Banner
निर्वाचनपछि डा.सुनिल शर्मा भन्छन्: लोकतन्त्रमा विश्वास राखेर मतदान गर्ने सबैलाई धन्यवाद !
प्रतिनिधिसभा सदस्य निर्वाचन सम्पन्न भएपछि मोरङ क्षेत्र नम्बर–३ का उम्मेदवार डा. सुनिल कुमार शर्माले सम्पूर्ण मतदाताप्रति हार्दिक धन्यवाद तथा कृतज्ञता व्यक्त गरेका छन् ।
निर्वाचनको अवसरमा सचेत, जिम्मेवार तथा लोकतन्त्रप्रेमी मतदाताहरूले उत्साहपूर्वक मतदानमा सहभागी भई आफ्नो अमूल्य मताधिकार प्रयोग गरेकोमा उनले आभार व्यक्त गरेका हुन् । देशको अवस्था नाजुक र जटिल रहे पनि लोकतान्त्रिक प्रक्रियाप्रति आस्था राख्दै मतदानमा सहभागी हुनु लोकतन्त्रप्रतिको जनताको दृढ विश्वासको प्रतीक भएको उनको भनाइ छ ।
उनले देशको जटिल तथा अनिश्चित परिस्थितिका कारण कतिपय समयमा निर्वाचन हुन्छ कि हुँदैन भन्ने अन्योलको अवस्था सिर्जना भए पनि जनताको अडिग सहभागिता र लोकतन्त्रप्रतिको विश्वासका कारण निर्वाचन सफलतापूर्वक सम्पन्न भएको बताएका छन् ।
डा. शर्माले निर्वाचन प्रक्रियालाई स्वतन्त्र, निष्पक्ष, शान्तिपूर्ण तथा व्यवस्थित रूपमा सम्पन्न गराउन भूमिका निर्वाह गर्ने सरकार, निर्वाचन आयोग, सुरक्षाकर्मी, निर्वाचनमा खटिएका कर्मचारी, उम्मेदवारहरू तथा राजनीतिक दलहरूप्रति पनि धन्यवाद व्यक्त गरेका छन् ।
त्यसैगरी लोकतन्त्रको सुदृढीकरण, जनमतको सम्मान तथा पार्टीको सिद्धान्तप्रति प्रतिबद्ध रहँदै अहोरात्र खटिने नेपाली कांग्रेसका नेता, कार्यकर्ता तथा समर्थकहरूप्रति उनले विशेष आभार प्रकट गरेका छन् ।
जनताको अभिमतलाई सम्मान गर्दै सामाजिक न्याय, सुशासन, विकास र समृद्धिको यात्रामा निरन्तर समर्पित रहने प्रतिबद्धता उनले व्यक्त गरेका छन् ।
उनले पुनः एकपटक सम्पूर्ण मतदाताप्रति हार्दिक धन्यवाद व्यक्त गर्दै लोकतन्त्र सुदृढ बनाउन सबैको साथ आवश्यक रहेको बताएका छन् ।
Facebook Comment
फिफा विश्वकपमा अल्जेरियालाई २–० ले पराजित गर्दै स्विट्जरल्यान्ड अन्तिम १६ मा प्रवेश गरेको छ ।
आज विहान भएको खेलमा स्विट्जरल्यान्डले दुवै हाफमा एक–एक गोल गरेको हो । स्विट्जरल्यान्डका लागि ब्रिल एम्बोलो र डान एनडोएले गोल गरे ।
स्विट्जरल्यान्डले अब अन्तिम १६ मा कोलम्बिया र घानाबीच भोलि हुने खेलको विजेतासँग खेल्नेछ ।
साउदी अरेबिया सरकारले ३३ जना नेपाली कैदीबन्दीलाई आममाफी दिएकाे छ । रमजानको अवसरमा साउदी सरकारले ती नेपालीलाई माफी दिएकाे परराष्ट्र मन्त्रालयले विज्ञप्तिमार्फत जानकारी दिएकाे छ ।
रियादमा रहेकाे नेपाली दूतावासमार्फत नेपाल सरकारले गरेको विशेष अनुरोधका आधारमा साउदी सरकारले नेपाली कैदीलाई माफी प्रदान गरेको मन्त्रालयकाे भनाइ छ । नेपाली नागरिकलाई माफी दिएकाेमा मन्त्रालयले नेपाल सरकारकाे तर्फबाट साउदी सरकारप्रति धन्यवाद तथा कृतज्ञता प्रकट गरेको छ ।
मन्त्रालयले शाही माफी पाएका ती नेपाली नागरिक साउदीको आवश्यक कानुनी प्रक्रिया पूरा गरेर छिट्टै नेपाल फर्कने जनाएको छ ।
अन्तर्राष्ट्रिय फुटबल महासंघ (फिफा) ले अखिल नेपाल फुटबल संघ (एन्फा) लाई अनिश्चितकालका लागि निलम्बन गरेको छ ।
फिफा काउन्सिल ब्युरोले जारी गरेको निर्णयअनुसार फिफा विधानको धारा १६ बमोजिम एन्फाको सदस्यता निलम्बन गरिएको हो । फिफाले तेस्रो पक्षको हस्तक्षेपलाई कारण देखाएर नेपाललाई प्रतिबन्ध लगाएको हो ।
निलम्बनसँगै एन्फाले फिफा सदस्यका रूपमा प्राप्त गर्ने सबै अधिकार गुमाएको छ । नेपाली फुटबल अनिश्चिता र अन्याेलतातर्फ गएको छ ।
निलम्बनसँगै एन्फा तथा यसअन्तर्गतका राष्ट्रिय टोली, क्लब र पदाधिकारीहरू फिफा तथा एशियाली फुटबल महासंघ (एएफसी) अन्तर्गतका अन्तर्राष्ट्रिय प्रतियोगिता र गतिविधिमा सहभागी हुन नपाउने भएका छन् ।
साथै फिफाबाट प्राप्त हुने आर्थिक, प्राविधिक तथा विकाससम्बन्धी सहयोगसमेत प्रभावित हुने भएकाे छ । फिफाको यो निर्णयले नेपाली फुटबलको अन्तर्राष्ट्रिय सहभागितामाथि प्रत्यक्ष असर पार्ने भएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login