शेयर
आज जम्मा ९ मिनेट मात्रै शेयर कारोबार, तीन सर्किट लागेपछि १२ बजे नै कारोबार बन्द
विराटचोकः नेपालको शेयर बजारमा नियमित समयमा आज जम्मा ९ मिनेटमात्रै शेयर कारोबार भएको छ । प्रि ओपन सेसनमा बजार हेर्न नपाइने हुनाले सो समय जोडिएको छैन ।
बिहान ११ बजे खुलेको बजार पाँचाँै मिनेटमा ४ प्रतिशत बढेपछि पहिलो सर्किट ब्रेक लागेर २० मिनेटका लागि बन्द भएको थियो । ११ बजेर २५ मिनेटमा खुलेको बजार २ मिनेटमै थप १ प्रतिशत बढेपछि ४० मिनेटका लागि कारोबार बन्द भएको थियो । त्यसपछि १२ बजेर ७ मिनेट जाँदा खुलेको बजार २ मिनेटमा नै थप १ प्रतिशत गरी जम्मा ६ प्रतिशत बढेपछि आजका लागि कारोबार बन्द भएको थियो । यसरी जम्मा ९ मिनेटमात्रै आज कारोबार भएको थियो ।
आजको बजारलाई गत शुक्रबार सार्वजनिक भएको मौद्रिक नीतिको पहिलो त्रैमासिक समीक्षाले प्रभाव पारेको हो । शुक्रबार राष्ट्र बैंकले ब्याजदर घटाउने र कर्जा लगानी बढाउने नीति सार्वजनिक गरेको थियो ।
आज नेप्से परिसूचक १११.२० अंक बढेर १९६३.९८ विन्दुमा पुगेको छ । त्यसैगरी, यस दिन सेन्सेटिभ इण्डेक्स २१.४६ अंक बढेको छ भने फ्लोट इण्डेक्स ७.८६ अंक र सेन्सेटिभ फ्लोट इण्डेक्स ७.४६ अंक बढेको छ ।
जम्मा २४४ स्टकको ७ हजार १४ पटकको कारोबारमा १३ लाख ६७ हजार ६ सय १५ कित्ता शेयर किनबेच हुँदा ४८ करोड २४ लाख ८२ हजार २ सय ३९ रुपैयाँको शेयर किनबेच भएको छ ।
१ दर्जन कम्पनीको शेयरको मूल्य १० प्रतिशत र २ दर्जन कम्पनीको शेयरमूल्य ९ प्रतिशतभन्दा बढी बढेको ५ वटा कम्पनीको मात्रै शेयर मूल्य घटेको छ । दुई वटाको शेयरमूल्य भने स्थिर रहेको छ ।
कारोबार रकमका आधारमा आज माउन्टेन इनर्जीको सबैभन्दा धेरै ३ करोड ५८ लाख २५ हजार ८ सय ३३ रुपैयाँको शेयर किनबेच भएको छ । १३ वटै उपसमूहको परिसूचक बढेको बजारमा जलविद्युत उपसमूहको परिसूचक सर्वाधिक ८ दशमलव ६३ प्रतिशत बढेको छ । यस दिन विकास बैंक, वित्त, होटल तथा पर्यटन र लगानी उपसमूहको परिसूचक ६ प्रतिशतभन्दा बढी बढेको छ भने बैंकिङ्ग, जीवन बीमा, लघुवित्त, निर्जीवन बीमा र व्यापार उपसमूहको परिसूचक ५ प्रतिशतभन्दा बढी बढेको छ ।
बजार बढेसँगै समग्र बजार पूँजीकरण ३० खर्ब २८ अर्ब २६ करोड ५५ लाख १३ हजार ७६ रुपैयाँ कायम भएको छ ।
आज उपकार लघुवित्त वित्तको ०।४२ प्रतिशतले र कालिका लघुवित्तको ०।०५ प्रतिशतले शेयर मूल्य घटेको छ ।
Facebook Comment
नेपाल ‘ए’ टोलीले दोस्रो अभ्यास खेलमा ओमानलाई ११५ रनको फराकिलो जित हात पारेको छ ।
ब्याटिङ र बलिङ दुवै क्षेत्रमा उत्कृष्ट प्रदर्शन गरेको नेपालले शुक्रबार मूलपानीस्थित माथिल्लो क्रिकेट मैदानमा भएको खेलमा जित निकाल्दै दुई खेलको शृङ्खला १0१ को बराबरीमा गरेको हो ।
यसअघि बिहीबार भएको पहिलो खेलमा ओमानले नेपाल ‘ए’ लाई ७० रनले पराजित गरेको थियो । विश्वकप लिग–२ को तयारीमा रहेको ओमानले नेपाल ‘ए’ सँग अभ्यास खेल खेलेको हो ।
टस हारेर पहिले ब्याटिङको निम्तो पाएको नेपाल ‘ए’ ले निर्धारित ५० ओभरमा ७ विकेट गुमाउँदै २८४ रनको बलियो योगफल तयार पारेको थियो । नेपालका लागि ‘प्लेयर अफ द म्याच’ इशान पाण्डेले ७८ बलमा ६ चौकाको मद्दतले सर्वाधिक ६९ रनको योगदान दिए । यस्तै, देव खनालले ९५ बलमा ६४ रन र कुशल मल्लले ३२ बलमा ५७ रनको आक्रामक पारी खेल्नुभयो । ओमानका जितेनकुमार रमानन्दीले २ विकेट लिए ।
२८५ रनको लक्ष्य पछ्याएको ओमान ३६.३ ओभरमा १६९ रनमै अलआउट भयो । ओमानका लागि मुजिबुर अलीले सर्वाधिक ४३ रन जोड्नुभयो भने रमानन्दीले २४ र विनायक शुक्लले २१ रन बनाए । ओमानलाई सस्तैमा समेट्न नेपालका युवराज खत्रीले घातक बलिङ गर्दै ३ विकेट लिनुभयो । उहाँले ६ ओभरमा १ मेडन राख्दै २४ रन खर्चिए।
त्यस्तै, हेमन्त धामी, आकाश चन्द र शेर मल्लले समान २-२ विकेट लिए भने सन्तोष यादवले १ विकेट लिए । ओमानले लिग-२ अन्तर्गत सोमबार युएई र बुधबार नेपालको राष्ट्रिय टोलीसँग प्रतिस्पर्धा गर्नेछ ।
सुनचाँदीको भाउ लगातार तेस्रो दिन आज पनि घटेको छ । बुधबारदेखि सुन चाँदीको भाउ लगातार घट्दै आएको हो ।
सुनको भाउ आज तोलामा २ हजार २०० रुपैयाँ घटेर २ लाख ९६ हजार ५०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदीको भाउ ७५ रुपैयाँले घटेर तोलाको चार हजार ९४५ रुपैयाँमा कारोबार भइरहेको छ ।
नेपाली कांग्रेसले संसदीय दलको नेता चयनका लागि शुक्रबार निर्वाचन प्रक्रिया अघि बढाउँदै छ। पार्टीले सार्वजनिक गरेको निर्वाचन कार्यतालिका अनुसार उम्मेदवारी दर्ता बिहान ११ देखि १२ बजेसम्म हुनेछ भने मतदान साँझ ५ बजेसम्म सम्पन्न गरिने छ ।
दलको नेतृत्वका लागि अर्जुननरसिंह केसी र भीष्मराज आङ्देम्बे मुख्य प्रतिस्पर्धीका रूपमा देखिएका छन्। यस्तै मोहन आचार्यदेखि निष्कल राईसम्मका नाम पनि सम्भावित उम्मेदवारका रूपमा चर्चामा छन्।
प्रतिनिधि सभामा नेपाली कांग्रेसका ३८ सांसद छन्, जसले दलको नेता चयनका लागि मतदान गर्नेछन्।
पार्टीभित्रको आन्तरिक मतभेदका कारण ढिलाइ हुँदै आएको नेतृत्व चयन प्रक्रिया हाल औपचारिक रूपमा अघि बढाइएको हो। सर्वोच्च अदालतले सभापति गगन थापा नेतृत्वको कार्यसमितिलाई मान्यता दिएपछि संसदीय दलको निर्वाचन प्रक्रिया अघि बढेको हो।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login