कला / साहित्य
क्वालिटी इन्टरटेनमेन्ट अवार्डको मलेसिया संस्करण सम्पन्न
क्वालालम्पुर, मलेसियाः क्वालिटी इन्टरटेनमेन्ट अवार्ड २०२३, को मलेसिया संस्करण सम्पन्न भएको छ । मलेसियाका लागि नेपाली राजदूत डिल्लीराज पौडलको प्रमुख आतिथ्यतामा सो अवार्ड समारोहमा सम्पन्न भएको हो । सो अवार्डको ग्रान्ड फिनाले नेपाल संस्करण भने यसै महिनाको अन्तिममा नेपालमा आयोजना गरिने भएको छ ।
क्वालिटी फिल्मस्द्वारा आयोजित सो समारोहमा विभिन्न १० विधामा अवार्ड प्रदान गरिएको थियो । समारोहमा राष्ट्रिय भावको सर्वोत्कृष्ट गीतकारको अवार्ड ‘देशलाई माया गर…’ बाट पुरुषोत्तम बस्नेतले, लोकगीत गीतकारको जुरी अवार्ड ‘जिस्केर मस्केर…’ गीतबाट डब्बु क्षत्रीले, लोक तथा दोहोरी गीत सर्वोत्कृष्ट गीतकारको अवार्ड अनाथ गीतबाट सागर रेग्मीले जिते ।
सोही समारोहमा उत्कृष्ट पप गीत गायिकाको अवार्ड सम्झनाको मफलरबाट गायिका नितु पुनले, सर्वोत्कृष्ट भेगविशेष गीत गायकको अवार्ड ओई सालीबाट सानु पुलामी मगर (चीन बहादुर) ले, सर्वोत्कृष्ट लोक गीत एरेन्जरको अवार्ड पत्ताको के जोराबाट डोलराज बाह्राघरेले, सर्वोत्कृष्ट लोक दोहोरी म्युजिक भिडियो निर्देशकको अवार्ड हाई सन्चो गीतको भिडियोबाट एकेन्द्र सारा शँकरले, लोक तथा लोक दोहोरी गीत म्युजिक भिडियो निर्देशकको जुरी अवार्ड माईतीको झलिकोबाट नरेन्द्र पुनले, उत्कृष्ट फोटोग्राफर तथा फोटो पत्रकारको अवार्ड ब्युटी न्युज नेपालका फोटो पत्रकार बद्री थापाले हासिल गरे ।
कार्यक्रमका निर्णायकमध्ये दुई जना निर्णायक गायक नवीनकुमार पौडेल र गीतकार शिव पौडेललाई प्रमाणपत्र प्रदान गरिएको थियो । निर्णायक पौडेलले समारोहमा आफ्ना गीत प्रस्तुत गरेका थिए ।
सोही समारोहमा लायन सुनकुमारी श्रेष्ठलाई समाजसेवी सम्मान, गीतकार÷गायक÷ कलाकार तथा चलचित्र निर्माता नवराजजँग थापालाई बरिष्ट कलाकार सम्मान, समाजसेवी रामबहादुर सारा शँकरलाई सामाजिक अभियन्ता सम्मान, व्यवसायी दोरनकुमार गौचनलाई युवा व्यवसायी सम्मान, महिला व्यवसायी दीक्षा तुलाचन गौचनलाई महिला व्यवसायी सम्मान प्रदान गरियो ।
मलेसियामा रहेर नेपालीहरुलाई विभिन्न सहयोग गर्दै आएका व्यक्तिहरु पनि कार्यक्रममा सम्मानित भए । यसरी सम्मानित हुनेहरुमा सामाजिक अभियन्ता तथा असल छिमेकी सेवा समाजका अध्यक्ष पूर्ण सुब्बा योङहाङलाई अन्तराष्ट्रिय व्यवसायी तथा समाजसेवी सम्मान, गोर्खा रेष्टुरेन्ट रावाङका अध्यक्ष एवम् व्यवसायी दुर्गाबहादुर गुरुङ (राज)लाई अन्तराष्ट्रिय व्यवसायी तथा समाजसेवी सम्मान, पत्रकार ईश्वर राईलाई पत्रकारिता तथा सामाजिक अभियन्ता सम्मान, डी काष्ठमाण्डप क्याफे बुकित विन्ताङलाई मौलिक नेपाली खाना सेवा सम्मानबाट सम्मानित गरियो ।
कार्यक्रममा प्रमुख अतिथि तथा मलेसियाका लागि नेपाली राजदूत डिल्लीराज पौडेल र क्वालिटी फिल्मस्का अध्यक्ष उमेश गुरुङले सबैलाई अवार्ड तथा सम्मान प्रदान गरे ।
कार्यक्रमलाई सम्बोधन गर्दै राजदूत पौडेलले नेपाली गीत संगीत तथा कलाकारलाई अन्तराष्ट्रिय क्षेत्रमा प्रोत्साहन गर्ने बताए । आगामी दिनमा मलेसियामा यस्तो कार्यक्रम आयोजना गर्न दूतावासका तर्फबाट आफूहरुले पनि सहयोग गर्ने प्रतिबद्धता उनले जनाए ।
अवार्ड आयोजक तथा क्वालिटी फिल्मस् प्रा.लि.का अध्यक्ष उमेश गुरुङले नेपाली गीत संगीत तथा चलचित्रलाई अन्तराष्ट्रिय बजारमा प्रोत्साहन गर्न तेस्रो संस्करणको यो अवार्ड मलेसियामा आयोजना गरिएको जनाए ।
कार्यक्रमकी नेपाल संयोजक सरिता भारतीको व्यवस्थापनमा भएको सो कार्यक्रमलाई विलक्षण क्रियसनले व्यवस्थापन गरेको थियो । कार्यक्रममा हिमालयन बैंक मलेसियाका ब्रान्च म्यानेजर प्रदीप आचार्यलगायतले नेपाली गीत संगीतको प्रवर्धनमा यस्ता कार्यक्रम निकै उपयुक्त हुने बताए ।
सो समारोहलाई एनआरनए मलेशिया, गोर्खा समाज मलेशिया, तमु समाज मलेशिया, असल छिमेकी सेवा समाज मलेशिया, टप गन सेक्युरिटीलगायत विभिन्न संघ संस्थाले सहयोग गरेका थिए ।
Facebook Comment
नेपाल प्रीमियर लिग (एनपीएल) क्रिकेटमा आज दुईवटा खेल हुदैछन् । त्रिवि क्रिकेट रंगशालामा आज हुने पहिलो खेलमा बिहान सवा ११ बजे सुदूरपश्चिम रोयल्स र विराटनगर किंग्सले खेल्दैछन् । यी दुवै टोली प्लेअफमा पुगिसकेका छन् ।
लगातार ६ खेल जितेको सुदूरपश्चिम १२ अंकसहित तालिकाको शिर्ष स्थानमा छ । सुदूरपश्चिम एनपीएल क्रिकेटको दोस्रो संस्करणमा एक मात्र अपराजित टोली हो । यस्तै ६ खेलमा विराटनगरको ४ मा जित र २ खेलमा हार रहेको छ । विराटनगर ८ अंकसहित तालिकाको तेस्रो स्थानमा छ । तालिकाको दोस्रो स्थानमा १० अंकसहित काठमान्डु गोर्खाज रहेको छ ।
त्यस्तै आजको दोस्रो खेल दिउँसो साढे ३ बजे चितवन राईनोज र पोखरा एभेन्जर्सबीच हुनेछ । यी दुवै टोली प्लेअफ पुग्नबाट बाहिरिसकेका छन् । ६ खेलमा २ मा जीत र ४ मा हारसहित चितवन तालिकाको छैठौँ र ६ खेलमा ४ खेल हारेको पोखरा २ अंकसहित तालिकाको पाँचौ स्थानमा छ । पोखरा र चितवनसहित कर्णाली र जनकपुर प्लेअफ समिकरणबाट बाहिरिएका टोली हुन्
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login