शेयर
फेरि नेप्से सूचक २००० बिन्दु मुनि

विराटचोकः गत साता २००० भन्दा तल झरेर फर्केको नेपाली शेयर बजार मापक परिसूचक आइतबार फेरि २००० को लाइनभन्दा तल झरेको छ ।
आइतबार नेप्से परिसूचक २० दशमलव ५४ अंक घटेर १९९३ दशमलव ३८ बिन्दुमा झरेको छ । नेप्सेसँगै कारोबार रकम पनि घटेको छ । बिहीबार डेढ अर्बभन्दा बढीको शेयर कारोबार भएकोमा आज २ सय ८० कम्पनीको ३८ हजार ६ सय ६६ पटक शेयर किनबेच हुँदा १ अर्ब २६ करोड २७ लाख ६७ हजार ८ सय ७६ रुपैयाँको कारोबार भएको छ ।
३८ लाख ९५ हजार २ सय ३६ कित्ता शेयर किनबेच भएको बजारमा कुथेली बुखरी स्मल हाइड्रोपावरको शेयरमूल्य १० प्रतिशतले बढेको छ । स्वाभिमान लघुवित्त वित्तीय संस्था लिमिटेडको शेयरमूल्य ६ प्रतिशत बढेको छ । मकर जीतुमाया सुरी हाइड्रोपावरको शेयरमूल्य सबैभन्दा धेरै ९ दशमलव ६३ प्रतिशत र लिबर्टी इनर्जीको शेयरमूल्य ६ दशमलव ३० प्रतिशत घटेको छ । अपर स्याङ्गे हाइड्रोपावर, महुली लघुवित्त र खानीखोला हाइड्रोपावर उच्च मूल्य घट्ने अन्य कम्पनीमा परेका छन् ।
एशियन लाइफ इन्स्योरेन्सको सबैभन्दा धेरै ७ करोड ४६ लाख ८९ हजार ४१ रुपैयाँको कारोबार भएको छ । आइएमई लाइफ इन्स्योरेन्स र सोल्टी होटल कारोबार रकमको आधारमा दोस्रो र तेस्रो स्थानमा रहेको बजारमा सामुहिक लगानी कोषबाहेक सबै सूचकमा रातो पोतिएको छ ।
सबैभन्दा धेरै जलविद्युत र होटल समूहमा गिरावट आएको छ । बजार घटेसँगै समग्र बजार पूँजीकरण २९ खर्ब ८४ अर्ब १४ करोड ९० लाख ७३ हजार १ सय ६१ रुपैयाँ कायम भएको छ ।
Facebook Comment
Banner
कार्यालय समयमै महानगर पुगे प्रशासकीय अधिकृत, कर्मचारीको तलब निकासा प्रक्रिया सुरू

काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईँ आज सहजरुपमा कार्यालय पुगेका छन् । उनलाई नगर प्रहरीले रोक्ने प्रयास गरेनन् ।
हिजो प्रशासकीय अधिकृत गुरागाईँ कार्यालय प्रवेश गर्ने क्रममा महानगरभित्र बबण्डर उत्पन्न भएको थियो । मेयर बालेन्द्र साहले उनलाई रोक्न नगरप्रहरी उतारेका थिए । तर, महानगरका कर्मचारी र अन्य जनप्रतिनिधिले उनलाई कार्यकक्षमा पुर्याएर हाजिर गराइ छाडे । यसमा महानगरकी उपमेयर सुनिता डंगोलले समन्वयकारी भूमिका निर्वाह गरेकी थिइन् ।
आज कार्यालय पुगेलगत्तै प्रशासकीय अधिकृत गुरागाईँले लामो समयदेखि रोकिएको शिक्षक-कर्मचारीको तलब निकासाका लागि तोक लगाइदिएका छन् । प्रशासकीय अधिकृतको अभावमा महानगरका शिक्षक-कर्मचारीले ३ देखि पाँच महिनासम्मको तलब पाएका थिएनन् ।
Banner
बिम्स्टेक शिखर सम्मेलन सुरु

२२ चैत, बैङकक । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को छैटौं शिखर सम्मेलन सुरु भएको छ ।
बैङ्ककस्थित होटल साङ्ग्रिला सदस्य मुलुकका सरकार प्रमुखहरुको सामूहिक फोटोसेसन र कार्यसूची टेबल गरिएसँगै बिम्स्टेक सम्मेलन सुरु भएको हो ।
सदस्य मुलुकका प्रतिनिधिमण्डलका नेताहरुलाई आयोजक राष्ट्र थाइल्याण्डका प्रधानमन्त्री पे थोङ् थान् शिनावातले स्वागत गरेकी थिइन् ।
सम्मेलनमा आज प्रधानमन्त्री केपी शर्मा ओलीसहित सदस्य मुलुकका सरकार प्रमुखहरुले सम्बोधन गर्ने कार्यक्रम रहेको छ ।
शिखर सम्मेलनमा ‘बिम्स्टेक म्यारिटाइम ट्रान्सपोर्ट कोअपरेसन’मा हस्ताक्षरपछि सदस्य मुलुकहरु थाइल्याण्ड, बङ्गलादेश, भूटान, भारत, म्यान्मार, नेपाल र श्रीलङ्काका प्रधानमन्त्री (प्रतिनिधिमण्डलका नेता)हरुले सम्बोधन गर्नुहुनेछ ।
Banner
गाजाको विद्यालयमा इजरायलको हवाई आक्रमण, महिला र बालबालिकासमेत ३३ जनाको मृत्यु

इजरायली लडाकु जेटले बिहीबार गाजापट्टीमा आक्रमण गरेको छ । उक्त इजरायली आक्रमणमा परी ठूलो संख्यामा मानिसहरू मारिएका अन्तर्राष्ट्रिय सञ्चारमाध्यमले उल्लेख गरेका छन् ।
गाजापट्टीको एक विद्यालयमा भएको हवाई आक्रमणमा परी उक्त विद्यालयमा शरण लिइरहेका ३३ जना मारिएका छन् । त्यसमध्ये धेरै महिला तथा बालबालिका भएको बताइएको छ । उक्त बमबारीमा ७० जना घाइते भएका छन् । हालैका दिनहरूमा इजरायलले गाजामा आक्रमण बढाएको छ ।
प्यालिस्टिनी स्वास्थ्य मन्त्रालयका प्रवक्ता जहेर अल वाहिदीले गाजाकव तुफ्फाहमा रहेको एक विद्यालयमा १४ जना बालबालिका तथा पाँच महिलाको शव भेटिएको बताए । उनले मृतकहरूको संख्या बढ्न सक्ने बताएका छन् ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ5 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login