केही दिन अघिदेखि मोरङको सुन्दरहरैंचा नगरपालिका क्षेत्रका बासिन्दालाई आतङ्कित बनाइरहेको जङ्गली हात्तीको समूहले आज राति पनि घर भत्काउनुका साथै घरभित्र थन्क्याइएको अन्न र खेतमा लगाइएको कृषि बालीमा क्षति पुर्याएको छ ।

सुन्दरहरैंचा–७ पचहत्तरबिघेमा तुलसी पराजुलीको घर जङ्गली हात्तीको बथानले भत्काउँदा सो घरमा डेरा गरी बस्ने निरा खनालको परिवारको अनाजमा क्षति पुर्याएको छ । घरको भान्सा कोठा हात्तीले भत्काउनुका साथै त्यहाँ रहेका सबै सामान फुटाइदिएको छ ।

हात्तीले आज राति थप क्षति पुर्याउन सक्ने डरले खनाल परिवारले अनाज सुरक्षित स्थानमा सारेको छ । एक तले कच्ची घरको अगाडिबाट हात्तीले घर भत्काउन शुरु गरेपछि आफूहरु पछाडिबाट राति नै भागेको पीडित निरा खनालले बताउनुभयो । रातभर छिमेकको घरमा बसेर हात्ती जङ्गलतर्फ गइसकेपछि बिहान ६ बजेमात्रै घर फर्किएको उहाँ बताउनुहुन्छ ।

स्थानीय महेश उप्रेती हात्तीको बथान ठूलो भएकाले चाहेर पनि राति धपाउन नसकिएको बताउनुहुन्छ । २६ वटा हात्ती आफूले गनेको बताउँदै उहाँले सो समूहमा अरु पनि हात्ती रहेको हुन सक्ने तर अँध्यारोमा सबै नदेखिएको हुन सक्ने बताउनुभयो ।

‘हामीले घरको छतबाट निरीह भएर हात्तीले घर भत्काएको हेरिरहनुपर्याे,’ छिमेकी बिन्दा पराजुलीले भन्नुभयो, ‘मध्यरातमा हात्तीको हुल आएपछि बाहिर निस्कन सक्ने अवस्था थिएन । पीडित परिवारले गरेको हार गुहार निरीह भएर सुनिरह्यौँ । परिवार सुरक्षित स्थानमा गएपछि सबैले आआफ्नो घरबाट हात्तीको विध्वंस हेर्ने काममात्रै भयो ।’

स्थानीयका अनुसार हात्तीले पचहत्तर बिघे क्षेत्रमा लगाएको तोरी, केरा र उखुबालीमा क्षति पुर्याएको छ ।

हिजो पनि सुन्दरहरैंचा–७ को पुष्पाञ्जली चोक दक्षिण सन्तोष  खतिवडाको घरमा हात्तीले क्षति पुर्याएको थियो ।

अघिल्लो साता सुन्दरहरैंचा–१२ का ६० वर्षीय भवनाथ घिमिरेको हात्तीको आक्रमणमा परी ज्यान गएको थियो ।

राष्ट्रिय स्वतन्त्र पार्टीका सभापति रवि लामिछानेलाई आज थुनामुक्त गर्ने तयारी छ । तुलसीपुर उच्च अदालत बुटवलले हिजो थुनामुक्त गर्न आदेश दिए पनि लामिछाने रूपन्देही जिल्ला अदालतमा स्वयं उपस्थित भएर कागज गर्नुपर्ने भएकाले आज मात्रै थुनामुक्त गर्न लागिएको हो ।

लामिछानेलाई तुलसीपुर उच्च अदालत बुटवल इजलासका न्यायाधीश वासुदेव आचार्य र तेजनारायण पौडेलको इजलासले जिल्ला अदालतको साउन २६ को आदेश बदर गर्दै बिगोबराबरको बैंक जमानत लिएर सर्तसहित थुनामुक्त गर्न आदेश दिएको छ । उच्च अदालतको आदेशको सक्कल मिसिल आज रूपन्देही जिल्ला अदालत भैरहवा पुगेपछि थुनामुक्त गर्ने प्रक्रिया शुरू हुनेछ ।

अदालतले उच्चको आदेशबमोजिमको बिगोको ग्यारेन्टी र पछि अदालतबाट फैसला हुँदा बिगोको हकमा थप दायित्व सिर्जना गरेमा तिर्न बुझाउ मञ्जुर भए त्यसको कागज गराई थुनामुक्त गर्न सर्तसहितको आदेश गरेको छ । त्यसमा रवि लामिछाने स्वयं उपस्थित भएर मञ्जुर भएको कागज गरेपछि तारेख लिएर थुनामुक्त हुनुहुनेछ ।

अदालतको आदेशअनुसार रवि लामिछानेले यसअघि बुझाएको १ करोड धरौटी उच्च अदालतले स्वीकार गरेको छ । त्यो बाहेकको २ करोड ७४ लाख ८४ हजारको बैंक ग्यारेन्टी पनि स्वीकार गरेको छ । त्यसपछि सिर्जना हुने दायित्व पनि रवि लामिछाने तिर्न तयार हुनुपर्ने सर्त र रवि लामिछाने विदेश यात्रा गर्नु पर्ने भएमा त्यसको पूर्वजानकारी अदालतलाई दिनुपर्ने पनि आदेश छ ।

गएको चैतमा तुलसीपुर उच्च अदालत बुटवलकै आदेशले रवि लामिछाने पक्राउ पर्नुभएको थियो । शुरूमा भैरहवा कारागार राखिएकोमा अहिले लामिछानेलाई ललितपुरको नख्खु कारागारमा राखिएको छ । धरौटीमा थुनामुक्त हुने भए पनि रविविरूद्ध सहकारी ठगी तथा सांगठनिक अपराध, सम्पत्ति शुद्धीकरण जस्ता मुद्दा विभिन्न अदालतमा विचाराधीन नै छन् ।

राष्ट्रिय स्वतन्त्र पार्टीका सभापति रवि लामिछानेलाई रिहा गर्न उच्च अदालतको बुटवल इजलासले आदेश दिएको छ ।

लामिछानेलाई २ करोड ६८ लाख रुपैयाँ धरौटी राखेर थुनामुक्त गर्न आदेश दिएको हो ।लामिछाने सहकारी ठगी प्रकरणमा पुर्पक्षका लागि जेल चलान भएका थिए । राष्ट्रिय स्वतन्त्र पार्टी रास्वपाका सभापति रवि लामिछानेलाई छाड्नको लागि उच्च अदालत तुलसीपुर, बुटवल इजलासले ४ वटा शर्त राखेको छ ।लामिछानेले नै सुप्रिम सहकारीबाट आफू काम गरेको संस्थामा प्रवाह भएको बिगो मध्ये दामासाहीले हुने बिगो बैंक ग्यारेन्टी राखेर मुद्दाको पुर्पक्ष गरी पाउँ भनेर माग गरेको र बचतकर्ता र लगानीकर्ताको रकम सुनिश्चितता नै पहिलो प्राथमिकता देखिएकोले शर्तसहित अदालतले छाड्न आदेश दिएको हो ।अदालतले लामिछानेलाई ०८१ माघ १३ मा सुरु थुनछेकको क्रममा माग गरेको धरौटी स्वीकार गर्ने र २ करोड ७४ लाख ८४ हजार रुपैयाँ बिगोका हकमा सुरक्षित गर्ने शर्त राखेको छ ।

साथै, अदालतले व्यक्तिगत वा संस्थागत रूपमा विदेश यात्रा गर्नुपरेमा अदालतलाई पूर्व जानकारी दिने र फैसला हुँदा थप दायित्व सिर्जना भएकोमा पनि बुझाउन मन्जुर हुनुपर्ने शर्त राखेको छ ।