शिक्षा / स्वास्थ्य
बेलबारीबाट रातारात प्रदेश प्रहरी अस्पताल सारिएकोमा आपत्ति
बेलबारीः बेलबारी नगरपालिका र नगरका कुनै पनि संघसंस्थासँग समन्वय नै नगरी प्रदेश प्रहरी अस्पताल रातारात इनरुवा सारिएको भन्दै बेलवारीका जनप्रतिनिधि तथा दलहरूले विरोध गरेका छन् ।
२०७९ फागुन १० गते उद्घाटन भएको सो अस्पताल २०८० मंसिर २५ गते राति इनरुवा सारिएको बेलबारी नगरपालिकाकी उपप्रमुख नितु थापा कोइरालाले बताइन् । बुधबार सो अस्पतालको गेटअगाडि बेलबारी नगरपालिकाको आयोजनामा भएको पत्रकार सम्मेलनमा बोल्दै उपप्रमुख कोइरालाले प्रदेश अस्पताल सार्ने विषयमा कुनै पनि जानकारी नआएको बताइन् ।
प्रदेश सभा सदस्य तथा बेलबारी नगरपालिकाका निवर्तमान मेयर ज्ञानेन्द्र सुवेदीले प्रदेश प्रहरी कार्यालयका प्रमुखको स्वार्थमा अस्पताल सारिएको आरोप लगाए । मध्यरातमा अस्पताल सारिनु भनेको प्रहरीले होइन, चोर डाकाले गर्ने काम भएको उनको भनाइ थियो ।
नगर अस्पतालका लागि निर्माणाधीन भवन प्रादेशिक प्रहरी अस्पताललाई दिइने भनेर जानकारी दिँदादिँदै बेलबारीवासीलाई सोध्दै नसोधी अस्पताल सारिनु दुःखद भएको सुवेदीले बताए ।
कोशी प्रदेश प्रहरी अस्पताललाई व्यवस्थित गर्नका लागि चिकित्सकको आवास व्यवस्थापन, रङ रोगन, इन्धन नगरपालिकाले उपलब्ध गराइरहेको र अस्पतालको लागि उपयुक्त भवन उपलब्ध गराउने भन्दाभन्दै अस्पताल सारिएको उपप्रमुख कोइरालाले बताइन् ।
बेलबारी – ४ बुधबारेमा मा १० करोड ५९ लाखको लागतमा निर्माणाधीन अस्पताल भवन प्रहरी अस्पताललाई हस्तान्तरण गर्ने नगरपालिकाले योजना बनाएको बताइएको छ ।
पत्रकार सम्मेलनमा प्रदेश सांसदहरु ज्ञानेन्द्र सुवेदी, मानबहादुर लिम्बू, गीता तिम्सिनाका साथै बेलबारीमा क्रियाशील राजनीतिक दलका प्रतिनिधि उपस्थित थिए । बेलबारी नगरपालिकामा क्रियाशील राजनीतिक दलहरूले संयुक्त विज्ञप्ति जारी गर्दै प्रदेश प्रहरी अस्पताल अपहरणको शैलीमा सारिएको भन्दै सो अस्पताल बेलबारीमा नै फिर्ता ल्याउन माग गरेका छन् ।
दलहरुद्वारा जारी विज्ञप्तिमा नेपाली कांग्रेसका सभापति छत्र लिम्बू, नेकपा एमालेका अध्यक्ष अशोक गुरुङ, नेकपा माओवादी केन्द्रका अध्यक्ष परशुराम सुवेदी, राष्ट्रिय स्वतन्त्र पार्टीका अध्यक्ष कुमार खुलाल, जनता समाजवादी पार्टीका अध्यक्ष तिलक साम्पाङ राई र नेकपा एकीकृत समाजवादीको अध्यक्ष भुपाल बस्नेतले हस्ताक्षर गरेका छन् ।
बेलबारीबाट सारिएको प्रदेश प्रहरी अस्पताल अहिले इनरुवामा रहेको जिल्ला समन्वय समितिको एउटा घरमा लगेर राखिएको बताइएको छ ।
कोशी प्रदेश प्रहरी कार्यालयका प्रमुख राजेशनाथ बास्तोला र जिल्ला समन्वय समिति सुनसरीका अध्यक्ष राजन मेहताको दबाबमा अस्पताल इनरुवामा सारिएको बताइएको छ ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login