Banner
नगद ५० हजार सहित श्रेष्ठलाई जन्मोत्सव सम्मान !

विराटचाेक : नझरेका फूलहरूकाे आयाेजनामा वरिष्ठ गायक तथा सङ्गीतकार दीप श्रेष्ठकाे ७३औँ जन्माेत्सवका अवसरमा ‘जन्मोत्सव विषेश पलेँटी साँझ’ कार्यक्रम सम्पन्न भएको छ । मङ्गलवार माेरङकाे सुन्दरहरैँचा १० मा रहेकाे प्लानेट लाउञ्जमा प्रस्तोता केपी घिमिरेद्वारा सञ्चालित पलेँटी साँझकाे ४० औं शृङ्खला भव्यताका साथ सम्पन्न भएको हाे। नझरेका फूलहरूकाे आयाेजनामा भएको कार्यक्रममा सङ्गीत प्रेमी दर्शकको भव्य उपस्थिति रहेकाे थियाे ।
६ दशक लामो साङ्गीतिक यात्रामा आज पनि उत्तिकै दर्शक र स्राेताकाे राेजाईमा पर्ने गायक श्रेष्ठकाे गायनमा दर्शक स्राेताले साथ दिएका थिए । उक्त दिनका लागि कार्यक्रमको संयाेजकका भूमिकामा रहेका सुन्दरहरैँचा ९ का वडा अध्यक्ष प्रकाश श्रेष्ठले यस ठाउँमा राष्ट्रिय क्षेत्रका ख्यातिप्राप्त दिग्गज कलाकारलाई ल्याएर सम्मान गर्नुले समग्र नगरकै गरिमा बढाएको बताए । उनलेे देश-विदेशसम्म कलाकारले सुन्दरहरैँचा, विराटचाेक र नझरेका फूलहरूलाई सधैं सम्झन लायक कार्यक्रम गर्दै आएकाे भन्दै साे कार्यक्रमका प्रस्ताेता केपी घिमिरेलाई यस कार्यमा लागिरहन आग्रह समेत गरेका थिए । यस्तै स्थानीय सर्जक तथा कलाकारलाई समेत याे कार्यक्रमले प्रेरणा मिल्ने बताए । यसैगरी साे कार्यक्रममा गीतकार शिवशंकर थापालाई समेत सम्मान गरिएको थियाे।गीतकार थापाको योगदानको कदर स्वरुप नझरेका फूलहरूले नगद,दोसल्ला र सम्मानपत्रसहित सम्मान गरिएको बताइएको छ। प्रस्ताेता केपी घिमिरेका अनुसार करिब दुईसय राष्ट्रिय तथा स्थानीय कलाकार, सर्जकलाई नझरेका फूलहरूबाट सम्मान गरिसकिएको बताइएको छ ।
नझरेका फूलहरूकाे मुख्य उदेश्य सङ्गीत, कला साहित्य क्षेत्रमा याेगदान दिने श्रष्टा सर्जकलाई जिवितै सम्मान गर्ने रहेकाे बताए । देशको गरिमा, निधि र पहिचानका रूपमा रहेका कलाकारलाई सधैं सम्मान गर्ने उनले बताए । नझरेका फूलहरूलाई सहयाेग गर्ने सबैप्रति आभार प्रकट गर्दै घिमिरेले आफू कला र सङ्गीतप्रति उच्च सम्मानका साथ आगामि दिनमा पनि निरन्तर कार्यक्रम गर्ने बताए । यस पटक कार्यक्रममा दीप श्रेष्ठले आफ्नो जन्मोत्सवका लागि तयार पारिएको केक काटेर सहभागी सम्पूर्ण दर्शकलाई आफैँले बाँडेरसमेत खुसी साटासाट गरेका थिए।
उपस्थित सम्पूर्ण सहभागीले गायक श्रेष्ठलाई खदा,दोसल्ला, मायाको चिनो प्रदान गरेर हर्षोउल्लासका साथ जन्मोत्सवको खुसी साटासाट गरेका थिए। कार्यक्रममा काठमाडौंबाट वरिष्ठ सङ्गीतकर्मीहरू विक्रम कार्की (रिदम गितार), माणिकमान सिंह (बेस गितार), रुपेश सिंह ( अक्टोप्याड) र राहुल भुजेल (किबोर्ड)सहभागी भएर गायक श्रेष्ठलाई बाद्यवादनमा साथ दिएका थिए। कार्यक्रममा बाद्यवादकलाई समेत सम्मान गरिएको थियो। पलेँटी साँझमा गायक दीप श्रेष्ठलाई गायनमा उनकी छोरी दृष्टि श्रेष्ठ, नाति रोनिश श्रेष्ठ, लोकप्रिय गायक तथा सङ्गीतकार कृष्णभक्त राई,धरानका गायक कृष्णराजा श्रेष्ठ, सुन्दरहरैँचाकी गायिका अनु बुढाथोकी गिरी र डेनिश श्रेष्ठले साथ दिएका थिए। श्री भानुसाझा पुस्तकालयका साहित्यिक सचिव गीताप्रसाद श्रेष्ठले दीप श्रेष्ठका निम्ति जन्मोत्सव विशेष गजल वाचन गरेका थिए। पलेँटी साँझमा निरन्तर सहयोग पुर्याउने विभिन्न सहयोगी दाताहरूको नाम उद्घोषका साथै युवा समाजसेवी उत्सव थापालाई समेत प्रशंसापत्र प्रदान गरिएको थियोे। यस पटक नझरेका फूलहरूले गायक दीप श्रेष्ठलाई नगद ५० हजार सहित कृतज्ञतापत्र प्रदान गरिएको बताइएको छ।
Facebook Comment
Banner
ट्रम्पले नयाँ भन्सार कर घोषणा गरेसँगै सेयर बजारमा ५ वर्षयताकै ठूलो गिरावट

अमेरिकी राष्ट्रपति डोनाल्ड ट्रम्पले नयाँ भन्सार कर घोषणा गरेसँगै विश्वभरका सेयर बजारमा ठूलो गिरावट देखिएको छ। यो सन् २०२० पछि देखिएको सबैभन्दा ठूलो गिरावट हो।
बीबीसीका अनुसार ट्रम्पको नयाँ भन्सार करका कारण वस्तुहरूको मूल्य वृद्धि हुने संकेत देखिएको छ र यसको प्रभाव अमेरिका तथा अन्य देशहरूको आर्थिक वृद्धिमा पर्ने अनुमान गरिएको छ । विशेषगरी, एशिया-प्रशान्त क्षेत्रका सेयर बजारहरूमा लगातार दोस्रो दिन पनि गिरावट आएको छ। अमेरिकी एस एन्ड पी ५०० (बजार सूचकांक) का लागि यो सन् २०२० पछि सबैभन्दा खराब दिन रह्यो।
पाँच वर्ष अगाडि कोभिड-१९ महामारीका कारण विश्व अर्थतन्त्र धराशायी भएको थियो। नाइकी, एप्पल र टार्गेट जस्ता ठूला कम्पनीहरू सबैभन्दा बढी प्रभावित भए, जसका सेयर मूल्यहरू ९ प्रतिशतभन्दा बढीले घटेका छन्। एस एन्ड पी ५०० एक प्रमुख सेयर बजार सूचकांक हो, जसले अमेरिकी स्टक एक्सचेन्जमा सूचीबद्ध ५०० अग्रणी कम्पनीहरूको अवस्थालाई मापन गर्छ।ह्वाइट हाउसमा राष्ट्रपति ट्रम्पले पत्रकारहरूसँग कुरा गर्दै वैश्विक आयातमा १० प्रतिशत भन्सार कर लगाउने योजना रहेको बताएका छन्।उनको दाबी अनुसार यसले अमेरिकी अर्थतन्त्रमा सुधार ल्याउनुका साथै संघीय राजस्व वृद्धि गर्न मद्दत गर्नेछ।
यता, चीन र युरोपियन युनियनले ट्रम्पको भन्सार कर घोषणापछि प्रतिकारात्मक कदम चाल्ने संकेत दिएका छन्।
Banner
कुलमानले भने : लोडसेडिङ अन्त्य चमत्कार होइन, इमान्दार प्रयास

नेपाल विद्युत् प्राधिकरणका कार्यकारी निर्देशकबाट बर्खास्तीमा परेका कुलमान घिसिङले लोडसेडिङ अन्त्य कुनै चमत्कार नभएर इमानदार प्रयास भएको बताएका छन् । बर्खास्तीमा परेपछि पहिलो पटक शुक्रबार पत्रकार सम्मेलन गर्दै घिसिङले यस्तो बताएका हुन् ।
‘वैदेशिक मुद्रामा चाप परेको बेला हामीले विद्युत् निर्यात गरेर अर्थतन्त्रमा योगदान गर्यौं, निरन्तर घाटामा रहेको प्राधिकरण अर्बौं नाफामा छ, हामी प्राधिकरणलाई सशक्त र आत्मनिर्भर बनाउन सफल भयौं, प्राधिकरणले जनताको घरघरमा बिजुली पुर्याउन सक्नु नै मेरो कार्यकालको सफलता हो,’ उनले भने ।
सरकारले कार्यकाल बाँकी छँदै कार्यकारी बर्खास्त गरेपछि घिसिङ सरकारविरुद्ध सर्वोच्च अदालत गएका थिए तर सर्वोच्चले अन्तरिम आदेश नदिएपछि घिसिङले यिनै सेरोफेरोमा रहेर पत्रकार सम्मेलन गरिरहेका छन् ।
Banner
कार्यालय समयमै महानगर पुगे प्रशासकीय अधिकृत, कर्मचारीको तलब निकासा प्रक्रिया सुरू

काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईँ आज सहजरुपमा कार्यालय पुगेका छन् । उनलाई नगर प्रहरीले रोक्ने प्रयास गरेनन् ।
हिजो प्रशासकीय अधिकृत गुरागाईँ कार्यालय प्रवेश गर्ने क्रममा महानगरभित्र बबण्डर उत्पन्न भएको थियो । मेयर बालेन्द्र साहले उनलाई रोक्न नगरप्रहरी उतारेका थिए । तर, महानगरका कर्मचारी र अन्य जनप्रतिनिधिले उनलाई कार्यकक्षमा पुर्याएर हाजिर गराइ छाडे । यसमा महानगरकी उपमेयर सुनिता डंगोलले समन्वयकारी भूमिका निर्वाह गरेकी थिइन् ।
आज कार्यालय पुगेलगत्तै प्रशासकीय अधिकृत गुरागाईँले लामो समयदेखि रोकिएको शिक्षक-कर्मचारीको तलब निकासाका लागि तोक लगाइदिएका छन् । प्रशासकीय अधिकृतको अभावमा महानगरका शिक्षक-कर्मचारीले ३ देखि पाँच महिनासम्मको तलब पाएका थिएनन् ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ5 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login