राजनीति
कांग्रेस मोरङ जिल्ला सम्मेलनको उद्घाटन सत्रमा बोल्ने वक्ताहरुले के भने
विराटचोकः नेपाली कांग्रेस मोरङको प्रथम ऐतिहासिक जिल्ला सम्मेलन हिजो विराटचोकमा सम्पन्न भएको छ । सम्मेलनमा प्रमुख अतिथिको रुपमा नेपाली कांग्रेसका केन्द्रीय सदस्य डा. शेखर कोइराला उपस्थित थिए ।
सम्मेलनलाई सम्बोधन गर्दै डा. कोइरालाले नैतिक शक्ति र आत्मविश्वास गुमाएपछि निराशातिर कार्यकर्ता जाने हुनाले नेतृत्वले नैतिक शक्ति र आत्मविश्वास गुमाउन नहुने बताए ।
अर्का केन्द्रीय सदस्य डाक्टर मीनेन्द्र रिजालले पार्टीमा पुनर्जागरण आवश्यक रहेको बताए । बिपी कोइरालाले स्थापना गरेको पार्टी सोही गतिमा अगाडि बढ्नुपर्ने बताए ।
कांग्रेसको जनाधार कमजोर बन्दै गएको छ । बिपीको जस्तो पार्टी बनाउन सके जनता आफै आकर्षित हुने उनको भनाइ थियो । कांग्रेसले आफूले आफैँलाई विश्वास गर्याे भने जनताले पत्याउने हुनाले कांग्रेसले आत्मविश्वास गुमाउन नहुने उनको भनाइ थियो ।
सम्मेलनमा ३ हजार ५ सय ५५ जना क्षेत्रीय प्रतिनिधि सहभागी थिए । सम्मेलनमा राजनीतिक, साङ्गठानिक र आर्थिक प्रतिवेदन प्रस्तुत गरिएको थियो ।
कोशी प्रदेशका मुख्यमन्त्री केदार कार्कीले वर्तमान सरकार संविधानको सदुपयोग गरेर गठन भएको बताए । केही भएन भनेर निराशा बाँड्ने र उट्पट्याङ कुरा गर्नेको भीडले कांग्रेसलाई बन्धक बनाउन खोजेको उनको भनाइ थियो ।
कोशी प्रदेशसभामा आफूले गरेको विद्रोहलाई अस्वीकार गर्ने बताएका नेताहरू प्रति लक्षित गर्दै उनले भने, ‘कोशीमा विद्रोह गरेको सरकार होइन संविधानको सदुपयोग गरेको सरकार हो ।
कार्की संविधानको धारा १६८ को उपधारा ५ अनुसार बहुमत प्रदेश सभा सदस्यको समर्थनमा मुख्यमन्त्री चयन भएका थिए । ९३ सदस्यीय प्रदेशसभामा काँग्रेसका ८ र नेकपा एमालेका ३९ सांसदको समर्थनमा उनी मुख्यमन्त्री चयन भएका हुन् । कांग्रेसले संस्थागत रूपमा माओवादी केन्द्रका सांसद इन्द्रबहादुर आङ्बोलाई मुख्यमन्त्री बनाउने निर्णय गरेपछि उनी एमालेलगायतका अन्य दलको समर्थनमा मुख्यमन्त्री नियुक्त भएका थिए । उनले विश्वासको मत पाइसकेका छन् ।
प्रदेश कार्यसमिति उपाध्यक्ष एवम् राष्ट्रिय सभा सदस्य रमेशजंग रायमाझीले कांग्रेसको जिल्ला सम्मेलनको ब्यानरमा पार्टी अध्यक्षको तस्बिर नभएकोमा आपत्ति प्रकट गरे । उनले आपत्ति प्रकट गर्दै गर्दा ब्यानरमा पार्टी अध्यक्ष शेरबहादुर देउबाको तस्बिर टाँसिदै थियो ।
कोशी प्रदेशका मुख्यमन्त्री उद्धव थापाले आफू मुख्यमन्त्री हुँदा २ अंकको रोचक संयोग भएको सुनाए । २ मतले आफू पराजित भएको, २ महिनामा २ पटक मुख्यमन्त्री भएको र २ महिनामा पूर्व मुख्यमन्त्री भएको उनले उल्लेख गरे । नेपाली राजनीतिमा २ महिनामा २ पटक मुख्यमन्त्री हुने र २ महिनामै पूर्व मुख्यमन्त्री हुने अवसर अरुले शायद नपाउने हुनाले आफूलाई गर्व महसुस भएको र कांग्रेसले पनि यसमा गर्व गर्नुपर्ने उनको भनाइ थियो ।
सांसद डा. सुनिल शर्माले हामी कसैको एक रुपैयाँ पनि खाँदैनौँ भन्ने सन्देश कांग्रेसले व्यवहारमा उतार्न सके कांग्रेसले कसैसँग गठबन्धन नगरी एक्लै चुनाव लड्न सक्ने हिम्मत राख्ने बताए ।
कार्यक्रममा महेश आचार्य केन्द्रीय सदस्यहरु डा. डिला संग्रौला, अमृत अर्याल, भीम पराजुलीलगायतले शुभकामना मन्तव्य राखेका थिए ।
Facebook Comment
Banner
जेलेन्स्कीको हत्या गर्ने योजना बनाएको आरोपमा दुई सुरक्षा अधिकारी पक्राउ
युक्रेनी राष्ट्रपति भोलोडिमिर जेलेन्स्कीको हत्या गर्ने योजना बनाएको आरोपमा दुई युक्रेनी सुरक्षा अधिकारीलाई पक्राउ गरिएको छ ।
युक्रेनको राज्य सुरक्षा सेवा (एसबीयू) ले सुरक्षा इकाईका दुई कर्णेललाई हिरासतमा लिइएको छ र रुसलाई गोप्य जानकारी चुहाएको आरोप लगाइएको जनाएको छ ।
एसबीयूले रूसको राज्य सुरक्षा सेवा सँग सम्बन्धित एजेन्टहरूको नेटवर्कको पर्दाफास भएको बताउँदै उनीहरूले जेलेन्स्कीको हत्या गर्ने योजना बनाएको र ति योजना असफल बनाएको बताएको छ ।
एसबीयूले उनीहरुले एसबियुका प्रमुख र युक्रेनको रक्षा गुप्तचर प्रमुखसहित अन्य वरिष्ठ युक्रेनी अधिकारीहरूलाई पनि निशाना बनाएको बताएको छ ।
Banner
च्याम्पियन्स लिग : पीएसजीलाई हराउँदै डर्टमन्ड फाइनलमा
यूईएफए च्याम्पियन्स लिग फुटबलमा फ्रान्सेली क्लब पेरिस सेन्ट जर्मेइन (पीएसजी) लाई हराउदै जर्मन क्लब बोरुसिया डर्टमन्ड फाइनलमा पुगेको छ । पीएसजीको घरेलु मैदान पार्क डेस प्रिन्सेसमा गएराति भएको सेमिफाइनलको दोस्रो लेगको खेलमा डर्टमन्डले पीएसजीलाई १–० ले हराएको हो । उसका म्याट्स हुमेल्सले खेलको ५० औँ मिनेटमा गोल गरे ।
यसअघि भएको पहिलो लेगमा घरेलु टोली डर्टमन्डले १–० को अग्रता लिएको थियो । समग्रमा २–० को जितसहित डर्टमण्ड च्याम्पियन्स लिगको फाइनलमा पुगेको हो । अर्काे सेमिफाइनलको दोस्रो लेगमा रियल मड्रिड र बार्यन म्युनिख खेल्दैछन् । च्याम्पियन्स लिगको फाइनल खेल आउँदो जुन २ तारिखमा हुनेछ ।
Banner
आज – २५ बैशाख २०८१ मंगलवार को राशिफल
मेष
मेष (चु, चे, चो, ला, लि, लु, ले, लो, अ) राजनैतिक कार्यमा सफलता मिल्नेछ । विपरीत वर्ग प्रति आकर्षण बढ्नेछ । घरमा अतिथिको आगमन हुनेछ, तर स्वास्थ्यको ख्याल गर्नु पर्नेछ ।
मिथुन
मिथुन (का, कि, कु, घ, ङ, छ, के, को, हा) आज शुभ कार्यमा सरिक भइनेछ । चिताएको कामले तीव्रता लिनेछ । कलासाहित्यमा रुचि बढ्नेछ । वैदेशिक कार्य पनि अघि बढ्नेछ ।
सिंह
सिंह (मा, मि, मु, मे, मो, टा, टि, टु, टे) समाजसेवामा मन लाग्नेछ । ठीक समयमा सही निर्णय लिन सकिनेछ । महत्वपूर्ण कामको थालनी हुनेछ । कुनै कुराले मनमा शान्ति छाउनेछ ।
तुला
तुला (रा, रि, रु, रे, रो, ता, ति, तु, ते) आज रमाइलो यात्राको सम्भावना छ । रोकिएको धन हात पर्ला । नयाँ ज्ञान सिक्ने मौका मिल्नेछ । स्वादिष्ट भोजनको आनन्द समेत पाइएला ।
धनु
धनु (ये, यो, भा, भि, भु, धा, फा, ढा, भे) आज महिला वर्गबाट विशेष साथ र सहयोग मिल्नेछ । अरुलाई प्रभावित पारेर काम बन्नेछ । सामाजिक क्षेत्रबाट पनि राम्रो सहयोग पाइनेछ ।
कुम्भ
कुम्भ (गु, गे, गो, सा, सि, सु, से, सो, दा) आज छोटो दुरीको लाभदायक यात्रा रहला । एकपछि अर्को अवसर आउनाले मन प्रसन्न रहनेछ । मनोरञ्जनको क्षेत्रमा सफलता मिल्नेछ ।
बृष
वृष (इ, उ, ए, ओ, वा, वि, वु, वे, वो) आज आफूलाई कमजोर भएको अनुभूति हुनेछ । मन खिन्न हुने स्थिति आउनेछ । शरीर भारी र मन अस्थिर रहने संकेत पनि देखिन्छ ।
कर्कट
कर्कट (हि, हु, हे, हो, डा, डि, डु, डे, डो) चलाखीपूर्ण बोलीले सिद्ध हुनेछ । साथीभाइसँग समय बित्नेछ । व्यवसायको सन्दर्भमा आदर्श व्यक्तित्व सँगको सहकार्यले नयाँ अनुभव मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज स्वास्थ्यमा समस्या आउनसक्छ । सहकर्मीबाट विरोध आउला । गरेका काममा ढिलासुस्ती हुनेछ । महत्वपूर्ण कार्यमा व्यवधान आइपर्ला ।
बृश्चिक
वृश्चिक (तो, ना, नि, नु, ने, नो, या, यि, यु) आज पारिवारिक जमघटमा मन रमाउनेछ । मन पर्ने वस्त्र, अलंकार आदि उपहार पाइने योग छ । धर्मकर्म तथा समाजसेवामा मन लाग्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) अधिकार प्राप्तिका लागि संघर्ष गर्नु पर्ला । दुष्ट व्यक्तिको सङ्गतिले आत्मघाती काम गर्न पुगिएला सचेत रहनुहोला । अल्छीपना पनि बढ्नेछ ।
मीन
मीन (दि, दु, थ, झ, ञ, दे, दो, चा, चि) श्रमको उचित मूल्याङ्कन हुनेछ । बिनाप्रतिस्पर्धा फाइदा हुने योग छ । जोशजाँगर र उमंग बढ्ला । आर्थिक कारोबारमा सफलता पाइएला । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login