पूर्वी नेपालको प्रतिष्ठित आतिथ्य सत्कार क्षेत्रसँग सम्बन्धित नेपालीरिका होटेल लिमिटेडले प्रारम्भिक सार्वजनिक निष्काशन (आईपीओ) जारी गर्ने भएको छ। मोरङको विराटचोकस्थित कम्पनीले सर्वसाधारणका लागि प्रतिकित्ता रु. १०० अंकित दरमा ५० लाख कित्ता साधारण शेयर निष्काशन गर्ने तयारी गरेको हो। यसअनुसार कम्पनीले कुल ५० करोड रुपैयाँ बराबरको आईपीओ जारी गर्नेछ।

आईपीओ निष्काशन तथा बिक्री प्रबन्धकको रूपमा लक्ष्मी सनराइज क्यापिटल लिमिटेडलाई नियुक्त गरिएको छ। यससम्बन्धी सम्झौतापत्रमा नेपालीरिका होटेल लिमिटेडका अध्यक्ष भोलेश्वर दुलाल र लक्ष्मी सनराइज क्यापिटलका प्रमुख कार्यकारी अधिकृत विजय लाल श्रेष्ठबीच आज हस्ताक्षर भएको छ।

कम्पनीका अनुसार आईपीओ निष्काशनमार्फत प्राप्त रकम व्यवसाय विस्तार, पारदर्शिता अभिवृद्धि तथा आतिथ्य र पर्यटन क्षेत्रको विकासमा उपयोग गरिनेछ। यस कदमले विशेष गरी मोरङ क्षेत्रसहित पूर्वी नेपालमा लगानीका अवसर विस्तार गर्ने विश्वास गरिएको छ।

विराटचोकमा अवस्थित नेपालीरिका होटलमा १४६ वटा सुन्दर ढंगले सजाइएका कोठा तथा सुइटहरू रहेका छन्। त्यसैगरी दमकस्थित शाखा होटलमा ३९ वटा व्यवस्थित कोठा र सुइट, रेस्टुरेन्ट तथा बार सञ्चालनमा छन्। परम्परागत नेपाली वास्तुकलामा निर्मित हेरिटेज ब्लकमा रहेको उक्त होटलले ५० देखि १५०० जनासम्मका लागि भोज तथा सम्मेलन आयोजना गर्न सकिने सुविधा उपलब्ध गराउँदै आएको छ। साथै, स्विमिङ पुललगायतका अन्य सेवा पनि प्रदान गर्दै आएको छ।

सुनसरीको धरानमा लोकप्रिय गायक हेमन्त शर्माले दर्शकस्रोतालाई आफ्ना एकदर्जन गीत सुनाएर साङ्गीतिक आनन्द दिएका छन् । नझरेका फूलहरूको आयोजनामा धरान आएका गायक शर्माले आफ्ना बहुचर्चित गीत सुनाउँदा धराने स्रोता छमछमी नाचेका भिडियोहरू यतिबेला सामाजिक सञ्जालमा समेत भाइरल बन्दै गएका छन् ।

साङ्गीतिक प्रस्तुतिका लागि पहिलोपटक धरान आएका शर्माले धरानमा प्रस्तुति दिन पाउँदा आफू अत्यन्तै खुसी भएको प्रतिक्रिया दिएका छन्। साङ्गीतिक प्रस्तुतिका लागि पटकपटक धरान आउने इच्छा हुँदाहुँदै पनि संयोग नमिलेको बताउँदै आएका गायक शर्माले नझरेका फूलहरूको आयोजनामा यसपटक धरान आएर आफ्ना फ्यान फलोअर्सलाई गीत सुनाउन पाउँदा आफूलाई अत्यन्तै आनन्द मिलेको समेत बताए।

कार्यक्रममा धरानका चर्चित गायक कृष्णराजा श्रेष्ठ, दीपक दर्नाल, सङ्गीतकार रोशन शर्मा र इटहरीका कवि लक्ष्मीप्रसाद पराजुलीलेसमेत आ-आफ्नो प्रस्तुति राखेका थिए।

धरान-९ स्थित रोटरी क्लबको हलमा आयोजना गरिएको कार्यक्रमका प्रमुख अतिथि धरान सङ्गीत प्रतिष्ठानका अध्यक्ष एवम् धरान उपमहानगरपालिका वडा नम्बर २ का वडाध्यक्ष्य रमेश राई रहेका थिए। विशिष्ट अतिथिमा प्रा.डा.भीम खतिवडा,डा.अस्मिता विष्ट र किरण टी. लिम्बू रहेका थिए।

नझरेका फूलहरूको नियमित शृङ्खला अन्तर्गत उक्त कार्यक्रम आयोजना गरिएको ‘नझरेका फूलहरू’का परिकल्पनाकार,संस्थापक एवम् प्रस्तोता केपी घिमिरेले बताए।
कार्यक्रममा दर्जनौँ सङ्घसंस्थाको सहयोग र सहभागितासमेत रहेको धरानका सङ्गीतकर्मी विनायक राईले जानकारी दिएका छन्।

आईसीसी टी–२० विश्वकप अन्तर्गत बिहीबारको खेलमा इटालीको धारिलो बलिङसामु नेपाली ब्याटरहरु निरीह बनेका छन् ।

नेपाली ब्याटरहरु चल्न नसक्दा इटलीले जितका लागि १२४ रनको सामान्य लक्ष्य दिएको छ । भारतको वानखेडे रंगशालामा टस हारेर पहिला ब्याटिङको निम्तो पाएको नेपालले १९ ओभर २ बल सबै विकेट गुमाउदै १२३ रन बनाएको हो ।

इटलीका क्रिशन कालुगामेजले सर्वाधिक तीन विकेट लिए । बेन मानेन्टीले दुई विकेट लिँदा अली हसन र जेजे स्मट्सले समान १–१ विकेट लिए ।