Banner
अब मेस्सीसँगै स्वारेज, मियामीको अभ्यासमा दुवै खेलाडी सहभागी
लुइस स्वारेजले मेजर लिग सकर क्लब इन्टर मायामीमा अभ्यास सुरु गरेका छन् । उरुग्वेका स्वारेज मायामीले अनुबन्धन गरेको पछिल्लो खेलाडी हुन् ।
मायामीमा आबद्ध भएसँगै स्वारेजले नजिकका साथी तथा बार्सिलोनाका पूर्व टिममेट लियोनल मेस्सीसँग सहकार्य गर्नेछन् । अभ्यासमा मेस्सी पनि सहभागी थिए । स्वारेजले सन् २०२३ को डिसेम्बर अन्तिममा मायामीसँग सम्झौता गरेका हुन् ।
स्वारेजको आगमनसँगै मायामीमा बार्साका पूर्व खेलाडीको जमघट भएको छ । मेस्सी, स्वारेज, सर्जियो बुस्केट र जोडी आल्बाले पाँच वर्षको अन्तरमा सँगै चार पटक ला लिगा उपाधि जितेका थिए ।
स्वारेज ब्राजिलको ग्रामियोबाट मायामी पुगेका हुन् । उनले ग्रामियाका लागि सबै प्रतिस्पर्धामा गरी २६ गोल र १७ असिस्ट गरेका थिए । पछिल्लो दुई वर्षमा क्लबलाई दुई उपाधि दिलाउन उनले महत्त्वपूर्ण भूमिका खेले । मेस्सी र स्वारेज बार्साको चर्चित स्ट्राइकिङ ट्रियोको सदस्य थिए । एक समय बार्साको अग्रपंक्तिमा मेस्सी, स्वारेज र नेइमार थिए । यी तीनको प्रदर्शनको मद्दतमा बार्साले सन् २०१४–२०१५ को सिजनमा युरोपियन फुटबलमा दबाब बनाएको थियो । सो बेला बार्साले ला लिगा, कोपा डेल रे र च्याम्पियन्स लिग जितेको थियो ।
मेस्सी आएपछि मायामीले सन् २०२३ मा लिग्स कप उपाधि जितेको थियो । जुन क्लबको इतिहासकै पहिलो उपाधि हो । एमएलएस कपको प्ले अफका लागि भने मायामी छनोट हुन सकेन । मेजर लिग सकरको नयाँ सिजन फेब्रुअरी २१ देखि सुरु हुनेछ । त्यसअघि मायामीले साउदी अरेबियामा प्रि सिजन टुर गर्नेछ । जहाँ मेस्सीले चिर प्रतिद्वन्द्वी क्रिस्टियानो रोनाल्डोको कप्तानीमा रहेको अल नासारसँग मैत्रीपूर्ण खेल खेल्नेछन् ।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login