विराटचोकः मंगलबार ११ दशमलव २२ ले अंकले बढेको शेयर बजार मापक नेप्से परिसूचक १ हजार ८५८.७६ को बिन्दुमा बन्द भएको छ । नेप्सेमा सूचीकृतमध्ये २ सय ८५ कम्पनीका ४३ लाख ३१ हजार २ सय २९ कित्ता शेयर ४० हजार ६ सय पटक किनबेच हुँदा ९९ करोड ६५ लाख ८६ हजार २ सय ९१ रुपैयाँको शेयर किनबेच भएको छ ।

मंगलबार निर्जीवन बीमा समूहबाहेक सबै समूहमा हरियाली छाएको छ । निर्जीवन बीमा समूह ० दशमलव १८ प्रतिशतले घटेको छ । सवैभन्दा बढी लगानी समूह १ दशमलव ५१ प्रतिशतले बढेको छ । अन्य समूह १ दशमलव ३२ प्रतिशतले बढेको छ । वित्त समूह र जीवन बीमा समूह क्रमश १ दशमलव २३ र १ दशमलव १७ प्रतिशतले बढेका छन् ।

हिमालयन बैंकको संस्थापक शेयरको सर्वाधिक कारोबार भएको छ । सो कम्पनीको ९ करोड १६ लाख ४४ हजार २ सय २८ रुपैयाँको शेयर कारोबार भएको छ । माछापुछ्रे बैंकको ६ करोड ३८ लाख ८० हजार ८ सय ४२ रुपैयाँ र सोनापुर मिनरल्स एण्ड आयल कम्पनीको ५ करोड ९२ लाख ८३ हजार ९ सय ९१ रुपैयाँको शेयर किनबेच भएको छ । उच्च कारोबार गर्ने अन्य कम्पनीमा सानिमा जीआईसी इन्स्योरेन्स र सोल्टी होटल रहेका छन् ।

मंगलबार लक्ष्मी लघुवित्त वित्तीय संस्थाका शेयरधनीको सम्पत्ति ८ दशमलव १६ प्रतिशतले बढेको छ । सोनापुर मिनरल्स एण्ड आयल कम्पनीको शेयरभाउ ५ दशमलव २८ प्रतिशतले बढ्दा सिटिजन लाइफ इन्स्योरेन्सको शेयरभाउ ५ दशमलव ३ प्रतिशतले बढेको छ ।

बजार बढे पनि स्वाभिमान लघुवित्त वित्तीय संस्थाका शेयरधनीले सबैभन्दा धेरै ८ दशमलव २६ प्रतिशतका दरले सम्पत्ति गुमाएका छन् । सिद्धार्थ प्रिमियर इन्स्योरेन्सका शेयरधनीले ६ प्रतिशतले तथा बाराही हाइड्रोपावरका शेयरधनीले ३ दशमलव १९ प्रतिशतले सम्पत्ति गुमाएका छन् ।

बजार बढेसँगै समग्र बजार पूँजीकरण २८ खर्ब ६३ अर्ब ३० करोड २३ लाख ४६ हजार १ सय ५९ रुपैयाँ निर्धारण भएको छ ।