Banner
कोटमौलाको डाँगीगाउँमा घरपिच्छे सुन्तला पाकेका छन् । एक जनाको बगैँचामा ५ सयदेखि हजार बोटसम्म सुन्तला छन् । सुन्तला किन्न ठूला व्यापारी नआएको र बिक्री नहुँदा चिन्ता बढेको उनीहरुको गुनासो छ ।
बाग्चौर नगरपालिका-९, डाँगीगाउँका ६० वर्षीय भरतनाथ योगीको बगैँचामा पहेँलपुर भएर लटरम्म सुन्तला पाकेका छन् । घर नजिकैको ४५ रोपनी जग्गामा उनको सुन्तला खेती छ । यसवर्ष करिब ९ सय बोटमा सुन्तला पाकेका छन् ।
डाँगीगाउँकै ५५ वर्षीय लोकबहादुर डाँगीको बगैँचामा पनि लटरम्म सुन्तला पाकेका छन् । बगैँचामा ५ सय बढी बोटमा फलेका सुन्तला बिक्री गरेर बार्षिक २० लाख बढी कमाई गर्दै आएका उनले अहिलेसम्म आधा पनि सुन्तला बिक्री गरेका छैनन् । उनी पनि बगैँचाका सबै सुन्तला बिक्री गर्न ठुला व्यापारीको पर्खाइमा छन् ।
योगी र डाँगी उदाहरणका पात्रमात्रै हुन् । तर कोटमौलाको डाँगीगाउँमा घरपिच्छे सुन्तला पाकेका छन् । एक जनाको बगैँचामा ५ सयदेखि हजार बोटसम्म सुन्तला छन् । तर बिक्री हुन सकेको छैन । सुन्तला किन्न ठूला व्यापारी नआएको र बिक्री नहुँदा चिन्ता बढेको उनीहरुको गुनासो छ ।
‘सबैका घरमा सुन्तला पाकेर पहेँलै भएका छन् । अहिलेसम्म फाटफुट मात्रै सुन्तला बिक्री भएको छ,’ योगीले भने, ‘दुई वडाका करिब ५ सय किसान अहिले ठूला व्यापारीको पर्खाइमा छौँ । पहिला आएका व्यापारीसँग भाउमा कुरो मिलेन । त्यसपछि फेरि आएकै छैनन् ।’ आफूहरु सबै सुन्तला एकैपटक खरिद गर्न सक्ने व्यापारीको पर्खाइमा रहेको उनले बताए ।
लटरम्म पाकेको सुन्तला समयमै बिक्री नभएपछि सुन्तला उत्पादक किसान देशका बिभिन्न सहरमा रहेका तथा भारतका लखनउ, बहराईज क्षेत्रका व्यापारीसँग पनि कुराकानी गर्न थालेका छन् । व्यापारी आउँछन् की भनेर किसान यता उता गर्न थालेका छन् ।
गाउँमा सुन्तला खेतीबाट मात्रै किसानले वार्षिक १० करोड देखि १५ करोडसम्म आम्दानी गर्दै आएका छन् । तर यसपालि समयमा सुन्तला बिक्री नहुँदा खेतीमा पर्ने त्रासमा छन् । ‘अहिले जिल्लाका अन्य स्थानबाट व्यापारीले सुन्तला लगिरहेका छन् । त्यहाँका सुन्तला लगभग सकिन थालेका छन् । यतातिर आउने तयारी गरेका छन्,’ गाउँमै धेरै सुन्तला फलाउने योगीले भने, ‘एक दुई जना त आएका छन् । तिनीहरुले मात्र वडाभरि फलेका सुन्तला उठाउन सक्दैनन्, त्यही भएर अन्य व्यापारी कुरेका छौँ ।’
उनका अनुसार गत वर्ष माघको तेस्रो सातासम्म सुन्तला बिक्री भइसकेको थियो। पाकेको सुन्तला समयमै टिपेर बिक्री नगर्दा बोट बिग्रने र आउने वर्षमा फल धेरै नफल्ने डर चिन्ता लाग्न थालेको उनले बताए ।
यहाँ अहिले सुन्तला प्रति किलो ९० देखि १ सय २० रुपैयाँ सम्मले कारोबार भइरहेको छ । गत वर्ष पुषको अन्तिममै सुन्तला बिक्री गरिसकेका अर्का किसान रेसम डाँगीले व्यापारी नआएकाले माघको पहिलो सातासम्म पनि पाकेका सुन्तला टिप्ने सुरसार नगरेको बताए ।
वार्षिक १० लाख बढी कमाई गर्दै आएका उनले पहिला आएका व्यापारी केही ब्यक्तिले बिच्काएका कारण समस्या भएको बताए । ‘दैनिक २०/२५ किलो सुन्तला बिक्री गरिरहेको छु । व्यापारी नआएकाले सबै टिपेको छैन । टिपेर राख्ने ठाँउ छैन कुहिएर जाने डर हुन्छ,’ उनले भने।
वार्षिक १० लाख सुन्तला बिक्री गरेर आम्दानी गर्दै आएका अर्का किसान अंगेस्वर डाँगीले ठुला व्यापारी नआएपनि फाट्टफुट्ट सुन्तला बिक्री गरिरहेको बताए । सुन्तला फलेका ४ सय बोटमध्ये तीन सय बढी बोटमा भने सुन्तला अझै रहेको उनले बताए ।
‘एकै पटक सबै बिक्री गर्नलाई ठुला व्यापारी खोजेको हो। तर यसपालि अझै आएका छैनन्,’ उनले भने, ‘गत बर्ष त समयमै आएका थिए ।’ कृषि ज्ञान केन्द्र सल्यानका सुचना अधिकारी ईस्वरी नारायण घर्तीले व्यापारी आउन ढिलाई गरेकै कारण कोटमौलाका किसानले समयमै सुन्तला बिक्री गर्न नसकेका बताए ।
‘अहिलेसम्म थोरै किसानले मात्र सुन्तला बिक्री गरेका छन्,’ उनले भने, ‘पाकेको सुन्तला बिक्री गर्न किसानले नै ठुला व्यापारीसँग सम्पर्क गरिरहेका छन् ।’ पाकेका सुन्तला टिप्न ढिलाई गर्दा बोट बिग्रने र अर्को वर्ष उत्पादन घट्ने डर हुने उनले बताए । त्यसबारे किसानलाई सल्लाह समेत दिइसकेको उनको भनाइ छ ।
उनका अनुसार जिल्लामा १ हजार ६ सय बढी हेक्टरमा किसानले सुन्तला लगाएको र यसबाट बार्षिक २५ करोडसम्म आम्दानी गर्दै आएका छन् । यसवर्ष ४० प्रतिशत सुन्तला बिक्री भइसकेको उनले बताए ।
(kantipur)
Facebook Comment
अमेरिकी राष्ट्रपति डोनाल्ड ट्रम्पले नयाँ भन्सार कर घोषणा गरेसँगै विश्वभरका सेयर बजारमा ठूलो गिरावट देखिएको छ। यो सन् २०२० पछि देखिएको सबैभन्दा ठूलो गिरावट हो।
बीबीसीका अनुसार ट्रम्पको नयाँ भन्सार करका कारण वस्तुहरूको मूल्य वृद्धि हुने संकेत देखिएको छ र यसको प्रभाव अमेरिका तथा अन्य देशहरूको आर्थिक वृद्धिमा पर्ने अनुमान गरिएको छ । विशेषगरी, एशिया-प्रशान्त क्षेत्रका सेयर बजारहरूमा लगातार दोस्रो दिन पनि गिरावट आएको छ। अमेरिकी एस एन्ड पी ५०० (बजार सूचकांक) का लागि यो सन् २०२० पछि सबैभन्दा खराब दिन रह्यो।
पाँच वर्ष अगाडि कोभिड-१९ महामारीका कारण विश्व अर्थतन्त्र धराशायी भएको थियो। नाइकी, एप्पल र टार्गेट जस्ता ठूला कम्पनीहरू सबैभन्दा बढी प्रभावित भए, जसका सेयर मूल्यहरू ९ प्रतिशतभन्दा बढीले घटेका छन्। एस एन्ड पी ५०० एक प्रमुख सेयर बजार सूचकांक हो, जसले अमेरिकी स्टक एक्सचेन्जमा सूचीबद्ध ५०० अग्रणी कम्पनीहरूको अवस्थालाई मापन गर्छ।ह्वाइट हाउसमा राष्ट्रपति ट्रम्पले पत्रकारहरूसँग कुरा गर्दै वैश्विक आयातमा १० प्रतिशत भन्सार कर लगाउने योजना रहेको बताएका छन्।उनको दाबी अनुसार यसले अमेरिकी अर्थतन्त्रमा सुधार ल्याउनुका साथै संघीय राजस्व वृद्धि गर्न मद्दत गर्नेछ।
यता, चीन र युरोपियन युनियनले ट्रम्पको भन्सार कर घोषणापछि प्रतिकारात्मक कदम चाल्ने संकेत दिएका छन्।
नेपाल विद्युत् प्राधिकरणका कार्यकारी निर्देशकबाट बर्खास्तीमा परेका कुलमान घिसिङले लोडसेडिङ अन्त्य कुनै चमत्कार नभएर इमानदार प्रयास भएको बताएका छन् । बर्खास्तीमा परेपछि पहिलो पटक शुक्रबार पत्रकार सम्मेलन गर्दै घिसिङले यस्तो बताएका हुन् ।
‘वैदेशिक मुद्रामा चाप परेको बेला हामीले विद्युत् निर्यात गरेर अर्थतन्त्रमा योगदान गर्यौं, निरन्तर घाटामा रहेको प्राधिकरण अर्बौं नाफामा छ, हामी प्राधिकरणलाई सशक्त र आत्मनिर्भर बनाउन सफल भयौं, प्राधिकरणले जनताको घरघरमा बिजुली पुर्याउन सक्नु नै मेरो कार्यकालको सफलता हो,’ उनले भने ।
सरकारले कार्यकाल बाँकी छँदै कार्यकारी बर्खास्त गरेपछि घिसिङ सरकारविरुद्ध सर्वोच्च अदालत गएका थिए तर सर्वोच्चले अन्तरिम आदेश नदिएपछि घिसिङले यिनै सेरोफेरोमा रहेर पत्रकार सम्मेलन गरिरहेका छन् ।
काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईँ आज सहजरुपमा कार्यालय पुगेका छन् । उनलाई नगर प्रहरीले रोक्ने प्रयास गरेनन् ।
हिजो प्रशासकीय अधिकृत गुरागाईँ कार्यालय प्रवेश गर्ने क्रममा महानगरभित्र बबण्डर उत्पन्न भएको थियो । मेयर बालेन्द्र साहले उनलाई रोक्न नगरप्रहरी उतारेका थिए । तर, महानगरका कर्मचारी र अन्य जनप्रतिनिधिले उनलाई कार्यकक्षमा पुर्याएर हाजिर गराइ छाडे । यसमा महानगरकी उपमेयर सुनिता डंगोलले समन्वयकारी भूमिका निर्वाह गरेकी थिइन् ।
आज कार्यालय पुगेलगत्तै प्रशासकीय अधिकृत गुरागाईँले लामो समयदेखि रोकिएको शिक्षक-कर्मचारीको तलब निकासाका लागि तोक लगाइदिएका छन् । प्रशासकीय अधिकृतको अभावमा महानगरका शिक्षक-कर्मचारीले ३ देखि पाँच महिनासम्मको तलब पाएका थिएनन् ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login