शेयर
पाँच दिनमा झण्डै १३६ अंक घटेपछि साढे ३३ अंक बढ्यो नेप्से, लघुवित्त र सामुहिक लगानी कोषको सूचकमा गिरावट
विराटचोकः लगातार पाँच दिन ओरालो लाग्दा १३५ दशमलव ८२ अंक घटेको नेप्से आज ३३ दशमलव ५७ अंक बढेर २०८० दशमलव ३८ अंकमा रोकिएको छ । १३ समूहमध्ये लघुवित्त र सामुहिक लगानी कोषको सूचकमा भने आज पनि रातो पोतिएको छ ।
आज २ सय ६९ कम्पनीको ३९ हजार ९ सय ९६ पटक ४७ लाख ७९ हजार ७ सय ९६ कित्ता शेयर किनबेच हुँदा १ अर्ब ८० करोड ३२ लाख ८२ हजार १ सय ८० रुपैयाँको शेयर किनबेच भएको छ ।
हिमालयन डिष्टिलरीको सबैभन्दा धेरै १३ करोड २७ लाख ७५ हजार रुपैयाँको शेयर किनबेच भएको छ । जीवन विकास लघुवित्त, ग्लोबल आईएमई बैंक र एनआईसी एशिया बैंक र ङादी पावर उच्च कारोबार गर्ने ५ कम्पनीमा परेका छन् ।
उच्च मूल्य बढ्ने १० कम्पनीमध्ये ९ वटा जलविद्युत समूहका
आज उच्च मूल्य बढ्ने १० कम्पनीमा ९ वटा जलविद्युत कम्पनी परेका छन् । लिबर्टी इनर्जीको शेयरमूल्य सर्वाधिक ९ दशमलव ८० प्रतिशत बढेको छ । छ्याङ्दी हाइड्रोपावर र दोर्दी खोला जलविद्युत कम्पनी, पिपुल्स पावर, रिभर फल्स पावर, वरुण हाइड्रोपावर, एनएमबी बैंक, दिव्यश्वरी हाइड्रोपावर, ङादी पावर र हिमालयन हाइड्रोपवार उच्च मूल्य बढ्ने १० कम्पनीमा परेका छन् ।
डिप्रोक्स लघुवित्तसँग मर्जमा जाने निर्णय गरेको आदर्श लघुवित्तको शेयर १० प्रतिशत घटेको छ । खप्तड लघुवित्त, उपकार लघुवित्त, सिर्जनशील लघुवित्त, आँधीखोला लघुवित्तलगायतको शेयरमूल्य उच्च प्रतिशतले घटेको छ ।
जलविद्युत उपसमूहको परिसूचक सर्वाधिक ३ दशमलव ८५ प्रतिशत बढेको छ ।
बजार बढेसँगै समग्र बजार पूँजीकरण ३० खर्ब १ अर्ब ८६ करोड ८४ लाख ९४ हजार ६ सय ८७ रुपैयाँ कायम भएको छ ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login