Banner
सुन्दरहरैंचाको पचहत्तरबिघेमा हात्तीको आतङ्क, घर भत्कियो
केही दिन अघिदेखि मोरङको सुन्दरहरैंचा नगरपालिका क्षेत्रका बासिन्दालाई आतङ्कित बनाइरहेको जङ्गली हात्तीको समूहले आज राति पनि घर भत्काउनुका साथै घरभित्र थन्क्याइएको अन्न र खेतमा लगाइएको कृषि बालीमा क्षति पुर्याएको छ ।
सुन्दरहरैंचा–७ पचहत्तरबिघेमा तुलसी पराजुलीको घर जङ्गली हात्तीको बथानले भत्काउँदा सो घरमा डेरा गरी बस्ने निरा खनालको परिवारको अनाजमा क्षति पुर्याएको छ । घरको भान्सा कोठा हात्तीले भत्काउनुका साथै त्यहाँ रहेका सबै सामान फुटाइदिएको छ ।
हात्तीले आज राति थप क्षति पुर्याउन सक्ने डरले खनाल परिवारले अनाज सुरक्षित स्थानमा सारेको छ । एक तले कच्ची घरको अगाडिबाट हात्तीले घर भत्काउन शुरु गरेपछि आफूहरु पछाडिबाट राति नै भागेको पीडित निरा खनालले बताउनुभयो । रातभर छिमेकको घरमा बसेर हात्ती जङ्गलतर्फ गइसकेपछि बिहान ६ बजेमात्रै घर फर्किएको उहाँ बताउनुहुन्छ ।
स्थानीय महेश उप्रेती हात्तीको बथान ठूलो भएकाले चाहेर पनि राति धपाउन नसकिएको बताउनुहुन्छ । २६ वटा हात्ती आफूले गनेको बताउँदै उहाँले सो समूहमा अरु पनि हात्ती रहेको हुन सक्ने तर अँध्यारोमा सबै नदेखिएको हुन सक्ने बताउनुभयो ।
‘हामीले घरको छतबाट निरीह भएर हात्तीले घर भत्काएको हेरिरहनुपर्याे,’ छिमेकी बिन्दा पराजुलीले भन्नुभयो, ‘मध्यरातमा हात्तीको हुल आएपछि बाहिर निस्कन सक्ने अवस्था थिएन । पीडित परिवारले गरेको हार गुहार निरीह भएर सुनिरह्यौँ । परिवार सुरक्षित स्थानमा गएपछि सबैले आआफ्नो घरबाट हात्तीको विध्वंस हेर्ने काममात्रै भयो ।’
स्थानीयका अनुसार हात्तीले पचहत्तर बिघे क्षेत्रमा लगाएको तोरी, केरा र उखुबालीमा क्षति पुर्याएको छ ।
हिजो पनि सुन्दरहरैंचा–७ को पुष्पाञ्जली चोक दक्षिण सन्तोष खतिवडाको घरमा हात्तीले क्षति पुर्याएको थियो ।
अघिल्लो साता सुन्दरहरैंचा–१२ का ६० वर्षीय भवनाथ घिमिरेको हात्तीको आक्रमणमा परी ज्यान गएको थियो ।
Facebook Comment
अन्तर्राष्ट्रिय फुटबल महासंघ (फिफा) ले अखिल नेपाल फुटबल संघ (एन्फा) लाई अनिश्चितकालका लागि निलम्बन गरेको छ ।
फिफा काउन्सिल ब्युरोले जारी गरेको निर्णयअनुसार फिफा विधानको धारा १६ बमोजिम एन्फाको सदस्यता निलम्बन गरिएको हो । फिफाले तेस्रो पक्षको हस्तक्षेपलाई कारण देखाएर नेपाललाई प्रतिबन्ध लगाएको हो ।
निलम्बनसँगै एन्फाले फिफा सदस्यका रूपमा प्राप्त गर्ने सबै अधिकार गुमाएको छ । नेपाली फुटबल अनिश्चिता र अन्याेलतातर्फ गएको छ ।
निलम्बनसँगै एन्फा तथा यसअन्तर्गतका राष्ट्रिय टोली, क्लब र पदाधिकारीहरू फिफा तथा एशियाली फुटबल महासंघ (एएफसी) अन्तर्गतका अन्तर्राष्ट्रिय प्रतियोगिता र गतिविधिमा सहभागी हुन नपाउने भएका छन् ।
साथै फिफाबाट प्राप्त हुने आर्थिक, प्राविधिक तथा विकाससम्बन्धी सहयोगसमेत प्रभावित हुने भएकाे छ । फिफाको यो निर्णयले नेपाली फुटबलको अन्तर्राष्ट्रिय सहभागितामाथि प्रत्यक्ष असर पार्ने भएको छ ।
रास्वपा केन्द्रीय सदस्यको निर्वाचनका लागि साँझ साढे ७ बजेबाट मतदान सुरु हुने भएको छ ।प्रवक्ता मनिष झाले साँझ साढे ७ बजेबाट सुरु हुने जानकारी दिए । गत आइतबार (असार ७) बाट सुरु भएको महाधिवेशन ९ गतेसम्मका लागि तय भएको थियो । यद्यपि महाधिवेशनको समय लम्बिन पुगेको छ ।आज बिहान ९ बजेबाटै सुरु हुने भनिए पनि मतदान सुरु हुन सकेको थिएन । केहीबेरअघि उम्मेदवारहरूको प्रारम्भिक नामावली सार्वजनिक भएको छ । प्रवक्ता झाका अनुसार, साँझ ५ बजेसम्म दाबी विरोधको समय तय भएको छ भने ६ बजे अन्तिम नामावली प्रकाशन गरिनेछ । दोस्रो चरणको मतदान भने भोलि बिहान ९ बजे गर्न सकिने आकलन पार्टीको रहेको झाले बताए ।
पोर्चुगल फिफा विश्वकपमा उज्बेकिस्तानलाई हराएर समूह ‘के’ को शीर्षस्थानमा उक्लिएको छ ।
मंगलबार राति उज्बेकिस्तानलाई ५-० गोलअन्तरले हराउँदै पोर्चुगल आफ्नो समूहको शीर्षस्थानमा उक्लिएको हो ।
पोर्चुगलको जितमा कप्तान क्रिस्टियानो रोनाल्डले २ तथा नुनो मेन्डेस र राफेल लिओले १/१ गोल गरे । भने, एक गोल उज्बेकिस्तानले आत्मघाती गर्यो ।
पहिलो हाफमा नै २ गोल गरे पनि रोनाल्डो ह्याट्रिक गर्नबाट चुके ।
यद्यपि, रोनाल्डो लगातार ६ विश्वकप खेल्दा ६ वटै विश्वकपमा गोल गर्ने खेलाडी बने । साथै, उनले पोर्चुगलका लागि विश्वकपमा सर्वाधिक गोल गर्ने कीर्तिमान पनि बनाए ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login