पर्यटन
भेडेटारमा पुस १५ देखि आठौँं फुड फेस्टिबल हुने

धनकुटाः हरेक वर्षझैँ यस वर्ष पनि भेडेटारमा अङ्ग्रेजी नयाँ वर्षको अवसर पारेर ३ दिन फुड फेस्टिबल हुने भएको छ ।
डिसेम्बर ३० अर्थात् पुस १५ गते शुरु हुने आठौँ फुड फेस्टिबल पुस १७ गते समापन हुने आयोजक संस्था होटल एशोसिएसन अफ भेडेटारका अध्यक्ष जितेन्द्र रुम्दालीले बताए । नेपाल भ्रमण वर्ष २०२० को शुरुवातसँगै यस पटकको फेस्टिबल मनाइने हुनाले विशेष महत्वका साथ हेरिएको रुम्दालीको भनाइ छ ।
भेडेटारको फुड फेस्टिबलले संघीय सरकारले लिएको २० लाख पर्यटक भित्र्याउने र प्रदेश सरकारले लिएको ५ लाख पर्यटक भित्र्याउने लक्ष्यलाई सहयोग गर्ने उनले बताए । फेस्टिबलका कारण जातीय खानेकुरा, अर्गानिक खानेकुरा, पर्यटकीय स्थल, कृषि उत्पादन, होटल व्यवसाय, लघु र घरेलु उद्योग तथा ठूला उद्योगको समेत प्रबद्र्धन हुने उनले औँल्याए ।
भेडेटारबाट पाथीभरा, हलेसी लगायत धार्मिक पर्यटकीय क्षेत्रमा पुग्नको लागि हेलिकोप्टरको सेवा शुरु गरिसकिएको अध्यक्ष रुम्दालीले बताए । उनले फेष्टिबलमा परिवारका सदस्य सहित सहभागी हुन आन्तरिक तथा बाह्य पर्यटकलाई आमन्त्रण गर्दै सुरक्षाको पूर्ण प्रत्याभूति हुने गरी काम गरिएको जनाए ।
फेस्टिबलमा ३० हजार पर्यटक आउने र १ करोड बराबरको आर्थिक कारोबार गर्ने लक्ष्य लिइएको कोषाध्यक्ष रमेश श्रेष्ठले बताए । फेस्टिबल अवधिभरको लागि होटलमा पनि विशेष छुटको व्यवस्था मिलाइएको उनले बताए ।
भेडेटारमा होटल खुल्ने र पर्यटक थपिने क्रम जारी पूर्व अध्यक्ष लीलाराज लावतीले बताए । फेष्टिबललाई सार्थक बनाउन पर्यटन बोर्ड, साँगुरीगढी गाँउपालिका, स्थानीय आमा समूह लगायतले सहयोग गर्ने तथा विभिन्न कम्पनीले प्रायोजन र सह प्रायोजन गर्ने वचन दिएको आयोजकले जनाएको छ ।
Facebook Comment
Banner
सेयर बजारमा उच्च गिरावट, नेप्से २६ सयमुनि

१२ चैत, काठमाडौं । मंगलबार सेयर बजारमा उच्च अंकको गिरावट आएको छ । अघिल्लो दिनको तुलनामा नेप्से परिसूचक ५८.०५ अंक (२.१९ प्रतिशत) घटेको हो । सो गिरावटपछि नेप्से २५८२ अंकमा कायम भएको छ ।
बजारको परिसूचक घट्दा कारोबार रकम बढेको छ । अघिल्लो दिन ४ अर्ब ४८ करोडको कारोबार भएकोमा आज ५ अर्ब १८ करोडको भयो । जम्मा ४ कम्पनीको मूल्य बढ्दा २४० को घट्यो ।
यस दिन सबै सेक्टर घटे । बैंकिङ १.४२, विकास बैंक २.९९, फाइनान्स ३.५०, होटल तथा पर्यटन २.७२, हाइड्रोपावर ३.३१, लगानी २.०८, जीवन बीमा २.२०, उत्पादन १.५०, माइक्रोफाइनान्स २.४९, निर्जीवन बीमा २.४६, अन्य १.८२ तथा व्यापार १.८५ प्रतिशत घटे ।
यस दिन मूल्य धेरै बढ्नेमा डिवेन्चर अगाडि रहे । एनसीसीडी ८६, केबीएलडी ८९को मूल्य ४ प्रतिशतभन्दा धेरै बढ्यो । नारायणी डेभलपमेन्ट बैंकको मूल्य ८.७ प्रतिशत घट्यो । सपोर्ट माइक्रोफाइनान्सको ७.३, इस्टर्न हाइड्रोको ७.१, सिन्धु विकास बैंकको ६.७ तथा विन नेपाल लघुवित्तको ६.७ प्रतिशत मूल्य घट्यो ।
Banner
भोलिदेखि सेयर मूल्यमा भारित औसत गणना विधि लागु हुने

भोलि बिहीबारदेखि सेयर बजारमा भारित औसत मूल्य निर्धारण लागु हुने भएको छ । नेपाल स्टक एक्स्चेन्जले भोलिदेखि अन्तिम १५ मिनेटको भारित औसत मूल्य नै सो सेयरको अन्तिम मूल्य हुने व्यवस्था लागु गर्न लागेको हो । यो व्यवस्थाअनुसार २ : ४५ बजेदेखि ३ : ०० बजेसम्मको भारित औसत मूल्य नै सो कम्पनीको अन्तिम मूल्य हुने छ । उक्त अवधिमा कुनै कारोबार नभएमा भने पछिल्लो कारोबार मूल्यलाई अन्तिम कारोबार मूल्य कायम गरिने छ । हालसम्म अन्तिम पटक भएको कारोबार मूल्य नै अन्तिम मूल्य रहँदै आएको थियो । अन्तिममा बजारमा मूल्य बढाउन तथा घटाउन चाहनेले चलखेल गर्ने गरेको गुनासोपछि नेप्सेले नयाँ व्यवस्था लागु गर्न लागेको हो ।यसका लागि सम्पूर्ण प्राविधिक तयारी पूरा भएको नेप्सेका प्रवक्ता मुराहरि पराजुलीले जानकारी दिए ।
Banner
नेप्सेको सीईओका लागि ५ उम्मेदवारको संक्षिप्त सूची सार्वजनिक

नेपाल स्टक एक्सचेन्ज लिमिटेड (नेप्से) को प्रमुख कार्यकारी अधिकृत (सीईओ) छनोट तथा सिफारिस समितिले पाँच उम्मेदवारको संक्षिप्त सूची सार्वजनिक गरेको छ ।
गत फागुन १२ गते र १८ गते सार्वजनिक सूचना जारी गरेर दरखास्त आह्वान गरेको समितिले संक्षिप्त सूची तयार गरी चुडामणी चापागाईं, नारद कुमार लुईंटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्यालको नाम आज सार्वजनिक गरेको हो ।
दरखास्त दिएकामध्ये युवराज दाहाल, प्रविण अधिकारी, बिमल कुमार तिवारी, कृष्णबहादुर कार्की र मुकुन्दराज जोशी सर्टलिस्टमा परेनन् ।
सर्टलिस्टमा परेकाहरुको अब व्यावसायिक कार्ययोजनाको प्रस्तुतीकरण र अन्तर्वार्ता हुने छ । त्यसका लागि चैत ६ गते बुधबार बिहान सात बजे अर्थ मन्त्रालयमा उपस्थित हुन भनिएको छ ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ5 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login