कोशी प्रदेश
स्थानीय तहको योजना तर्जुमा प्रक्रियालाई समावेशी बनाउन जनप्रतिनिधि र सञ्चारकर्मीबीच अन्तरक्रिया
विराटचोकः नेपाल पत्रकार महासंघ मोरङको संयोजन र फ्रि मिडिया नेटवर्कको आयोजनामा बेलबारीमा भएको स्थानीय तहको योजना प्रक्रियालाई समावेशी बनाउन सञ्चार क्षेत्रको भूमिका विषयक कार्यक्रममा मोरङका स्थानीय तहका प्रमुख\उपप्रमुखहरुले योजना तर्जुमा प्रक्रियालाई समावेशी बनाउने प्रतिबद्धता व्यक्त गरेका छन् ।
मोरङमा कार्यरत सञ्चारकर्मी र सुन्दरहरैंचा, बेलबारी, रंगेली नगरपालिका तथा कानेपोखरी र ग्रामथान गाउँपालिकाका जनप्रतिनिधिबबीच भएको अन्तरक्रिया कार्यक्रममा जनप्रतिनिधिले सो प्रतिबद्धता व्यक्त गरेका हुन् ।
स्थानीय तहका जनप्रतिनिधिहरुले योजना तर्जुमा प्रक्रिया समावेशी बनाईने गरेतापनि सञ्चार क्षेत्रको खवरदारी आवश्यक रहेको बताएका थिए । कार्यक्रममा सहभागी बेलबारी नगरपालिकाका प्रमुख डिपी राई, रंगेली नगरपालिका प्रमुख दिलिप अग्रवाल, सुन्दरहरैंचा नगरपालिकाका प्रमुख केदारप्रसाद गुरागाई, ग्रामथान गाउँपालिकाकी उपाध्यक्ष गुणावतीदेवी धामी र कानेपोखरी गाउँपालिकाका उपाध्यक्ष भोला अधिकारीलगायत उपस्थित थिए ।
कार्यक्रमलाई सम्बोधन गर्दै कानेपाखेरी गाउँपालिकाका उपाध्यक्ष अधिकारीले पालिकाको आयस्रोतको कमीका कारण विकास निर्माणमा सबै क्षेत्र समेट्न गाह्रो भएको बताए । गाउँपालिकाले १२ कक्षासम्म निःशुल्क शिक्षा दिइरहेको, उच्च शिक्षा अध्ययन गर्ने बुहारीलाई निःशुल्क शिक्षाको व्यवस्था गरेको, प्राविधिक शिक्षामा छात्रवृत्ति दिने गरेको लगायतका काम आफ्नो पालिकाले गरेको उल्लेख गरे ।
ग्रामथान गाउँपालिकाकी उपाध्यक्ष धामीले पालिकाले गरीब र जेहेनदार विद्यार्थीलाई निःशुल्क प्राविधिक शिक्षा अध्यापन गराइरहेको बताइन् ।
कार्यक्रममा नेपाल पत्रकार महासंघ मोरङका पूर्व अध्यक्ष महेन्द्र बिष्टले ‘स्थानीय तहको योजना तर्जुमा प्रक्रियालाई समावेशी बनाउन सञ्चार क्षेत्रको भूमिका’ विषयक कार्यपत्र प्रस्तुत गरेका थिए ।
कार्यक्रममा नेपाल पत्रकार महासंघका केन्द्रीय सदस्य अमर खड्काले स्थानीय तहको योजना निर्माण प्रक्रियालाई समावेशी बनाउनका लागि सञ्चार क्षेत्रले बहस, छलफल र समाचारहरु प्रकाशन तथा प्रशारण गर्नुपर्ने बताए । समावेशीको मुद्दालाई महासंघले निरन्तर रुपमा अघि बढाइरहेको उनले उल्लेख गरे ।
कार्यक्रम नेपाल पत्रकार महासंघ मोरङका अध्यक्ष सञ्जीव खनालको अध्यक्षतामा भएको थियो । महासंघका सचिव नेत्र अधिकारीले सञ्चालन गरेको कार्यक्रममा उपाध्यक्ष मोहन भट्टराईले स्वागत मन्तव्य राखेका थिए ।
Facebook Comment
Banner
शल्यक्रिया नगरी मुटुको प्वाल टाल्ने प्रविधिले बिरामीलाई सहजता, के हो ए. एस. डी. क्लोजर प्रविधि ?
मोरङ । लेटाङका एक जना २३ वर्षका युवकको मुटुको प्वाल नोबेल मेडिकल कलेज टिचिङ हस्पिटलमा विना शल्यक्रिया टालिएको छ । लेटाङ निवासी अमिस मगरको विना शल्यक्रिया नोबेलका मुटुरोग विशेषज्ञ प्रा. डा. राजेश नेपाल नेतृत्वको चिकित्सा टोलीले ए. एस. डी. क्लोजर प्रविधिबाट मुटुको जन्म जात प्वाल टालेको हो ।
Banner
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ ।
हाइड्रोजन र पेट्रोल–डिजल दुवै प्रकारका इन्धनबाट चल्ने इन्जिन नेपालमै विकास गरेर गाडी गुडाउने तयारी अन्तिम चरणमा पुगेको छ । यदि यसले व्यवसायिक रुप पाएमा गाडी धनीहरुलाई पेट्रोल/डिजल र हाइड्रोजन दुवै प्रकारको ऊर्जा प्रयोग गर्न मिल्ने विकल्प हुने छ ।
पेट्रोल–डिजल प्रयोग गरेर तपाईंले चलाइरहेको गाडी हाइड्रोजनबाट पनि चल्ने होस् भन्ने चाहनु भएको छ ? यदि छ भने तपाईंका लागि खुसीको खबर छ । नेपालमा डिजल–पेट्रोलबाट चल्ने गाडीमै हाइड्रोजन पनि प्रयोग गर्न मिल्ने गरी इन्जिनको विकास गर्ने काम अन्तिम चरणमा पुगेको छ ।
हाइब्रिड खालको इन्जिन विकासका लागि रिन्यु जेन रिसोर्सेस नेपालले बेलायतको एक विश्वविद्यालय र नेपालको इन्जिनियरिङ अध्ययन संस्थान पुल्चोकसँग समझदारी पत्रमा हस्ताक्षर गरेर काम गरिरहेको छ । सो समझदारी अनुसार पेट्रोल–डिजलबाट चलिरहेको गाडीको इन्जिनलाई सामान्य परिमार्जन गरी हाइड्रोजनबाट पनि चलाउने प्रक्रिया अन्तिम चरणमा पुगेको छ ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login