चिरपरिचित प्रतिद्वन्द्वी भारतविरुद्व १ सय ९१ रनकाे फराकिलाे जित निकाल्दै पाकिस्तान एसीसी यु-१९ एसिया कपकाे च्याम्पियन बनेकाे छ । पाकिस्तानले १३ वर्षपछि  यु-१९ एसिया कपकाे उपाधि जितेकाे हाे । यसअघि टाेली सन् २०१२ मा विजेता बनेकाे थियाे । यूएईकाे आसीसी एकेडेमी मैदानमा आइतबार सम्पन्न फाइनलमा पाकिस्तानले प्रस्तुत गरेकाे ३ सय ४८ रनकाे लक्ष्य पछ्याएकाे भारत २६.२ ओभरमा १ सय ५६ रनमै समेटियाे । भारतका लागि दिपेश देवेन्द्रनले ३६, वैभव सूर्यवंशीले २६, खिलान पटेलले १९, आराेन जर्जले १६ र अभिज्ञान कुन्डुले १३ रन बनाए । पाकिस्तानका लागि अली राजाले चार तथा माेहम्मद सयाम,अब्दुल सुभान र हुजैफा एहसानले दुई-दुई विकेट लिए । चिरपरिचित प्रतिद्वन्द्वी भारतविरुद्व १ सय ९१ रनकाे फराकिलाे जित निकाल्दै पाकिस्तान एसीसी यु-१९ एसिया कपकाे च्याम्पियन बनेकाे छ । पाकिस्तानले १३ वर्षपछि  यु-१९ एसिया कपकाे उपाधि जितेकाे हाे । यसअघि टाेली सन् २०१२ मा विजेता बनेकाे थियाे । यूएईकाे आसीसी एकेडेमी मैदानमा आइतबार सम्पन्न फाइनलमा पाकिस्तानले प्रस्तुत गरेकाे ३ सय ४८ रनकाे लक्ष्य पछ्याएकाे भारत २६.२ ओभरमा १ सय ५६ रनमै समेटियाे । भारतका लागि दिपेश देवेन्द्रनले ३६, वैभव सूर्यवंशीले २६, खिलान पटेलले १९, आराेन जर्जले १६ र अभिज्ञान कुन्डुले १३ रन बनाए । पाकिस्तानका लागि अली राजाले चार तथा माेहम्मद सयाम,अब्दुल सुभान र हुजैफा एहसानले दुई-दुई विकेट लिए । त्यसअघि टस हारेर ब्याटिङकाे निम्ताे पाएकाे पाकिस्तानले निर्धारित ५० ओभरमा आठ विकेट गुमाउँदै ३ सय ४७ रनकाे याेगफल तयार पारेको थियाे । पाकिस्तानका लागि समिर मिन्हासले १ सय १३ बलमा १७ चाैका र छक्काकाे मद्दत सर्वाधिक १ सय ७२ रनकाे याेगदान गरे । यसैगरी, अहमद हुसैनले ७२ बलमा तीन चाैका र एक छक्कासहित ५६, उस्मान खानले ३५, कप्तान फरहान युसुफले १९, हेम्जा जाहुरले १८, माेहमम्मद सयामले अविजित १३ र निकाब सफिकले अविजित १२ रन बनाए । भारतका लागि दिपेश देवेन्द्रनले तीन, हेनिल पटेल र खिलान पटेलले दुई-दुई तथा कनिश्क चाैहानले एक विकेट लिए ।

सेयर बजार फेरि २६ सयमुनि झरेको छ ।

अघिल्लो कारोबार दिनको तुलनामा आज आइतबार नेप्से परिसूचक १९.९२ अंक घटेसँगै २५९५ मा कायम भएको छ । कारोबार सुरु भएदेखि दिनभर नेप्से रातो रह्यो । कारोबार रकम सामान्य घटेको छ । अघिल्लो दिन ४ अर्ब ५७ करोडको कारोबार भएकोमा आज ४ अर्ब ५२ करोडको भयो । ४३ कम्पनीको मूल्य बढ्दा २०७ को घट्यो भने ७ को स्थिर रह्यो । होटल तथा पर्यटन समूह सबैभन्दा धेरै १.६३ प्रतिशत घट्यो । त्यस्तै जीवन बीमा १.५२, विकास बैंक १.४२, फाइनान्स १.३८ प्रतिशत घटे ।

बैंकिङ ०.४७, जलविद्युत् ०.८६, लगानी ०.६२, उत्पादन तथा प्रशोधन ०.१०, निर्जीवन बीमा ०.८०, अन्य ०.४२ र व्यापार १.०१ प्रतिशत घटे ।

एउटा कम्पनी एसवाई प्यानलको मूल्य १० प्रतिशत बढ्यो । तेह्रथुम पावरको ८.२०, मानुषी लघुवित्तको ८.१४, लक्ष्मी लघुवित्तको ५.५७ प्रतिशत मूल्य बढ्यो ।

सिन्धु विकास बैंकको १०, नारायणी डेभलपमेन्ट बैंकको ७.५५, अपर स्याङ्गे हाइड्रोपावरको ७.४५, कर्पोरेट डेभलपमेन्ट बैंकको ६.६४ प्रतिशत मूल्य घट्यो ।

आज धेरै कारोबार भएका कम्पनीमा स्वस्तिक लघुवित्त, बाराही हाइड्रोपावर, सन नेपाल लाइफ इन्स्योरेन्स, लुम्बिनी विकास बैंक र नेपाल लाइफ इन्स्योरेन्स छन् ।

नोबेल मेडिकल कलेज विराटनगरको भवनबाट खसेका एक जना इन्टर्न डाक्टरको उपचारको क्रममा मृत्यु भएको छ । प्रहरीका अनुसार आइतबार बिहान ६:३० बजेको समयमा नोबेल मेडिकल कलेजको मुख्य गेटतर्फको भवनको पाँचौं तलाबाट खसेर ३४ वर्षीय अमित यादवको मृत्यु भएको हो । सप्तरीको राजविराज नगरपालिका वडा नं. ९ जगदरी घर भएका उनी पाँचौ तलामाथिबाट तल भुइँमा खसेका थिए । टाउकोमा गम्भीर चोट लागेका उनलाई तत्काल सोही अस्पतालको आकस्मिक कक्षमा भर्ना गरिएको थियो । उपचारको क्रममा आज बिहान उनको मृत्यु भएको नोबेल शिक्षण अस्पतालका व्यवस्थापक दिपेश राईले जानकारी दिए ।यादव सोही मेडिकल कलेजको एमबीबीएस इन्टर्न डाक्टर हुन् ।प्रहरीले घटनाको अनुसन्धान गरिरहेको जनाएको छ ।