लुक्लाबाट काठमाडौं आउँदै गरेको हेलिकप्टरमा चरा ठोक्किँदा साँगामा आकस्मिक अवतरण गर्नु परेको छ ।

हेलि एभरेष्टको ९ एन–एकेजी हेलिकप्टरमा चरा ठोक्किएको र पाइलटले थप जोखिम नलिई सुरक्षित स्थानमा अवतरण गराएको कम्पनीका एक उच्च अधिकारीले जानकारी दिए ।

‘एयरक्राफ्टमा कुनै ड्यामेज भएको देखिएन, हेलिकप्टर पुनः उड्ने तयारी गरिरहेको छ,’ उनले भने ।

विमानस्थल स्रोतका अनुसार हेलिकप्टरमा चालकसहित ६ यात्रु सवार छन् ।

दक्षिण कोरियाको मुआन अन्तर्राष्ट्रिय विमानस्थलमा करिब १८१ जना सवार विमान दुर्घटना भएको छ ।

ल्याण्ड गर्ने बेला धावनमार्गमा चिप्लिएर विमान दुर्घटना भएको हो । त्यसपछि विमानमा आगो लागेको थियो ।

समाचार एजेन्सी योनहापले यो दुर्घटनामा अहिलेसम्म २८ जनाको मृत्यु भएको पुष्टि भएको जनाएको छ ।

जेजु विमान दुर्घटनामा परेको हो । सो विमानमा १७५ जना यात्री र चालक दलका ६ सदस्य थिए । सो विमान थाइल्याण्डको बैंककबाट फर्किएको थियो ।

क्रिस्टियानो रोनाल्डोले भविष्यमा क्लबको मालिक बन्ने इच्छा व्यक्त गरेका छन् । सक्रिय खेल जीवनबाट सन्यास लिएपछि रोनाल्डोले फुटबल क्लब खरिद गर्ने बताएका हुन् ।

दुबईमा गएराति भएको ग्लोबल सकर अवार्डमा बोल्दै रोनाल्डोले भने, ‘मेरो भनाइ याद राख्नुस, भविष्यमा म कुनै ठूलो क्लबको मालिक बन्नेछु ।’ उनको यो भनाइपछि रोनाल्डोलाई प्रशिक्षक अथवा व्यवस्थापनमा देख्ने समर्थकको सपना भने पूरा हुने छैन ।

कार्यक्रममा रोनाल्डोले, प्रिमियर लिग क्लब म्याचेस्टर सिटीको पछिल्लो फर्मका विषयमा पनि चर्चा गरे । खराब फर्मबाट बाहिर आउने प्रयास गरिरहेको सिटीलाई रोनाल्डोले साथ दिएका छन् । साथै उनले साउदी प्रो लिग, फ्रेन्च लिग वानभन्दा गुणस्तरीय रहेको पनि उल्लेख गरे ।

अवार्ड कार्यक्रममा युवा स्टार लमिन यामल, जुड बेलिङगम, जेरार्ड पिके लगायत उपस्थित थिए ।