विराटनगरः प्रहरी दिवस २०८० को अवसरमा आयोजना गरिएका विभिन्न खेलकुद तथा विभिन्न विधामा पुरस्कृत हुने प्रहरी कर्मचारीहरुलाई प्रदेश प्रहरी प्रमुख प्रहरी नायव महनिरीक्षक राजेशनाथ बास्तोलाले पुरस्कृत गरेका छन् ।

प्रहरी दिवसको अवसरमा कोशी प्रदेश प्रहरी कार्यालयमा आयोजना गरिएको एक विशेष कार्यक्रमका बीच उनले पुरस्कृत गरेका हुन् । प्रहरी दिवसको अवसरमा सञ्चालन गरिएको टेवलटेनिस सिङ्गल र डबल दुबै खेलमा प्रथम हुने प्रहरी वरिष्ठ उपरीक्षक राजन अधिकारीलगायत ब्याडमिन्टन तथा ५ किलोमिटर दौडमा प्रथम, दोस्रो र तेस्रो हुने पुरुष तथा महिला खेलाडीहरुलाई पुरस्कृत गरिएको हो ।

कार्यालय सञ्चालनतर्फ विभिन्न विधामा उत्कृष्ट कार्य गर्ने प्रहरी अधिकृत तथा प्रहरी कर्मचारीहरुलाई मेडल, प्रशंसापत्र र नगद पुरस्कारद्वारा पुरस्कृत गरिएको थियो ।