सुन्दरहरैँचा नगरपालिका वडा नम्बर ११ को आयोजनामा आइतबार सार्वजनिक सुनुवाइ कार्यक्रम सम्पन्न भएको छ । आ.व. ०७९/०८० को सार्वजनिक सुनुवाई कार्यक्रम वडा नम्बर ११ का अध्यक्ष विसनलाल चाैधरीकाे अध्यक्षतामा  सम्पन्न भएको थियो । विराट मिडिया एण्ड एड्भरटाइजिङ प्रालिले सहजीकरण गरेको कार्यक्रममा स्थानीय तहमा सेवाग्राहीका रुपमा आएका सर्वसाधारण नागरिकहरुप्रति सेवाप्रदायक निकायबाट प्रदान गरिएका सेवा, सुविधाहरुलगायतका विषयमा उठेका जिज्ञासाको समाधान खोज्ने प्रयास गरिएको थियो ।

सेवाग्राहीहरुबाट प्राप्त सकारात्मक सुझावहरुलाई ग्रहण गर्दै वडा कार्यालयबाट गरिने विकास निर्माणका कार्यहरुलाई अझ प्रभावकारी बनाई जिम्मेवार संस्कार बसाउने उद्देश्यले सञ्चालन गरिएको वडाध्यक्ष  चाैधरीले बताए । कार्यक्रमका अतिथिहरुमा वडा सदस्यहरु जिवनाथ ढकाल, विशाल लिम्बू ,महिला सदस्य शुस्मा  चाैधरी दनुवार, ज्ञानुमाया सार्की , वडा सचिव श्रेया हुमागाई, प्रविधिक शाकार ढकाल रहेका थिए ।

सहजकर्ता संस्थाले वडावासीसँग प्रश्नावली फारम भर्ने क्रममा दिएका सुझाव र सोधेका प्रश्नको जवाफ वडाध्यक्ष चाैधरी , वडा सचिव हुमागाई लगायतले दिएका थिए । त्यस्तै कार्यक्रममा उपस्थित भएर सोधिएका प्रश्नको जवाफ वडाध्यक्ष चाैधरी, वडा सचिव प्राविधिकले दिएका थिए ।

सहभागीहरुले सामुदायिक विद्यालयकाे शैक्षिक गुणस्तर बढाउन प्रभावकारी भुमिका खेल्नु पर्ने वडाबाट सञ्चालन भएका तालिमलाई प्रभावकारी बनाउनु पर्ने सबैकाे पहुँच पुग्नेगरी सूचना गरिनु पर्ने वडाकाे पूर्वपश्चिम बाटाे कालाेपत्रे गरिनु पर्ने बजार क्षेत्रमा लाइट सिसि क्यामेरा राखिनु पर्ने कृषिलाई प्राथामिकता दिएर काम गर्नुपर्ने   लगायतका जिज्ञासा राखेका थिए ।

सहभागीले राखेका जिज्ञासाको जवाफ दिने क्रममा वडाध्यक्षले  कालाेपत्रे गर्ने विषय घाेषाणा पत्रमा समेत लेखिएकाे तर विविध कारणले हुन नसकेकाे तर आगामि वर्ष हुने बताएका थिए यस्तै वडाका बजार क्षेत्रमा सुरक्षाकालागि लाइट र सिसि क्यामेरा राख्ने विषयमा लाग्ने  बताए । शिक्षा क्षेत्रकाे प्रभावकारीताका विषयमा नगर शिक्षा समिति बनेकाे र विद्यालयमा व्यवस्थापन समिति गठन भइरहेकाे बताउदै आगामि दिनमा अनुगमनलाई प्राथामिकता राखेर अघि बढ्ने बताए । गत साउन देखि बैशाख १५ सम्म व्यक्तिगत घटना दर्ता  ५ सय ८०  जनाकाे भएकाे वडा सचिव हुमागाईले बताइन् । जसमा जन्मदर्ता १ सय ५४ जना , मृत्यू दर्ता ५२ सम्बन्ध विच्छेद ११, विविह दर्ता १०१,  बसाइ सरी आउने १ सय ७१,  बसाईसरी जाने ९१ दर्ता  सङ्ख्या रहेकाे बताइन् । यस्तै सामाजिक सुरक्षा तर्फ ८ सय ८२ जना लाभग्रहिले सेवा पाइरहेकाे बताइन् । कार्यक्रमकाे सहजिकरण सहजकर्ता ज्ञननाथ ढकालले गरेका थिए । कार्यक्रममा बिभिन्न राजनैतीक दलका प्रतिनिधि उपभाेक्ता समिति टाेल विकास समितिका प्रतिनिधि सङ्घ सस्थाका प्रतिनिधि लगायत नागरिककाे उपस्थिति रहेकाे थियाे ।