Banner
नशामा लट्ठ अमेरिकीले परिचारकलाई टोकेपछि हवाईजहाज टोकियो फिर्ता
अमेरिकातर्फ जाँदै गरेको अल निप्पोन एयरवेज (एएनए) को हवाईजहाजका परिचारकलाई नशामा लट्ठ रहेका एक अमेरिकी यात्रुले टोकेपछि सो हवाईजहाज टोकियो नै फर्काइएको जापानी वायुसेवा कम्पनीले बुधवार जनाएको छ।
एएनएका प्रवक्ताले एएफपीलाई बताएअनुसार मादक पदार्थ सेवन (मापसे) गरेका ५५ वर्षीय एक अमेरिकीले चालक दलका सदस्यको पाखुरामा टोकेका थिए।
एएनएका अनुसार उक्त घटनापछि १५९ जना यात्रुसहित अमेरिकातर्फ उडिरहेको हवाईजहाजलाई फर्काएर चालक दलले हानेदा विमानस्थलमा उतारेका थिए।
जापानी प्रसारक टीबीएसका अनुसार ती यात्रुले अनुसन्धानकर्तासँग आफ्नो व्यवहारबारे आफूलाई ‘पटक्कै केही सम्झना नभएको’ बताएका छन्।
यस घटनालाई ‘जोम्बी चलचित्रको शुरुवात’ सँग तुलना गर्दै केही सामाजिक सञ्जाल प्रयोगकर्ताले पोस्ट सार्वजनिक गरेका छन् भने केहीले यस वर्ष अहिलेसम्म भएका जापानी हवाई घटनाबारे दुःख व्यक्त गरेका छन्।
जापानमा दुई साताभन्दा कम समयमा यस्तै खालका ४ अन्य घटना पत्रपत्रिकाको मुख्य समाचारका रुपमा छापिइसकेका छन्।
गत जनवरी २ मा हानेदामा जापान एयरलाइन्सको हवाईजहाज र सामुद्रिक सुरक्षार्थ खटिएको सुरक्षागार्डको सानो हवाईजहाज ठोक्किएर दुर्घटना भएको थियो।
दुर्घटनामा जेएएल एयरबसमा सवार सबै ३७९ जना हवाईजहाजमा आगो लाग्नुअघि नै सकुशल झर्न सफल भएका थिए भने मध्य जापानमा गएको ठूलो भूकम्पपछि राहत वितरणमा सहयोग गरिरहेको सानो हवाईजहाजमा सवार ६ जनामध्ये ५ जनाको मृत्यु भएको थियो।
मंगलवार कोरियन एयरको हवाईजहाजको पखेटा उत्तरी टापु होक्काइदोको विमानस्थलमा गुडिरहेको समयमा क्याथे प्यासिफिकको पार्किङ गरिराखेको हवाईजहाजसँग ठोक्किएको थियो।
कोरियन एयरकाअनुसार बाक्लो हिमपातका कारण ‘थर्ड पार्टी ग्राउन्ड ह्यान्डलर’ चिप्लिएपछि हवाईजहाज दुर्घटना भएको थियो।
गत आइतवार सिकागो विमानस्थलमा डेल्टा एयरलाइन्सको हवाईजहाजसँग एएनएको हवाईजहाज ठक्कर खाँदा पनि यस्तै दुर्घटना भएको जापानी एयरलाइन्सले जनाएको छ।
बोइङ ७३७–८०० हवाईजहाजको ककपिटको झ्यालमा समस्या देखिएपछि एएनएको अर्को हवाईजहाज गत शनिवार नै आकस्मिक अवतरण गर्नुपरेको थियो।
सेन्ट्रल क्विन्सल्याण्ड युनिभर्सिटीका उड्डयन विज्ञ डग ड्रुरीले एएफपीसँग भने, ‘धेरै विमानस्थलले उनीहरुले धान्नसक्ने क्षमताभन्दा ठूला हवाईजहाज ह्यान्डल गरिरहेका छन् त्यसैले ‘विङ स्ट्राइक’ का घटना हुन्छन्।’
उनका अनुसार उचाइमा तापक्रम अत्यधिक हुने भएकाले हवाईजहाजमा ताप सन्तुलन प्रणालीमा खराबी आएका कारण झ्याल फुटेको हुन सक्छ। उड्डयन विज्ञ ड्रुरीले भने, ‘यो असामान्य कुरा होइन र मेरो क्यारियरको दौरान मैले पनि अनुभव गरेको छु।’
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login