शिक्षा / स्वास्थ्य
विश्वविद्यालयका पदाधिकारीको सुरक्षा गर्न सुन्दरहरैंचाका सबै दल प्रतिबद्ध, विश्वविद्यालय सरोकार समाजले बुझायो ध्यानाकर्षणपत्र
विराटचोकः पूर्वाञ्चल विश्वविद्यालयमा पछिल्लो समयमा भएका गतिविधिको निन्दा गर्दै सुन्दरहरैंचाका राजनीतिक दलले पार्टीभन्दा विश्वविद्यालयको हितअनुकूलका काम गर्ने प्रतिबद्धता जनाएका छन् ।
विश्वविद्यालयका उपकुलपति प्रा. डा. यादवराज कोइरालाको कार्यकक्षमा विश्वविद्यालयका रजिष्ट्रार नीलमणि पोखरेल, शिक्षा सेवा आयोगका अध्यक्ष महेशराज दाहाल, अस्पताल निर्देशक विपेश आचार्य, डीनहरुलगायतको उपस्थितिमा आफ्नो भनाइ राख्ने सुन्दरहरैंचामा क्रियाशील राजनीतिक दलका नेताले त्यस्तो प्रतिबद्धता जनाएका हुन् ।
पूर्वाञ्चल विश्वविद्यालय सरोकार समाजले विश्वविद्यालयका उपकुलपति कोइरालालाई ध्यानाकर्षणपत्र बुझाउने क्रममा दलहरुले विश्वविद्यालयको विकासको लागि एकजुट हुने प्रतिबद्धता व्यक्त गरेका हुन् ।
कार्यक्रममा नेपाली कांग्रेसका नगर सभापति भक्तिप्रसाद सिटौला, नेकपा एमालेका नगर अध्यक्ष मातृकाबाबु ढकाल, नेकपा एकीकृत समाजवादीका नगर अध्यक्ष महेश आचार्य, राष्ट्रिय स्वतन्त्र पार्टीका प्रदेश कमिटी सदस्य प्रेमलाल चौधरी र राष्ट्रिय प्रजातन्त्र पार्टीका नगर सचिव गीतानिधि दाहाललगायतले आफ्नो भनाइ राखेका थिए ।
उता, पूर्वाञ्चल विश्वविद्यालय सरोकार समाजले सेवा आयोगका अध्यक्ष प्रा. डा. महेशराज दाहालमाथि कालो मोसो दलेर दुर्व्यवहार गर्नेको पहिचान गरी कारवाही गर्न माग गरेको छ ।
समाजका अध्यक्ष सञ्जीव रोकाहाद्वारा हस्ताक्षरित ध्यानाकर्षण पत्रमा विद्यार्थी संगठनले कर्मचारी भर्नाको विषयमा विभिन्न माग राखी आन्दोलन गर्नुले उनीहरुको नियत स्पष्ट हुने जनाउँदै विश्वविद्यालयको बदनाम गराउने यस्तो कार्यमा संलग्नलाई कारवाही गर्न माग गरिएको छ ।
यस्तो छ ज्ञापनपत्रको पूर्ण पाठः
पूर्वाञ्चल विश्वविद्यालय सरोकार समाज,
मोरङ नेपाल
मिति २०८०\०३\१०
श्रीमान् उपकुलपति ज्यु
पुर्वाञ्चल बिस्वबिध्यालय
केन्द्रीय कार्यालय
सुन्दरहरैचा मोरंग
बिसय ध्यानाकर्सण गराइएको बारे ।
पुर्वाञ्चल बिस्वबिध्यालय सरोकार समाजले बिगतमा बिस्वबिध्यालयको केन्द्रिय कार्यालय गोठगाउ मोरंग बाट संचालन गर्न बिभिन्न राजनैतिक दल तथा सरकार को ध्यानाकर्सण गराउन पटक पटक पहलकदमी लिएको सर्वाबिधितै छ । बिगतमा यस बिस्वबिध्यालयमा देखिएका विभिन्न खालका अराजकता लाइ स्पस्ट बाहिर ल्याई दोषीहरुलाई कारबाही गरि यस बिस्वबिध्यालय लाइ व्यवस्थित र मर्यादित तथा बिस्वासनिय केन्द्रको रुपमा बिकास गर्न हामीले संस्थागतरुपमै पहलकदमी गरेका थियो। बिस्वबिध्यालयको ऐन संसोधन गरि केन्द्रिय कार्यालय अहिले गोठगाउमा संचालित छ भने बिस्वबिध्यालय मा मेडिकल कलेज संचालन प्रक्रियामा रहेता पनि मुर्त रुप लिन सकेको छैन । यसै बीच यहि २०८०÷०२÷२९ गते बिहान बिस्वबिध्यालय सेवा आयोगका अध्यक्ष्य प्रा डा महेसराज दाहाल माथि वहाको निवासमा केहि आपराधिक मनोब्रिती बोकेका व्यक्तिहरुद्वारा तालिबानी सैलिमा गरिएको दुर्व्यवाहार प्रति हाम्रो गम्भीर ध्यानाकर्सण भएको छ । उक्त घटना लगत्तै सम्बन्धित प्रसासन लाइ सम्पर्क गरि दोषीलाई तत्काल पक्राउ गर्न तथा घ टनाको गम्भीर छानबिन गरि दोषी लाइ कानुनको दायरामा ल्याउन हामीले सम्बन्धित निकायमा पटक पटक सम्पर्क गरेका थियौ । घटना घटेको यतिका दिन सम्म सम्पुर्ण दोषी हरु पक्राउ गर्न नसक्नु र उनीहरुको सम्रक्ष्यक तथा योजनाकार हरुको स्पस्ट किटान गर्न नसक्नु दुखपूर्ण कुरा हो । नियोजित र योजनाबद्द घटाइएको यस प्रकारका घटना लाइ सामान्य रुपमा बुझे दुस्प्रयास कोहि कसैको नहोस हामि खवरदारी गर्न चाहन्छौ । बिस्वबिध्यालय संचालन गर्न आवस्यक कर्मचारी को आवस्यकता को पहिचान र भर्ना प्रक्रिया विधिसम्मत गर्न सेवा आयोगको गठन गरिएको हो । सेवा आयोगलाई राजनैतिक दबाब दिएर आफु अनुकुल भर्ति केन्द्र बनाउन कसैले पहल लिने बिसय हैन। त्यसमाथि बिद्यार्थी संगठन हरुले बिस्वबिध्यालायाको कर्मचारी भर्ना प्रक्रिया माथि आफ्नो माग राखी आन्दोलन गर्नु ले ति बिद्यार्थी संगठन वा संस्था हरुको नियत स्पस्ट हुन्छ । यो बिल्कुल प्राज्ञिक तथा बिस्वबिध्यालयको आवस्यकताको बिसय हो । यस बिस्वबिध्यालय संचालनको दौरान मा यस्ता घटना घट्नु बिस्वबिध्यालय बदनाम गराउने खेल मात्र हो । बिस्वबिध्यालय मा हुने अमर्यादित गतिबिधि हरुलाई तत्काल नियन्त्रण गरि बिधि र पद्दतिमा बिस्वबिध्यालय लाइ संचालन गर्न हामि उपकुलपति ज्यु मार्फत सम्पुर्ण बिस्वबिध्यालयको ध्यानाकर्सण गराउदछौ । बिस्वबिध्यालय संग प्रत्यक्ष्य सरोकार राख्ने नागरिक समाज संग छलफल र समन्वयमा यस्ता गलत प्रविती को अन्त्य गर्न मद्दत पुग्दछ । आपराधिक प्रविती को कुनै दल हुदैन कुनै बिचार ले संरक्षित हुन सक्दैन । हामि यस बिस्वबिध्यालय लाइ सुन्दर सैक्षिक फूलबारीको रुपमा बिकास गर्न चाहन्छौ। बिस्वबिध्यालयमा मेडिकल कलेज संचालन लाइ मुर्त रुप दिन अझ प्रभावकारी अगुवाइको हामि अपेक्ष्या गर्दछौ । अन्त्यमा सेवा आयोगका अध्यक्ष्य माथि भएको दुर्व्यवाहार मा संलग्न हरुलाई हदै सम्मको कारबाही गर्न प्रसासन र नेपाल सरकार लाइ थप दबाबका साथ अगाडि बढ्न तपाइलाइ ध्यानाकर्सण सहित अनुरोध गर्दछौ । बिस्वबिध्यालयमा कार्यारत कर्मचारी तथा पदाधिकारीहरु सुरक्षित हुने बातावरण ड्ड मिलाउन हामि सबैले पहलकदमी लिनु पर्दछ । बिस्वबिध्यालय लाइ सहज संचालन गर्न र सम्मानित थलोका रुपमा बिकास गर्न सरोकार समाज सदैव तत्पर रहेको पुन जानकारी गराउदछौ ।
सन्जिब रोकाहा
अध्यक्ष
Facebook Comment
हाल देशभर मनसुनी वायुको प्रभाव रहेको छ । हाल मनसुनको न्यून चापीय रेखा सरदर स्थानमा रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
हाल गण्डकी, लुम्बिनी, कर्णाली र सुदूरपश्चिम प्रदेश साथै कोशी र बागमती प्रदेशको पहाडी र हिमाली भूभागमा साधारणतया बादल लागेको छ भने मधेस र कोशी प्रदेशका तराई भूभागमा आंशिक बादल लागेको छ । बागमती र गण्डकी प्रदेशका केही स्थानमा कोशी, लुम्बिनी र कर्णाली र सुदूरपश्चिम प्रदेशका थोरै स्थानमा मध्यमसम्मको वर्षा भइरहेको छ ।
महाशाखाका अनुसार आज दिउँसो देशभर साधारणतया बादल लाग्नेछ । देशका हिमाली भूभागका केही स्थानमा मेघगर्जन र चट्याङसहित मध्यमसम्मको वर्षा र हिमपातको सम्भावना छ । देशका पहाडी भूभागका धेरै स्थानमा मेघगर्जन र चट्याङसहित मध्यमसम्मको वर्षाको सम्भावना छ ।
कोशी, बागमती, गण्डकी, लुम्बिनी प्रदेशका तराईका केही स्थान र मधेश प्रदेश तथा सुदूरपश्चिमको तराई भूभागका थोरै स्थानमा मेघगर्जन र चट्याङसहित मध्यमसम्मको वर्षाको सम्भावना छ । बागमती र गण्डकी प्रदेशका पहाडी तथा तराई भूभागका साथै कोशी र लुम्बिनी प्रदेशका पहाडी भूभागको एकदुई स्थानमा भारी वर्षाको सम्भावना रहेको छ ।
त्यसैगरी आज राति देशभर साधारणतया बादल लाग्नेछ । कोशी, बागमती र गण्डकी प्रदेशका हिमाली भूभागका केही स्थानमा तथा लुम्बिनी, कर्णाली र सुदूरपश्चिम प्रदेशका हिमाली भूभागका थोरै स्थानमा मेघगर्जन र चट्याङसहित मध्यमसम्मको वर्षा र हिमपातको सम्भावना छ
कोशी, बागमती, गण्डकी र लुम्बिनी प्रदेशका पहाडी र तराई भूभागका केही स्थान मधेस तथा कर्णाली पहाडी भूभागका र सुदूरपश्चिम प्रदेशका पहाडी र तराई भूभागका थोरै स्थानमा मेघगर्जन र चट्याङसहित मध्यमसम्मको वर्षाको सम्भावना छ । कोशी, बागमती र गण्डकी प्रदेशका पहाडी र तराई भूभागका एकदुई स्थानमा भारी वर्षाको सम्भावना रहेको महाशाखाले जनाएको छ ।
बागमती र गण्डकी प्रदेशका पहाडी तथा तराई भूभागका साथै कोशी र लुम्बिनी प्रदेशका पहाडी भूभागको एकदुई स्थानमा भारी वर्षाको सम्भावना रहेकाले ती क्षेत्रमा हुनसक्ने गेग्रान बहाव, बाढी, पहिरो तथा भूक्षयजस्ता प्रकोपको जोखिम वा क्षतिबाट बच्न तथा यसबाट ती क्षेत्रमा दैनिक जनजीवनलगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्ने सम्भावना रहेकाले आवश्यक सतर्कता अपनाउनुहुन र विभागको पछिल्लो सूचनामा अद्यावधिक रहन महाशाखाको अनुरोध छ । रासस
हाल देशभर मनसुनी वायुको प्रभाव छ । जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानभन्दा उत्तरतर्फ छ ।
विभागका अनुसार देशभर अधिकांश बादल लागेको छ । देशका हिमाली भू–भागका केही स्थानमा मेघगर्जन/चट्याङसहित मध्यमसम्मको वर्षा/हिमपातको सम्भावना छ । देशको पहाडी भू–भागका धेरै स्थानमा मेघगर्जन/चट्याङसहित मध्यमसम्मको वर्षाको सम्भावना छ ।
विभागद्वारा मौसम ‘बुलेटिन’का अनुसार कोशी, बागमती, गण्डकी, लुम्बिनी र सुदूरपश्चिम प्रदेशका तराईका केही स्थान तथा मधेश प्रदेशका थोरै स्थानमा मेघगर्जन/चट्याङसहित मध्यमसम्मको वर्षाको सम्भावना छ । कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागको एकदुई स्थानमा भारी वर्षाको सम्भावना रहेको छ ।
महाशाखाका अनुसार आज राति देशभर साधारणतया बादल लाग्नेछ । कोशी, बागमती र गण्डकी प्रदेशका हिमाली भू–भागका केही स्थानमा तथा लुम्बिनी, कर्णाली र सुदूरपश्चिम प्रदेशका हिमाली भू–भागका थोरै स्थानमा मेघगर्जन/चट्याङसहित मध्यमसम्मको वर्षा/हिमपातको सम्भावना छ ।
कोशी, बागमती, गण्डकी र लुम्बिनी प्रदेशका पहाडी र तराई भू–भागका केही स्थानमा, मधेस प्रदेश तथा कर्णाली पहाडी भू–भागका र सुदूरपश्चिम प्रदेशका पहाडी र तराई भू–भागका थोरै स्थानमा मेघगर्जन/चट्याङसहित मध्यमसम्मको वर्षाको सम्भावना रहेको महाशाखाले जनाएको छ । कोशी, बागमती र गण्डकी प्रदेशका पहाडी र तराई भू–भागका एकदुई स्थानमा भारी वर्षाको सम्भावना रहेको छ ।
आन्तरिक राजस्व कार्यालय, धरानका तत्कालीन कर अधिकृत तिलक आलेसमेतका प्रतिवादी रहेको भ्रष्टाचार मुद्दामा अख्तियार दुरुपयोग अनुसन्धान आयोगले सर्वोच्च अदालतमा पुनरावेदन दर्ता गरेको छ।
आयोगका अनुसार सुन्दरहरैँचा नगरपालिकास्थित गछिया खोलाबाट आर्थिक वर्ष २०७६-०७७ मा नदिजन्य पदार्थ उत्खनन् गर्ने क्रममा प्राप्त हुने राजस्वमध्ये आन्तरिक राजस्व कार्यालयमा दाखिला गर्नुपर्ने मूल्य अभिवृद्धि कर (भ्याट) रकम दाखिला नगरी भ्रष्टाचार गरिएको आरोपमा तिलक आलेसमेतका प्रतिवादीविरुद्ध मुद्दा दायर गरिएको थियो।
उक्त प्रकरणमा आयोगले प्रतिवादीहरूबाट रु. १ करोड २३ लाख ६९ हजार ६४९ रुपैयाँ ६९ पैसा बिगो कायम गरी भ्रष्टाचार निवारण ऐन, २०५९ को दफा ९ र १७ बमोजिम कसुर ठहर गरी कैद तथा बिगो बराबर जरिवानासहितको सजाय माग गर्दै विशेष अदालत, काठमाडौंमा आरोप पत्र दायर गरेको थियो।
तर विशेष अदालतले मिति २०८२।१२।१० मा गरेको फैसलाबाट प्रतिवादीहरूलाई आंशिक सफाइ दिएको थियो। उक्त फैसलाप्रति चित्त नबुझेपछि आयोगले मिति २०८३।०४।०४ गते सर्वोच्च अदालतमा पुनरावेदनको निवेदन दर्ता गरेको जनाएको छ।
आयोगले विशेष अदालतको फैसलाको कानुनी परीक्षण आवश्यक रहेको भन्दै अभियोगमा प्रस्तुत प्रमाण र तथ्यका आधारमा पुनरावेदन प्रक्रिया अघि बढाएको हो।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login