शिक्षा / स्वास्थ्य
सुन्दरहरैंचामा गर्मीको प्रभावः सामुदायिक विद्यालयमा बिदा, संस्थागतमा कुनैमा दिउँसो र कुनैमा बिहान पढाइ हुँदै
विराटचोकः विश्वव्यापी रुपमा बढेको तापक्रमले नेपाल पनि अछुतो रहन सकेको छैन । विगत एक सातादेखि अधिक गर्मी भएपछि देशभर तराई क्षेत्रका विद्यालयमा बिदा दिइएको छ । शुरुमा २ दिन बिदा दिएका पालिकाले त्यसलाई बढाउँदै लगेका छन् ।
सुन्दरहरैंचामा पनि अघिल्लो साताको अन्त्यदेखि विद्यालय बन्द छन् । शुरुमा २ दिन दिइएको बिदा थप्दै लगिएको छ । बिदा थप्दै लगिए पनि अहिले भने अधिकांश निजी विद्यालय सञ्चालन हुन थालेका छन् । २ दिनअघि पानी परेपछि अब शीतल हुने भन्दै लगभग सबै निजी विद्यालयले पठनपाठन सुचारु गरेका छन् । तर, सामुदायिक विद्यालयमा भने पठनपाठन हुन सकेको छैन ।
गर्मी कहिलेसम्म हुने हो थाहा नहुने भएकाले बिदा बढाउनुको साटो वैकल्पिक विधि प्रयोग गरी कक्षा सञ्चालन गर्न सकिने पनि धेरै अभिभावकको भनाइ छ । सोही अनुरुप निजी विद्यालयले पठनपाठन सुचारु गरेका छन् । तर विद्यालय सञ्चालनमा एकरुपता भने देखिएको छैन ।
गर्मीको समयमा विद्यालय सञ्चालन गर्नु भनेको पढाइको नाममा विद्यार्थी र अभिभावकलाई दुःख दिनु हो भन्छन् रोजाइ एकेडेमी सुन्दरहरैंचाका निर्देशक महेश आचार्य ।
‘पढाइ बिग्रने नाममा पहिलेकै जस्तो ३०, ४० जना विद्यार्थी एउटा कोठामा राखेर एउटा वा दुइटा पंखाको भरमा अध्यापन गराउनु विद्यार्थीलाई यातना दिनु हो’, आचार्य भन्छन्, ‘यसले विद्यार्थीको पढाइमा सुधार ल्याउँदैन । कक्षाकोठामा पंखा वा एसी थप्ने वा कम विद्यार्थी राख्ने वा मावि तहको मात्रै अध्यापन गराउने लगायतका वैकल्पिक विधि प्रयोग गर्न सकिन्छ । घरमा बस्दा पढाइ बिग्रन्छ भन्दै विद्यालयमा जबर्जस्ती बोलाउँदा निजी विद्यालयको व्यापारिक प्रवृत्ति मात्रै देखिन्छ ।’
पञ्चायत मावि सुन्दरहरैंचा ७ गोठगाउँको विद्यालय व्यवस्थापन समितिका अध्यक्ष पोष्टकुमार श्रेष्ठ बिहान विद्यालय सञ्चालन गर्न सकिने सम्भावना रहेको तर ११ बजे विद्यालय छुट्टी भएर घर फर्कँदा पनि विद्यार्थीलाई गर्मी हुने हुँदा त्यत्ति धेरै प्रभावकारी हुन नसक्ने देखिने बताउँछन् । जे भए पनि एउटा निष्कर्षमा पुग्नुपर्ने र कुनै विद्यालय सञ्चालन हुँदा कुनै विद्यालय बन्द रहने क्रम अन्त्य गरी नगरभरका विद्यालय सञ्चालनमा एकरुपता हुनुपर्ने उनको भनाइ छ ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login