काठमाडौंः अन्तर्राष्ट्रिय खेलकुद परिसर सातदोबाटोस्थित बक्सिङ हलमा शुक्रबारबाट जारी राष्ट्रिय महिला तथा पुरुष युथ तथा जुनियर बक्सिङ प्रतियोगिताअन्तर्गत सेमीफाइनल बाउटहरु सम्पन्न भएका छन् ।

पुरुष क्वार्टर फाईनल खेलहरुमा ५४ किलो तौल समूहमा दमकका दिपेश विश्वकर्मालाई एचटुओका आशीस बेगाले ५ः० अंकको आधारमा जीत हासिल गरे । सोही तौल समूहमा भाटभटेनी हेल्थ क्लबका लेन्डुप लामालाई बक्समाण्डुका प्रबल उप्रेतीले ५ः० अंकको आधारमा जीत हासिल गरे । ५७ किलो तौल समूहमा मकवानपुरका ओम लामालाई अल्फाका रेमन पुनले ५ः० अंकको आधारमा जीत हासिल गरे । सोही तौल समूहमा एक्स बक्सिङका हुमबहादुर अधिकारीलाई दमकका योयल राईले ३ः२ अंकको आधारमा जीत हासिल गरे ।

त्यसैगरी ६० किलो तौल समूहमा भाईबका युनिक तामाङलाई बक्समाण्डुका आशुष थापाले वाक ओभरको आधारमा जीत हासिल गरे । सोही तौल समूहमा मकवानपुरका अभिषेक रानामगरलाई स्वीटसाईन्सका युगल रोकामगरले ४ः१ अंकको आधारमा जीत हासिल गरे भने सोही तौल समूहमा टोटल फिजिकल फिटनेशका सुजिन पलान्चोकीलाई भाटभटेनी हेल्थ क्लबका निमा शेर्पाले ४ः१ अंकको आधारमा जीत हासिल गरे ।

जुनियर पुरुषतर्फ ४६ के.जी. तौल समूहमा अल्फाका लालबहादुर घर्तीलाई ३ ः ० अंकको आधारमा नक्सालका सक्षम लामाले जीत हासिल गरे । सोही तौल समूहमा एच टु ओका खेलाडी शुभ लामालाई ५ः० अंकको आधारमा बाँकेका चन्दन शाहीले जीत हासिल गरे । ४८ के.जी. तौल समूहमा ललितपुरका अर्ज सिलवाललाई ५ः० अंकको आधारमा रोल्पाका रजिन पुन मगरले जीत हासिल गरे । ५० केजी तौल समूहमा च्याम्पियन बक्सिङ क्लबका खेलाडी मोहन केसीलाई आरएसीको आधारमा रोल्पाका खेलाडी विप्लव घर्तीले जीत हासिल गरे । ५२ के.जी. तौल समूहमा झापाका रोशन विश्वकर्मालाई ५ः० को अंकको आधारमा अल्फा, दाङका विजय घर्तिमगरले जीत हासिल गरे । सोही तौल समुहमा च्याम्पियन, दाङका करुण बुढामगरलाई ५ः० अंकको आधारमा फाईट प्रमोशन काठमाडौका मोहित विष्टले जीत हासिल गरे ।

५७ किलो तौल समूहमा एक्स बक्सिङ्ग क्लबका कास्कीका शाहील लिम्बूलाई ५ः० अंकको आधारमा स्वीट साईन्स बक्सिङ्ग काठमाडौका रोशीकी शाही खड्गीले जीत हासिल गरे । सोही तौल समूहमा भाईब बक्सिङ क्लब नुवाकोटका आशिष रिजाललाई नकआउटका आधारमा झापाका खेलाडी निक्मा तामाङले जीत हासिल गरे ।

६० किलो तौल समूहमा अल्फा दाङ्गका समिर खवासलाई ५ः० अंकको आधारमा एक्स बक्सिङ्ग कास्कीका समुन्द्र थापाले जीत हासिल गरे । सोही तौल समुहमा बक्समाण्डु, काठमाडौका खेलाडी देव थिङ्ग तामाङ्गलाई ५ः० अंकको आधारमा दाङ्गका नयन सिंह भण्डारीले जीत हासिल गरे । ७० किलो तौल समूहमा फाईट प्रो काठमाण्डौका उर्गेन शेर्पालाई स्वीट साईन्सका नोर्वु शेर्पाले आरएससीको आधारमा पराजित गरे । ८० प्लस किलो तौल समूहमा दमकका ग्याल्बो आङ्गदाम्बेलाई आर्यन फिटनेश क्लब, भक्तपुरका श्रीयान्स सिवाकोटीले आरएससीको आधारमा जीत हासिल गरे ।

जुनियर महिलातर्फ ५० किलो तौल समूहमा उदयपुरका मुस्कान तुलाधरलाई झापाका प्रतिमा राईले स्पिलट डिसिजनको आधारमा जीत हासिल गरिन् । त्यसैगरी युथ केटागोरीमा महिला ५० किलो तौल समूहमा नक्सालका दिव्या लिम्बूलाई मकवानपुरका रोशनी घलानले अंकको आधारमा जीत हासिल गरिन् । सोही तौल समूहमा स्वीट साईन्सका शितास्मा खडकालाई एचटुओका बृषा श्रेष्ठले आरएससीको आधारमा जीत हासिल गरिन् । युथ तर्फकै ५४ किलो तौल समूहमा अल्फाका पुष्पाकुमारी थापालाई झापाका स्मारिका राईले ५ः० अंकको आधारमा जीत हासिल गरिन् । ६० किलो तौल समूहमा उदयपुरका चन्दन राईलाई एक्स बक्सिंगका निकिशा गुरुङ्गले आर एससीको आधारमा जीत हासिल गरिन् । सोही तौल समूहमा आर्यनका अन्शु केसीलाई भूमी, चितवनका बबिता गोदार क्षेत्रीले ५ः० अंकको आधारमा जीत हासिल गरिन् ।

त्यसैगरी युथ पुरुषतर्फका सेमीफाइनल खेलहरुमा ४८ किलो तौल समूहमा नक्सालका मानव लामालाई एचटुओका अप्रिल रानाले ५ः० अंकको आधारमा जीत हासिल गरे । सोही तौल समूहमा आर्यनका दार्विन कोइरालालाई अल्फाका गिर्वान केसीले ५० अंकको आधारमा जीत हासिल गरे ।

५१ किलो तौल समूहमा बक्समाण्डुका विक्की अर्याललाई भक्तपुरका विकल व्वयोधाले ५ः० अंकको आधारमा जीत हासिल गरे । सोही तौल समूहका झापाका प्रज्ज्वल खड्कालाई बाँकेका शुभम्जंग शाहले आरएससीका आधारमा जीत हासिल गरे ।

५७ किलो तौल समूहमा एच टु ओका छेवाङ तामाङलाई बक्समाण्डुका छिरिङ वाङ्गदी शेर्पाले जीत हासिल गरे ।

नेपाल बक्सिङ महासंघका महासचिव तथा प्रतियोगिता संयोजक मानबहादुर भण्डारीका अनुसार देशैभरिबाट युथ महिलातर्फ १६ जना, पुरुषतर्फ ५२ जना र जुनियर महिलातर्फ ७ जना, पुरुषतर्फ ४३ जना गरी जम्मा १ सय १८ जना खेलाडीहरु सहभागी छन् ।

प्रतियोगिताको संयोजक तथा महासचिव भण्डारीका अनुसार प्रतियोगितामा प्रथम हुन सफल उत्कृष्ट खेलाडीहरु मध्येबाट उत्कृष्टताको आधारमा काजकिस्तानको राजधानी आस्ताना शहरमा आयोजना हुने एएसबिसि एशियन युथ एण्ड जुनियर बक्सिङ च्याम्पियनसिप २०२३ अक्टोबर २१ देखि नोभेम्बर ०४ मा सहभागीता जनाउनेछ ।

नेपाल बक्सिङ महासंघका अध्यक्ष राम अवाले, उपाध्यक्षहरु सविन भट्टचार्य, ओमनारायण श्रेष्ठ र शोभाजंग केसी, महासचिव मानबहादुर भण्डारी, सचिव तथा आईटिओ पुष्करराज पन्त, कोषाध्यक्ष गौतम सुजखु, सदस्यहरु सुमन कुमार के।सी।,मिलनध्वज राना, दुर्गा गहतराज, नवीन तण्डुकार, निवर्तमान बक्सिङका मुख्य प्रशिक्षक प्रकाश थापामगर, आईबिए थ्री स्टार कोच किरण थापा लगायत खेलाडीका अभिभावकहरुको उपस्थिति रहेको थियो ।