कोशी प्रदेश
खिचातानीले गर्दा अलपत्र हुँदै बाघझोडा सिमसार
विराटचोकः चारकोशे जङ्गलको छेउमा रहेको बाघझोडा सिमसार ७ बिघा ५ कठ्ठा १२ धुर क्षेत्रफलमा फैलिएको छ । त्यहाँ बाह्रै मास पानी हुन्छ । त्यहाँको जलाशयलाई सदुपयोग गर्दै स्थानीय समुदायको आर्थिक स्तर उकास्न सकिने उपाय हुँदाहुँदै पनि बाघझोडा संरक्षण समितिको अहमताले गर्दा ओझेलमा परेको छ ।
सो सिमसार संरक्षण समितिका अध्यक्ष चन्द्रबहादुर गुरुङ भने स्थानीय सरकारलाई ढोग्दै नजाने बताउँछन् । गुरुङ तत्कालीन नेकपा एमालेको तर्फबाट संविधानसभा सदस्य समेत भइसकेका व्यक्ति हुन् । गुरुङले निष्पक्ष खबरसँगको कुराकानीमा भने, ‘बाघझोडाका विषयमा स्थानीय सरकार जानकार भएकाले कुनै योजना माग गरिएको छैन ।
संरक्षण समितिले प्रदेश सरकारले दिएको २० लाख रुपैयाँ, राष्ट्रपति चुरेभावर संरक्षणले विनियोजन गरेको १५ लाख रुपैयाँ, साझेदारी वनले दिएको ५ लाख गरी ४० लाख रुपैयाँले करीब १ करोड रुपैयाँबराबरको काम गरेको उनले बताए ।
पूर्वपश्चिम राजमार्गमा रहेको खोर्साने चोकदेखि १ किलोमिटर उत्तरमा रहेको सिमसारका लागि स्थानीय सरकारसँग बजेट विनियोजन गर्न मौखिक रूपमा माग गरिएको गुरुङले बताए ।
समिति र साझेदारीको विवाद
यता, केराबारी लोहन्द्रा साझेदारी वनले आफूले समितिको खातामा ५ लाख रुपैयाँको चेक काटेको वर्ष दिन बितिसक्दा समेत कुनै बिल भरपाई नआएको र चिठी पठाउन बाध्य भएको बताएको छ । समितिले पुन ५० लाख रुपैयाँ रकम माग गरेको र पुरानो निकासा भएको रकमको पनि बिल नदिएकाले बेरुजु गर्ने बताएको छ ।
समितिका अध्यक्ष गुरुङ भने बिलभरपाइका बारेमा सोध्दा अनौठो जवाफ दिन्छन् । आफ्नो व्यक्तिगत रकमसमेत समितिमा खर्च गरेकाले कुनै बिल भरपाई देखाउनु नपर्ने बताउँदै उनले साझेदारी वनले १० लाख दिने भनी झुक्याएकाले पुनः ५ लाख आएपछि मात्र बिल भरपाई पेश गर्ने जवाफ गुरुङले दिए ।
यो सिमसार क्षेत्र मोरङको सुन्दरहरैंचा नगरपालिका–१० मा पर्छ । सिमसारको पानीले सयौँ बिघा जमिनमा खेती हुने गरेको छ । मनोरञ्जन स्थल, फनपार्क, पिकनिक स्पट, विभिन्न प्रजातिका रुख यो सिमसार क्षेत्रमा रहेका छन् ।
स्थानीय सरकारको भनाइ
सुन्दरहरैंचा नगरपालिकाका प्रमुख शिवप्रसाद ढकालले बाघझोडा सिमसार क्षेत्र मोरङ जिल्लाकै पुरानो सिमसार भएकाले यसको संरक्षणका लागि नगरमा माग हुनुपर्नेमा कसैले माग नगरेको बताए । नगरपालिकाले सो सिमसारको डीपीआर बनाउन चाहे पनि सम्बन्धित समिति र सरकोकारवाला कसैले पनि चासो नदेखाएकाले ओझेलमा परेको बताए ।
स्थानीयवासी के भन्दछन् ?
उता, स्थानीयवासीले सरकारले जतिसुकै बजेट दिए पनि विकास नहुने भन्दै गुनासो गर्दै आएका छन् । उनीहरू समितिको कामका विषयमा कसैले मुख खोल्न सक्ने अवस्था नरहेको बताउँछन् । आँखा अगाडि यस्तो पर्यटकीय क्षेत्र कुरूप भएको हेर्नुबाहेक कुनै विकल्प नभएको स्थानीय बताउँछन् । बाघझोडा सिमसार क्षेत्र प्रदेश १ को उत्कृष्ट पर्यटकीय स्थल बन्ने हुँदाहुँदै पनि राजनीतिक खिचातानी र जुँगाको लडाइँले ओझेलमा परेको छ ।
सरकारले नेपाल भ्रमण वर्ष घोषणा गरेरै मनाउने तयारी गरेको छ । राजनीतिक दाउपेच तथा व्यक्तिगत स्वार्थका कारण पर्यटकीय क्षेत्र ओझेलमा पर्दा सरकारको पर्यटन वर्ष नारालाई गिज्याइरहेको प्रष्ट देख्न सकिन्छ ।
Facebook Comment
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
सलकपुरः इन्द्रपुर क्रिकेट क्लबको आयोजनामा सुन्दरहरैंचा टी–२० कप २०८३ हिजोदेखि औपचारिक रूपमा सुरु भएको छ।
उद्घाटन दिनमै रोमाञ्चक प्रतिस्पर्धा देखिएको प्रतियोगिताको पहिलो खेलमा विराट वारियर्सले हरैंचा रोयल्सलाई ६ विकेटले पराजित गर्दै विजयी सुरुआत गरेको छ। उत्कृष्ट प्रदर्शन गरेका रोहन श्रेष्ठ ‘म्यान अफ द म्याच’ घोषित भए।
त्यसैगरी, दोस्रो खेलमा भुल्के वारियर्सले गछिया टाइगर्सलाई ७४ रनले हराउँदै प्रभावशाली जित हात पार्यो। उक्त खेलमा ज्ञातव्य सुवेदी ‘प्लेयर अफ द म्याच’ घोषित भए।
सुन्दरहरैंचा नगरपालिकाका प्रमुख केदारप्रसाद गुरागाईंले उद्घाटन गर्नुभएको प्रतियोगिता बैशाख ६ गतेसम्म सञ्चालन हुने आयोजकले जनाएको छ।
मोरङको सुन्दरहरैँचा नगरपालिकामा शनिबारदेखि सुरु भएको पाँचौँ अन्तर्राष्ट्रिय आमन्त्रण विराट भेट्रान गोल्डकप फुटबल प्रतियोगिताको उद्घाटन खेलमा मिल्स भेट्रान विराटनगर विजयी भएको छ।
सुनसरीको भरौल भेट्रानसँग भएको प्रतिस्पर्धात्मक खेलको पहिलो हाफ १–१ गोलको बराबरीमा सकिएको थियो। सुरुदेखि नै आक्रामक खेल प्रस्तुत गरेका दुवै टोलीबीच दोस्रो हाफमा भने मिल्स भेट्रान हावी बन्यो।
दोस्रो हाफमा उत्कृष्ट प्रदर्शन गर्दै मिल्स भेट्रान विराटनगरले थप गोल गर्दै भरौल भेट्रान सुनसरीलाई ४–१ गोल अन्तरले पराजित गर्यो। मिल्स भेट्रानका तेजमान लिम्बूले ह्याट्रिक गर्दै टोलीको जितमा निर्णायक भूमिका खेले। उत्कृष्ट प्रदर्शनका लागि उनलाई ‘म्यान अफ दि म्याच’ घोषित गरिएको थियो।
सुन्दरहरैँचा–१० स्थित सुकुना खेलमैदानमा सम्पन्न प्रतियोगिताको उद्घाटन कोशी प्रदेश सभा सदस्य ज्ञानेन्द्र सुवेदीले गरेका थिए। कार्यक्रममा नगरप्रमुख केदारप्रसाद गुरागाईं, वडा अध्यक्ष रोशनप्रसाद ढकाल, प्रकाश श्रेष्ठ तथा पूर्व राष्ट्रिय खेलाडी देवनारायण चौधरीलगायतको उपस्थिति रहेको थियो।
प्रतियोगिताको मुख्य प्रायोजक PLO लुब्रिकेन्ट्स रहेको छ भने सुन्दरहरैँचा नगरपालिकाले प्रवर्द्धन गरेको छ। क्लबका अध्यक्ष राजन योन्जनका अनुसार खेलमैदान व्यवस्थापन, खेलाडीलाई प्रोत्साहन तथा खेलकुद क्षेत्रलाई सक्रिय बनाउन प्रतियोगिता आयोजना गरिएको हो।
प्रतियोगिता अन्तर्गत आइतबार दार्जिलिङ भेट्रान र काँकडभिट्टा भेट्रानबीच प्रतिस्पर्धा हुने आयोजकले जनाएको छ। प्रतियोगितामा कुल आठ टोलीको सहभागिता रहेको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login