स्थानीय तह
सुन्दरहरैँचा नगरपालिकाको सार्वजनिक सुनुवाइ तथा नागरिक सन्तुष्टि सर्भेक्षण सम्पन्न
विराटचोकः मोरङको सुन्दरहरैँचा नगरपालिकाको सार्वजनिक सुनुवाइ तथा नागरिक सन्तुष्टि सर्भेक्षण प्रतिवेदन कार्यक्रम सम्पन्न भएको छ ।
नगरपालिकाको वडा नम्बर ४ स्थित सिग्देल वन्धु प्रतिष्ठानको सभाहलमा शुक्रबार भएको कार्यक्रममा सार्वजनिक सुनुवाइ र नागरिक सन्तुष्टि सर्भेक्षणको प्रतिवेदन सार्वजनिक भएको हो ।
सार्वजनिक सुनुवाइमा नगरपालिकाले हालसम्म गरेका विकास निर्माणका काम, राजस्व सङ्कलनको लक्ष्य र सञ्चालन भएका कार्यक्रमका बारेमा प्रमुख प्रशासकीय अधिकृत अम्बिकाप्रसाद चौलागाईले प्रतिवेदन प्रस्तुत गरेका थिए ।
कार्यक्रममा नागरिकबाट आएका प्रश्नको जवाफ दिँदै नगरप्रमुख केदारप्रसाद गुरागाईले नगरले डिजिटल पालिका निर्माण गर्ने बताए । अनुत्पादक क्षेत्रमा लगानी गर्ने कुरालाई सबैले निरुत्साहित गर्न प्रतिबद्ध हुनुपर्ने उनको भनाइ थियो । नगर प्रमुख गुरागाईंले प्राथमिक तहको शिक्षालाई नमुना बनाएर जाने बताए । कृषिलाई व्यावसायिक बनाउन कृषक परिचयपत्र दिने काम भइरहेको तथा आगामी आर्थिक वर्षदेखि अभिलेख राख्ने कार्यक्रम ल्याइने उनले प्रष्ट्याए ।
कार्यक्रममा सहभागी चन्द्र कोइरालाले घर नक्सा शाखालाई डिजिटल बनाउन सुझाव दिएका थिए । यस्तै हरि गौतमले बुढीखोलामा बनेको घाट निर्माण कार्य रोकिएकोमा जिज्ञासा राखेका थिए । उनले नयाँ वृन्दावन जाने बाटो क्षेत्रमा चोरी हुने गरेको बताउँदै नगरको ध्यानाकर्षण गराएका थिए ।
मीना आचार्यले अपाङ्गता भवन सुन्दरहरैंँचा १२ जाने बाटो किन नबनेको भन्दै प्रश्न गरेकी थिइन् ।
वडा नं. ४ का प्रदीप पाण्डेले फोहोरमैला व्यवस्थापन गर्ने भन्दै बडहरामा डम्पीङ साइट राखिएको र अहिले समुदायमा असर पर्न थालेकोमा यसको समाधान कहिले हुने भन्दै प्रश्न गरेका थिए । कार्यक्रममा उठेका प्रश्नको जवाफ दिदै नगरप्रमुख गुरागाईले फोहोर व्यवस्थापनका लागि फोहोरको वर्गीकरण गरेर जाने बताएका थिए ।
विकास निर्माणमा सबै क्षेत्रलाई समेटिने बताउँदै नगर अस्पतालमा डिजिटल ल्याबको व्यवस्था तथा भिडियो एक्सरे सहितको सुविधा दिइरहेको र अन्य अस्पतालले बिरामीलाई नगर अस्पतालमा पनि रेफर गर्न थालेको जानकारी नगर प्रमुख गुरागाईँले दिएका थिए ।
कार्यक्रममा नयाँ वृन्दावन गौशालाका संरक्षक दीनबन्धु शास्त्री, नागरिक समाज सुन्दरहरैंचाका अध्यक्ष दधिराम ढुंगाना, नेपाली कांग्रेसका नगर सभापति भक्तिप्रसाद सिटौला, नेकपा माओवादी केन्द्रका दुशान्त भट्टराई, व्यावसायिक कृषक हरि घिमिरे, सुन्दरहरैंचा उद्योग वाणिज्य संघका अध्यक्ष कृष्णप्रसाद रिजाल लगायतले सुझाव दिएका थिए ।
कार्यक्रममा नागरिक सन्तुष्टि सर्भेक्षण प्रतिवेदन पनि सार्वजनिक गरिएको थियो । विभिन्न ५६ प्रश्नमा नगरवासीले दिएको जवाफ समेटिएको सो सर्भेक्षण प्रतिवेदन सार्वजनिक समारोहमा जनप्रतिनिधि, कर्मचारी, पूर्वाञ्चल विश्वविद्यालयका अस्पताल निर्देशक विपेश आचार्य, विद्युत प्रधिकरण बेलबारीका प्रमुख दधिराम भण्डारीलगायत नगरवासी, विभिन्न संघ संस्थाका प्रतिनिधि, राजनीतिक दलका प्रतिनिधिको उपस्थिति रहेको थियो ।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login