Banner
राज्यकोषको खर्चमा ‘कुलिङ पिरियड हटाउनुपर्ने’ वकालत
१२ जेठ, काठमाडौं । सामूहिक दौडधुप र दबाब असफल भएपछि केही सचिवहरू राज्यकोषको रकम खर्चेर निजामती सेवा विधेयकबाट ‘कुलिङ पिरियड’ हटाउने वकालततर्फ लागेका छन् ।
उनीहरूले संघीय मामिला तथा सामान्य प्रशासन मन्त्रालयको प्रादेशिक तथा स्थानीय सरकार सशक्तीकरण कार्यक्रम (पीएलजीएसपी) बाट बजेट निकासा गरेर ‘कुलिङ पिरियड’को व्यवस्था हटाउनुपर्ने वकालत गर्न थालेका हुन् ।
त्यसका लागि मुख्यसचिव एकनारायण अर्यालय सहित अन्य केही सचिवहरू सक्रिय भएका हुन् । सोमबार राजधानीमा त्यससम्बन्धी कार्यक्रम आयोजना हुन लागेको हो ।
संघीय मामिला तथा सामान्य प्रशासन मन्त्रालय सम्बद्ध स्रोतका अनुसार, पीएलजीएसपी कार्यक्रमबाट रकम भुक्तानी हुनेगरी राजधानीमा एक छलफल कार्यक्रमको आयोजना हुँदैछ, जहाँ पूर्वसचिव कृष्णहरि बास्कोटा, कानुन सचिव उदयराज सापकोटा एवं नेपाल बार एसोसिएसनका पदाधिकारीहरू आमन्त्रित छन् ।
‘कुलिङ पिरियडको व्यवस्था गलत हो भनी सचिवहरूले आफ्ना दृष्टिकोण राख्दा नकारात्मक सन्देश प्रवाह हुने गरी पक्षपोषण भयो’ मन्त्रालयसम्बद्ध स्रोतले भन्यो, ‘त्यसको प्रतिवादमा आफ्ना भनाई र दृष्टिकोणहरू स्पष्ट बाहिर आउने गरी कार्यक्रम गर्न खोजेका हौं ।’
संसदको राज्य व्यवस्था समितिले निजामती सेवाबाट अवकाश लिएको दुई वर्षसम्म सार्वजनिक नियुक्ति गर्न नपाउने व्यवस्था सहित कुलिङ पिरियडको प्रावधान समावेश भएको छ ।
विधेयकमा त्यो प्रावधान समेटिएपछि मुख्यसचिव एकनारायण अर्याल, सचिवहरू कृष्णहरि पुस्कर, उदयराज सापकोटा, राधिका अर्याल, संघीय संसदका महासचिव पदमराज पाण्डेय लगायतले राजनीतिक दलका नेता, सभामुख एवं राष्ट्रिय सभाका अध्यक्षलाई भेटेर कुलिङ पिरियडको व्यवस्था हटाउनुपर्ने वकालत गरेका थिए ।
व्यवस्थापिकाका उच्चपदस्थ पदाधिकारी एवं राजनीतिक दलका नेताहरू भेटेर मात्रै आफूहरूको माग सम्बोधन हुने नदेखेपछि उनीहरूले सार्वजनिक वकालतको अभियान थालेका हुन् ।
प्रादेशिक तथा स्थानीय सरकार सशक्तीकरण कार्यक्रम (पीएलजीएसपी) का राष्ट्रिय कार्यक्रम निर्देशक रुद्रसिंह तामाङले प्रदेशिक र स्थानीय सरकार एवं शासकीय मामिलाका विषयमा सार्वजनिक छलफल र बहस कार्यक्रम सञ्चालन भइरहेपनि सदनमा विचाराधिन विषयवस्तुको विषयमा छलफल कार्यक्रम सञ्चालन नगरिएको बताए ।
उनले भने, ‘हामीहरुले शासकीय मामिला, संघीयता र अन्तरतहका विषयमा कार्यक्रम गरिरहेकै छौं, तर कुलिङ पिरियडकै विषयमा कार्यक्रम सञ्चालनका लागि काम भएकोबारे थाह छैन । म राजधानी बाहिर भएकाले बुझेपछि मात्रै खवर गर्नसक्छु’ उनले भने ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login