Connect with us
Advertisement

लुमन्तीको सहयोगमा बनेका आवास हस्तान्तरण

Published

on

विराटचोकः विपन्न वर्गको आवास तथा बस्ती व्यवस्थापनमा काम गर्दै आएको आवासका लागि सहयोग समूह (लुमन्ती) ले सुन्दरहरैंचामा गत आर्थिक वर्षमा सम्झौता भई निर्माण सम्पन्न भएका ५० वटा घर लाभग्राही परिवारलाई हस्तान्तरण गरेको छ ।

हिजो जिल्ला समन्वय समिति मोरङका संयोजक अजम्बर राई र सुन्दरहरैंचा नगरपालिकाका प्रमुख केदारप्रसाद गुरागाईँले संयुक्त रुपमा ती आवास हस्तान्तरण गरेका हुन् । कार्यक्रममा जनप्रतिनिधि, सञ्चारकर्मी, स्थानीयवासी तथा लुमन्तीद्वारा प्रवर्द्धित सहकारी र युवा समूह, टोल विकास संस्थाका पदाधिकारीलगायत उपस्थित थिए ।

वडा नम्बर १२ स्थित युनिक टोलमा निर्माण भएको ४९ औँ नम्बरको घर लाभग्राही परिवारलाई हस्तान्तरण गरिएको थियो । लुमन्तीले सो टोलमा १६ वटा घर निर्माण गरेको छ । लुमन्तीले प्रति परिवार दिएको अनुदान १ लाख ४० हजार र सुन्दरहरैंचा नगरपालिकाले प्रदान गरेको ५० हजार रुपैयाँ गरी लाभग्राहीले पाएको १ लाख ९० हजार रुपैयाँमा बाँकी रकम थपेर आवास निर्माण भएका थिए ।

लुमन्तीले सुन्दरहरैंचामा चालु आर्थिक वर्षमा ५० वटा र आगामी आर्थिक वर्षमा थप ५० वटा घर निर्माण गर्ने जनाएको छ ।

 

Continue Reading

Facebook Comment

1 Comment

Banner

कार्यालय समयमै महानगर पुगे प्रशासकीय अधिकृत, कर्मचारीको तलब निकासा प्रक्रिया सुरू

Published

on

काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईँ आज सहजरुपमा कार्यालय पुगेका छन् । उनलाई नगर प्रहरीले रोक्ने प्रयास गरेनन् ।

हिजो प्रशासकीय अधिकृत गुरागाईँ कार्यालय प्रवेश गर्ने क्रममा महानगरभित्र बबण्डर उत्पन्न भएको थियो । मेयर बालेन्द्र साहले उनलाई रोक्न नगरप्रहरी उतारेका थिए । तर, महानगरका कर्मचारी र अन्य जनप्रतिनिधिले उनलाई कार्यकक्षमा पुर्‍याएर हाजिर गराइ छाडे । यसमा महानगरकी उपमेयर सुनिता डंगोलले समन्वयकारी भूमिका निर्वाह गरेकी थिइन् ।

आज कार्यालय पुगेलगत्तै प्रशासकीय अधिकृत गुरागाईँले लामो समयदेखि रोकिएको शिक्षक-कर्मचारीको तलब निकासाका लागि तोक लगाइदिएका छन् । प्रशासकीय अधिकृतको अभावमा महानगरका शिक्षक-कर्मचारीले ३ देखि पाँच महिनासम्मको तलब पाएका थिएनन् ।

Continue Reading

Banner

बिम्स्टेक शिखर सम्मेलन सुरु

Published

on

२२ चैत, बैङकक । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को छैटौं शिखर सम्मेलन सुरु भएको छ ।

बैङ्ककस्थित होटल साङ्ग्रिला सदस्य मुलुकका सरकार प्रमुखहरुको सामूहिक फोटोसेसन र कार्यसूची टेबल गरिएसँगै बिम्स्टेक सम्मेलन सुरु भएको हो ।

सदस्य मुलुकका प्रतिनिधिमण्डलका नेताहरुलाई आयोजक राष्ट्र थाइल्याण्डका प्रधानमन्त्री पे थोङ् थान् शिनावातले स्वागत गरेकी थिइन् ।

सम्मेलनमा आज प्रधानमन्त्री केपी शर्मा ओलीसहित सदस्य मुलुकका सरकार प्रमुखहरुले सम्बोधन गर्ने कार्यक्रम रहेको छ ।

शिखर सम्मेलनमा ‘बिम्स्टेक म्यारिटाइम ट्रान्सपोर्ट कोअपरेसन’मा हस्ताक्षरपछि सदस्य मुलुकहरु थाइल्याण्ड, बङ्गलादेश, भूटान, भारत, म्यान्मार, नेपाल र श्रीलङ्काका प्रधानमन्त्री (प्रतिनिधिमण्डलका नेता)हरुले सम्बोधन गर्नुहुनेछ ।

 

Continue Reading

Banner

गाजाको विद्यालयमा इजरायलको हवाई आक्रमण, महिला र बालबालिकासमेत ३३ जनाको मृत्यु

Published

on

इजरायली लडाकु जेटले बिहीबार गाजापट्टीमा आक्रमण गरेको छ । उक्त इजरायली आक्रमणमा परी ठूलो संख्यामा मानिसहरू मारिएका अन्तर्राष्ट्रिय सञ्चारमाध्यमले उल्लेख गरेका छन् ।

गाजापट्टीको एक विद्यालयमा भएको हवाई आक्रमणमा परी उक्त विद्यालयमा शरण लिइरहेका ३३ जना मारिएका छन् । त्यसमध्ये धेरै महिला तथा बालबालिका भएको बताइएको छ । उक्त बमबारीमा ७० जना घाइते भएका छन् । हालैका दिनहरूमा इजरायलले गाजामा आक्रमण बढाएको छ ।

प्यालिस्टिनी स्वास्थ्य मन्त्रालयका प्रवक्ता जहेर अल वाहिदीले गाजाकव तुफ्फाहमा रहेको एक विद्यालयमा १४ जना बालबालिका तथा पाँच महिलाको शव भेटिएको बताए । उनले मृतकहरूको संख्या बढ्न सक्ने बताएका छन् ।

Continue Reading
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

nispakshyakhabar@gmail.com
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक