कोशी प्रदेश
आरम्भ चौतारीको कोशी प्रदेशस्तरीय फिल्ड व्यवस्थापन तालीम सम्पन्न
विराटचोकः आरम्भ चौतारी लघुवित्त वित्तीय संस्था लिमिटेडको कोशी प्रदेश कार्यालयले सो प्रदेश अन्तर्गतका १९ वटा शाखामा कार्यरत कर्मचारीलाई फिल्ड व्यवस्थापन तालीम प्रदान गरेको छ ।
प्रदेशका ३१ जना कर्मचारीलाई १ दिनको फिल्ड व्यवस्थापन तालीम दिइएको संस्थाले जनाएको छ । सो तालीममा कार्यक्रमलाई कसरी गुणस्तरीय बनाउन सकिन्छ भन्ने विषयमा जानकारी दिइएको थियो । संस्थाका कोशी प्रदेश प्रमुख विमल चौधरी, केन्द्रीय कार्यालयका आन्तरिक लेखा परीक्षण विभाग प्रमुख विमल खनाल, कार्यक्रम अधिकृतद्वय विजयकुमार पासवान र सुजन दाहालले कर्मचारीलाई प्रशिक्षित गरेका थिए ।
कर्मचारीको क्षमता अभिवृद्धिका साथै मनोबल वृद्धि गराई स्वउत्प्रेरित भई कार्यक्रम गुणस्तरीय वनाउने उद्देश्यले तालिम प्रदान गरिएको संस्थाले जनाएको छ ।
तालीम कार्यक्रम अधिकृत सुजन दाहालले तालीम कार्यक्रम सञ्चालन गरेका थिए । विभागीय प्रमुख विमल खनालले तालीमको उद्घाटन गरेका थिए । प्रशिक्षक तथा कोशी प्रदेश प्रमुख विमल चौधरीले सबै सहभागीहरुलाई तालीममा सिकेका कुराहरु तुरुन्तै व्यवहारमा लागू गर्न तथा कुनै समस्या परेमा तत्काल सम्पर्क गर्न अनुरोध गरेका थिए ।
चालु आर्थिक वर्षमा संस्थाले दिएका सवै लक्ष्यहरु पूरा गरी कोशींं प्रदेश कार्यालयलाई संस्थागत रुपमा पहिलो बनाउन चौधरीले निर्देशन दिए ।
चौधरीले समूह के हो, समूहको महत्व के छ, भाका नाघेको कर्जा के हो तथा कसरी प्रभावकारी ढङ्गले कर्जा असुली गरिन्छ भन्ने विषयमा प्रशिक्षण दिएका थिए ।
त्यस्तै, आन्तरिक लेखापरीक्षण विभाग प्रमुख विमल खनालले कस्टुमर केयरको बारेमा, कार्यक्रम अधिकृत विजयकुमार पासवानले राम्रो केन्द्र बनाउने तरिका र सुजन दाहालले बचतको फाइदा तथा फिल्ड कर्मचारीको जिम्मेवारी र उत्तरदायित्वको विषयमा प्रशिक्षण दिएका थिए ।
संस्थाले सबै प्रदेश कार्यालयहरुमा सहायक कर्मचारीहरुलाई फिल्ड व्यवस्थापन तालीम एकसाथ प्रदान गरेको जनाएको छ ।
तालीममा सहभागीको तर्फबाट विमला खड्का, अनिल बराल तथा महावीर राईले मन्तव्य राखेका थिए । तालीममा सिकेका विषय आगामी दिनमा फिल्डमा लागू गर्ने तथा गर्न लगाउने भन्दै आगामी दिनमा संस्थाले पुनः यस्ता कार्यक्रमहरु गराउनुपर्ने सहभागीले माग राखेका थिए ।
काभ्रेको बनेपामा केन्द्रीय कार्यालय रहेको आरम्भ लघुवित्तले देउराली लघुवित्तलाई गाभेर आरम्भ चौतारी लघुवित्तको नामबाट वित्तीय कारोबार गर्दै आइरहेको छ ।
कार्यक्रमका थप तस्बिरका लागि तलको लिंक खोल्नुहोस् ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login