Banner
महेन्द्र मोरङको स्ववियु अध्यक्षलाई प्रचण्डको फोन– हिस्ट्री बन्यो
विराटनगरको महेन्द्र मोरङ आदर्श बहुमुखी क्याम्पसका नवनिर्वाचित स्ववियु अध्यक्ष रोहित यादवलाई माओवादी केन्द्रका अध्यक्ष पुष्पकमल दाहाल ‘प्रचण्ड’ले हिस्ट्री बनाएको भन्दै बधाइ दिएका छन्।
हुलाकी राजमार्गकेन्द्रित अभियानमा रहेका अध्यक्ष प्रचण्डले महेन्द्र मोरङ बहुमुखी क्याम्पसको स्ववियु निर्वाचन परिणामले देशभर सन्देश गएको बताएका छन्।
‘थ्याङ्क् यु रोहित एउटा हिस्ट्री बन्यो। महेन्द्र मोरङको अध्यक्ष जित्ने भनेको हामीले, एउटा इतिहास बन्यो। देशभरि एउटा सन्देश गइसक्यो। भोलि हामी धेरै राम्रो गर्न सक्छौं,’ अध्यक्ष प्रचण्डले भने।
टेलिफोन कुराकानीमा यादवले अध्यक्ष प्रचण्ड अभियानका क्रममा मोरङ टेकेकै दिन आफूलाई जित महसुस भएको बताएका थिए।
‘तपाईंले यहाँ खुट्टा टेक्दा नै जितको महसुस भइसकेको थियो। पहिले सम्मेलनमा पनि ल्याउन खोजेको थिएँ। त्यतिबेला समय मिलेन,’ स्ववियु अध्यक्ष यादवले भने।
मंगलबार भएको महेन्द्र मोरङ आदर्श बहुमुखी क्याम्पसको स्ववियु निर्वाचनमा अखिल क्रान्तिकारीका यादव १११८ मत प्राप्त गरेर अध्यक्ष निर्वाचित भएका थिए। उनका निकटतम प्रतिस्पर्धी नेपाली कांग्रेसनिकट नेविसंघका प्रज्ज्वल विष्ट (हाक्कु) ले १०७५ मत प्राप्त गरेका थिए। नेकपा (एमाले) निकट अनेरास्ववियुका अनीश बोगटीले २३२ मत ल्याए। अध्यक्ष पदमा स्वतन्त्रसहित ७ उम्मेदवार प्रतिस्पर्धामा थिए।
सचिवमा नेविसंघकी सुदीक्षा थापा मगर निर्वाचित भएकी थिइन्। कोषाध्यक्षमा पनि नेविसंघकै रोशनकुमार पासवान निर्वाचित भएका थिए।
प्रत्यक्षतर्फ सदस्य एक पदमा क्रान्तिकारी निर्वाचित भएको छ। बाँकी सदस्य पदमा नेविसंघ विजयी भएको थियो।
अखिल क्रान्तिकारीले २०६५ पछि महेन्द्र मोरङमा स्ववियु अध्यक्ष जितेको हो। २०६५ मा अखिल क्रान्तिकारीका जयराम सन्दास सभापति निर्वाचित भएका थिए। त्यतिबेला अखिल क्रान्तिकारी नेकपा (एमाले) निकट अनेरास्ववियुसँग मिलेर उम्मेदवारी दिएको थियो।
Facebook Comment
वीरगञ्ज सुक्खा बन्दरगाह भन्सार कार्यालयले चालु आर्थिक वर्षको आठ महिनामा ३२ अर्ब ३२ करोड ८८ लाख ७८ हजार राजस्व सङ्कलन गरेको छ ।
भन्सार विभागले कार्यालयलाई वर्षभरिमा ६० अर्ब चार करोड ८७ लाख ९७ हजार राजस्व सङ्कलन गर्ने लक्ष्य दिएको थियो । सुक्खा बन्दरगाह भन्सार कार्यालयका प्रमुख धनबहादुर बरुवालका अनुसार चालु आवको पछिल्ला दुई महिनामा मासिक लक्ष्यको ९२ प्रतिशतसम्म राजस्व सङ्कलन भएको छ ।
कार्यालयले गत साउनमा तीन अर्ब ७५ करोड, भदौमा चार अर्ब ६४ करोड राजस्व सङ्कलन गरेको थियो । असोजमा चार अर्ब ३६ करोड, कात्तिकमा तीन अर्ब ७९ करोड राजस्व सङ्कलन गरेको थियो ।
यसैगरी, गत मङ्सिरमा तीन अर्ब २२ करोड, पुसमा तीन अर्ब ५६ करोड, माघमा चार अर्ब २९ करोड र फागुनमा चार अर्ब ६८ करोड राजस्व सङ्कलन गरेको हो । चालु आवको आठ महिनामध्ये सबैभन्दा धेरै राजस्व फागुनमा नै सङ्कलन भएको छ ।
पहिलो चरणको युद्धविरामको अवधि सकिनासाथ इजरायलले मंगलबारदेखि गाजामा पुन आक्रमण सुरु गरेको छ । ती आक्रमणमा परी सयौँ व्यक्तिहरू मारिएका हमासले जनाएको छ ।
इजरायली प्रधानमन्त्री बेन्जामिन नेतान्याहुले आफ्नो उद्देश्य हमासलाई समाप्त गर्नु रहेको पटक-पटक दोहोर्याएका छन् । पछिल्लो आक्रमणको उद्देश्य बने हमासको कब्जामा रहेका इजरायली बन्धकहरूलाई छाड्न बाध्य बनाउनु रहेको उनको भनाइ छ ।
इजरायलको पछिल्लो आक्रमणमा परी हमासका उच्च तहका नेताहरू मारिएको दावी गरिएको छ । हमासका उच्च तहका नेता एसाम अदलीस तथा आन्तरिक सुरक्षा प्रमुख महमुद अबु वत्फ पनि मारिएको बताइएको छ । त्यस्तै हमासको सैन्य खुफिया प्रमुख पनि मारिएको इजरायली सैनिकले जनाएको छ ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login