समाचार
संखुवासभाको खाँदबारीमा श्रीमतीको हत्या गरेर श्रीमान फरार

संखुवासभाको सदरमुकाम खाँदबारीमा श्रीमतीको हत्या गरेर श्रीमान फरार भएका छन् । खाँदबारी नगरपालिका –७ स्थित आर्मी क्याम्प नजिकै घरायसी विवादमा श्रीमतीको हत्या गरेर श्रीमान फरार भएका हुन् । गए राति खाँदबारी–७ स्थित आर्मी क्याम्प नजिकै २६ वर्षीया विना राईको हत्या भएको जिल्ला प्रहरी कार्यालय संखुवासभाका प्रहरी निरीक्षक अशोक जगेवुले जानकारी दिएका छन् ।
घरायसी विवाद हुँदा खाँदबारी नगरपालिका–११ आङ्ला घर भई खाँदबारी बस्ने २७ वर्षीय मंसिरे शेर्पाको कुटपिटबाट श्रीमती विनाको हत्या भएको प्रहरी निरीक्षक जगेवुले जानकारी दिए । शेर्पाले कुटपिट गरी श्रीमती विनाको हत्या गरेको खुल्न आएको प्रहरी निरीक्षक जगेवुले बताएका छन् ।
मृतक राईको शरीरका विभिन्न भागमा चोट र नीलडाम देखिएको छ । हत्या लगत्तै शेर्पा फरार भएकाले शेर्पाको खोजी भइरहेको प्रहरीले जनाएको छ । शेर्पा खाँदबारी नगरपालिका –११ आङ्ला घरभई खाँदबारी नगरपालिका–१ मा बस्दै आएका थिए ।घटनाको थप अनुसन्धान भइरहेको जिल्ला प्रहरी कार्यालयले जानकारी दिएको छ । मृतकको शव पोष्टमार्टमका लागि संखुवासभा जिल्ला अस्पतालमा राखिएको छ । शेर्पा केही वर्षयता सवारी चालक पेशामा आबद्ध थिए । प्रहरीले हत्याको विषयमा अनुसन्धान थालेको छ ।
Facebook Comment
Banner
बंगलादेशको व्यापारघाटा उच्चः काँकडभिट्टाबाट ३ अर्बको आयात गर्दा २७ करोडको निर्यात

चालु आर्थिक वर्षको आठ महिनामा बङ्गलादेशबाट दुई अर्ब ९६ करोड ९१ लाख ५२ हजार बराबरका मालसामान आयात भएको छ । त्यस्तै २७ करोड ६८ लाख ५४ हजार बराबरको सामग्री उक्त मुलुक निर्यात भएका छन् ।
काकँडभिट्टास्थित नेपाल पारवहन तथा गोदाम व्यवस्था कम्पनी लिमिटेडका प्रमुख सुवास पाण्डेयका अनुसार बङ्गलादेशबाट सबैभन्दा धेरै १ अर्ब ६० करोड बराबरको अप्रशोधित जुट आयात भएको छ । यसैगरी आयात भएका अन्य वस्तुमा ब्याट्री, पोल्ट्री फिड सप्लिमेन्ट, कस्मेटिक आइटम, हाइड्रोजन प्याराअक्साइड, जुट यार्न, विद्युतीय उपकरण, औषधि, आलु, पेपर, ग्लास, फुड एण्ड वेभरेजका मालसामान छन् ।
काँकडभिट्टाबाट २३ करोड ६२ लाख ५८ हजारको खुदो निर्यात भएको छ । समीक्षा अवधिमा जडीबुटी, घरायसी सामग्री तथा पशुआहार पनि बङ्गलादेश निर्यात भएको छ । द्विदेशीय व्यापारमा सन्तुलन कायम हुन नसकेकामा चिन्ता व्यक्त गर्दै प्रमुख पाण्डेयले बिजुली निर्यातबाट त्यो परिपूर्ति गर्न सकिने बताए ।
Banner
गाजामा इजरायलको अर्को आक्रमण, हमासका उच्च तहका नेताको मृत्यु

पहिलो चरणको युद्धविरामको अवधि सकिनासाथ इजरायलले मंगलबारदेखि गाजामा पुन आक्रमण सुरु गरेको छ । ती आक्रमणमा परी सयौँ व्यक्तिहरू मारिएका हमासले जनाएको छ ।
इजरायली प्रधानमन्त्री बेन्जामिन नेतान्याहुले आफ्नो उद्देश्य हमासलाई समाप्त गर्नु रहेको पटक-पटक दोहोर्याएका छन् । पछिल्लो आक्रमणको उद्देश्य बने हमासको कब्जामा रहेका इजरायली बन्धकहरूलाई छाड्न बाध्य बनाउनु रहेको उनको भनाइ छ ।
इजरायलको पछिल्लो आक्रमणमा परी हमासका उच्च तहका नेताहरू मारिएको दावी गरिएको छ । हमासका उच्च तहका नेता एसाम अदलीस तथा आन्तरिक सुरक्षा प्रमुख महमुद अबु वत्फ पनि मारिएको बताइएको छ । त्यस्तै हमासको सैन्य खुफिया प्रमुख पनि मारिएको इजरायली सैनिकले जनाएको छ ।
Banner
पाथिभरा स्वतन्त्र महीला समाजले विद्यार्थिलाई बाड्यो जुत्ता

पाथिभरा स्वतन्त्र महीला समाजले सुन्दरहरैँचा वार्ड नं १ को सुर्यज्योति आधारभुत विद्यालयमा अध्ययनरत पैंतीस जना विद्यार्थिहरुलाइ जुत्ता र मोजा वितरण गरेको छ । पीछडिएको समुदाय आर्थिक रुपमा विपन्न समुदायका विद्यार्थि पढ्ने उक्त विद्यालयमा जाडोको समयमा ड्रेसको जुत्ता र मोजा बितरण गरिएको हो । उक्त कार्यक्रमा वार्ड नं १ वडा
सदस्य धारणा खनाल, पाथिभरा स्वतन्त्र महिला समाजकी संस्थापक अध्यक्ष प्रमिला दुलाल, निवर्तमान अध्यक्ष सुनिता ढकाल पोख्रेल, संस्थाका पदाधिकारी , सदस्यहरुको उपस्थिति रहेको थियो । कार्यक्रममा स्वागत मन्तव्य उपाध्यक्ष जानुका थापाले गर्नुभएको थियो भने संचालन सचिव विन्दा दाहालले गर्नुभएको थियो । पाथिभरा स्वतन्त्र महिला समाजले विभिन्न सामाजिक कार्य गर्दै आईरहेको संस्थाकी अध्यक्ष योजना शर्माले बताउनुभयो ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ5 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login