कोशी प्रदेश
सहायता सामाजिक संस्थाद्वारा नारी दिवसमा आयोजित कार्यक्रममा महिला चिकित्सक सम्मानित
विराटचोकः ११३ औँ अन्तरराष्ट्रिय नारी दिवसको अवसरमा सहायता सामाजिक संस्था सुन्दरहरैंचाले लामो समयदेखि चिकित्सा क्षेत्रमा कार्यरत प्रा. डा. सीता पोखरेल (घिमिरे) लाई सम्मान गरेको छ ।
संस्थाको कार्यालय सुन्दरहरैंचा–७ मा भएको कार्यक्रममा नोबेल मेडिकल कलेजमा कार्यरत प्रसूति तथा स्त्री रोग विशेषज्ञ पोखरेललाई दोसल्ला र सम्मानपत्रद्वारा सम्मान गरिएको हो ।
कार्यक्रमलाई सम्बोधन गर्दै कार्यक्रमकी प्रमुख अतिथि प्रा. डा. पोखरेलले महिला अघि बढ्न पुरुषको भूमिका पनि उत्तिकै जिम्मेवार हुने बताइन् । आफ्नो उदाहरण दिँदै उनले आफ्नो सानै उमेरमा बिहे भए पनि पुरुषको भूमिकाकै कारण विवाहपछि पनि पढेर प्राध्यापक डाक्टरसम्म हुन पुगेको सुनाइन् । महिलाले आफ्नो हक लिने क्रममा पुरुषको हकको बारेमा पनि सोच्नुपर्ने बताइन् । वैदेशिक रोजगारीमा गएका पुरुषहरु पछिल्लो समय हिंसामा पर्न थालेको बताउँदै उनले महिलाले अधिकार लिने क्रममा पुरुषलाई मात्रै गाली गर्न नहुने बताइन् ।
सिर्जना सामुदायिक वन व्यवस्थापन समितिका अध्यक्ष भक्तिप्रसाद सिटौलाले पहिलेको तुलनामा अहिले महिलाको पक्षमा धेरै अधिकार भए पनि त्यसको दुरुपयोग हुनेतर्फ सचेत हुनुपर्ने बताए । आफ्नो अधिकारको बारेमा सचेत हुनुपर्ने उनको भनाइ थियो ।
आशा नेपाल सुन्दरहरैंचाका अध्यक्ष चिरञ्जीवी कोइरालाले राज्यले महिलाका अधिकारका बारेमा महत्वपूर्ण कार्य गरिरहेको हुनाले अब आफ्नो अधिकारको प्राप्ति र रक्षाका लागि महिला स्वयम् जागरुक हुनुपर्ने बताए ।
शिवपाञ्चायन मन्दिर व्यवस्थापन समिति सुन्दरहरैंचाका अध्यक्ष पोष्टबहादुर श्रेष्ठले संस्कार र संस्कृतिको जगेर्नामा महिलाको भूमिका उल्लेख्य हुने उनको भनाइ थियो ।
सङ्कल्प एग्रोटेक प्रालि सुन्दरहरैंचाका सञ्चालक सुरेश रेग्मीले नारीहरुले घरमा आफूले गरेको आर्थिक योगदान कस्तो छ भन्ने बुझेर वित्तीय चेतना बढाउनुपर्ने बताए ।
सुन्दरहरैंचा महिला मञ्चकी अध्यक्ष विमला अधिकारीले अझै पनि महिलाले पूर्ण अधिकार नपाएको बताइन् ।
कार्यक्रममा उपस्थित महिलाले कविता तथा गीत प्रस्तुत गरेका थिए ।
संस्थाकी अध्यक्ष शर्मिला आचार्यको अध्यक्षतामा भएको कार्यक्रममा स्वागत मन्तव्य उपाध्यक्ष तुलसा आचार्यले व्यक्त गरेकी थिइन् । कार्यक्रमको सञ्चालन संस्थाकी सचिव लक्ष्मी केसीले गरेकी थिइन् ।
Facebook Comment
ज्ञानज्योती इङ्लिश स्कुलको २८औँ वार्षिक उत्सव तथा अभिभावक दिवस भव्य रूपमा सम्पन्न भएको छ।
कार्यक्रमका अवसरमा शिक्षा क्षेत्रमा योगदान पुर्याएका दुई जना शिक्षा सेवि तथा पाँच जना सञ्चारकर्मीलाई सम्मान गरिएको थियो। शिक्षा सेवितर्फ पञ्चायत माध्यमिक विद्यालयका पूर्व प्रधानाध्यापक टोम बहादुर श्रेष्ठ र पूर्व शिक्षक लक्ष्मी खरेल सम्मानित हुनुभयो। त्यसैगरी सञ्चारकर्मीतर्फ शिव भट्टराई, भोजपुरे, खेमचन्द्र अधिकारी, ग्याननाथ ढकाल, मनिराम दाहाल र लीलानाथ गच्छेदारलाई सम्मान गरिएको थियो।
उत्सवमा विद्यालयका विद्यार्थीहरूले एजुकेशनल एक्जिबिशन, विभिन्न प्रदर्शनी, नाटक, नृत्य तथा गायन प्रस्तुत गर्दै आफ्नो प्रतिभा प्रदर्शन गरेका थिए। विद्यार्थीहरूको सक्रिय सहभागिताले कार्यक्रमलाई थप आकर्षक बनाएको थियो।
विद्यालयकी प्रधानाध्यापिका देवी सिटौलाको अध्यक्षतामा सम्पन्न कार्यक्रममा नगर उपप्रमुख अकली देवी चौधरी प्रमुख अतिथिका रूपमा उपस्थित हुनुहुन्थ्यो। कार्यक्रममा जनप्रतिनिधि, समाजसेवी, विद्यालय व्यवस्थापन समिति, अभिभावक तथा स्थानीयवासीहरूको उल्लेखनीय उपस्थिति रहेको थियो।
कार्यक्रमले विद्यार्थीहरूको क्षमता अभिवृद्धि गर्नुका साथै शिक्षा र सहकार्यको महत्व उजागर गरेको विद्यालयले जनाएको छ।
प्रतिनिधि सभा निर्वाचनबाट समानुपातिकतर्फ सांसद बनेकाहरुले भोलि बिहीबार निर्वाचन आयोगमामार्फत प्रमाणपत्र पाउने भएका छन् । आयोगले बिहीबार समानुपातिकतर्फका कुल ११० सांसदलाई प्रमाणपत्र दिने भएको हो ।निर्वाचन आयोगका अनुसार, निर्वाचित सांसदहरुले प्रमाणपत्र पाएपछि आगामी चैत्र १२ गते सपथको तयारी गरिएको हो । त्यसपछि मात्र सरकार गठन हुनेछ ।
अमेरिका र इजरायलले २८ फेब्रुअरीमा इरानमाथि आक्रमण सुरु गरेयता करिब २०० अमेरिकी सैनिक घाइते भएका छन् । अमेरिकी सेनाको मध्य कमान्डका प्रवक्ता टिम हकिंसले सोमबार यसबारे जानकारी दिएका हुन् ।
हकिंसका अनुसार घाइते सैनिकहरू बहराइन, इराक, इजरायल, जोर्डन, कुवेत, साउदी अरेबिया र संयुक्त अरब इमिरेट्समा घटनामा परेका हुन् । तीमध्ये १० जना सैनिक गम्भीर घाइते भएका छन् भने बाँकी १८० भन्दा बढी उपचारपछि फिर्ता जिम्मेवारीमा फर्किएका छन् ।
साथै, पश्चिमी इराकमा अमेरिकी के–सी– १३५ इन्धन आपूर्ति विमान दुर्घटना भएको थियो । यस दुर्घटनापछि अमेरिकी सेनामा मृत्यु हुने संख्या १३ पुगेको छ ।
यो घटनाले अमेरिकी–इजरायली आक्रमणका कारण क्षेत्रीय तनाव र मानवीय चुनौतीहरू अझ बढेको देखाएको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login