्ट्रेलियाको सिड्नी, होवर्ट लगायतका केही सहरमा ‘सोल्ड आउट’ भएको छ ।

Continue Reading

Banner

आज पहाडी जिल्लामा हर्षाेल्लासका साथ हाेली पर्व मनाइँदै

Published

on

Continue Reading

Banner

आज – ११ चैत्र २०८० आइतवार को राशिफल

Published

on

मेष

मेष (चु, चे, चो, ला, लि, लु, ले, लो, अ) आज साथी भाइसँग समय बित्नेछ । कुनै कुराले मनमा शान्ति छाउनेछ । बिनाप्रतिस्पर्धा फाइदा हुनेछ । पुनर्मिलनको योग पनि रहेको छ ।

मिथुन

मिथुन (का, कि, कु, घ, ङ, छ, के, को, हा) आज विशिष्ट व्यक्तिको साथ पाइनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । शेयर बजारको कारोबार हुनेछ ।

सिंह

सिंह (मा, मि, मु, मे, मो, टा, टि, टु, टे) आँटेको र ताकेको कार्य पुरा होला । आर्जनका क्षेत्रमा सुधार आउनेछ । धार्मिक कार्यमा रुचि बढ्नेछ । नजिकको मित्रसँग भेटघाट हुनेछ ।

तुला

तुला (रा, रि, रु, रे, रो, ता, ति, तु, ते) आज शैक्षिक क्षेत्रमा सफलता मिल्नेछ । पार्टी तथा सेमिनारमा सहभागी भइएला । आदर्श व्यक्तित्व सँगको सहकार्यले नयाँ अनुभव मिल्नेछ ।

धनु

धनु (ये, यो, भा, भि, भु, धा, फा, ढा, भे) आज न्यायिक कार्यमा सफलता मिल्नेछ । जोशजाँगर र हिम्मत बढ्नेछ । नयाँ कार्य वा रोजगार पाइनेछ । मित्रबाट विशेष सहयोग मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) आज मान प्रतिष्ठामा वृद्धि हुनेछ । भाग्यले विभिन्न अवसर जुराउनेछ । अनुहारमा कान्ति र मनमा शान्ति छाउनेछ । नयाँ कामको थालनी होला ।

बृष

वृष (इ, उ, ए, ओ, वा, वि, वु, वे, वो) आज आफन्त व्यक्तिसँग विवाद पर्ने सम्भावना छ । गर्न खोजेका काममा बिघ्नबाधा धेरै देखा पर्नेछन्, हरेक कार्यमा सतर्क हुनु नै उपयुक्त होला ।

कर्कट

कर्कट (हि, हु, हे, हो, डा, डि, डु, डे, डो) आज रोकिएका अधुरा कामहरू पुरा हुनेछन् । बोलीको प्रभाव बढ्नेछ । बिनाप्रतिस्पर्धा फाइदा हुने योग छ । पढाइ लेखाइमा प्रगति पनि हुनेछ ।

कन्या

कन्या (टो, पा, पि, पु, ष, ण, ठ, पे, पो) निर्णायक क्षमतामा कमी आउनेछ । स्वास्थ्य सम्बन्धी चिन्ता बढ्नेछ । चुनौतीको सामना गरी गलत निर्णय लिन पुगिएला, सचेत रहनुहोला ।

बृश्चिक

वृश्चिक (तो, ना, नि, नु, ने, नो, या, यि, यु) आज प्रतीक्षा गरिएको काम पूरा हुनेछ । दैनिक कार्यमा प्रगति हुनेछ । नयाँ ज्ञान सिक्ने मौका मिल्नेछ । शुभ समाचार पनि सुन्न पाइएला ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आज शरीर भारी र मन अस्थिर रहने संकेत देखिन्छ । नयाँ योजना कार्यान्वयनमा ल्याउन मुस्किल पर्ला । घरायसी विवाद समेत बढ्ला ।

मीन

मीन (दि, दु, थ, झ, ञ, दे, दो, चा, चि) आज सांस्कृतिक कार्यमा सरिक भइने छ । बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह छाउने र जोशजाँगर बढ्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक