विराटचोक ः इन्द्रपुर जेसीजको पुरस्कार बितरण तथा १७ औँ पदस्थापन कार्यक्रम सम्पन्न भएको छ । शनिवार सुन्दरहरैंचा नगरपालिका वडा नम्बर १० मा रहेको पानस पार्टी प्यालेसमा भव्यरुपमा सो कार्यक्रम सम्पन्न भएको हो । इन्द्रपुर जेसीज वर्ष वर्ष २०१९ अध्यक्ष जेसी भुवन ढकालले वर्ष २०२० का अध्यक्ष जेसी गणेशप्रसाद भट्राइलाई गलामा लगाएको चेन लगाइदिएर सफलतापुर्वक आफ्नो कार्यकाल सम्पन्न गरेका छन् ।

जुनीयर जेसीज तर्फ संस्थापक अध्यक्ष जेसी उत्सव थापाले वर्ष २०२० का अध्यक्ष जेसी टेकराज तिम्सिनालाई चेन लगाइदिएर आफ्नो कार्यकालमा भएका कार्यक्रमको समेत सम्क्षीप्त डिजिटल प्रविधि मार्फत सम्पुर्णमा जानकारी गराएका थिए । उपाध्यक्ष, कार्यकारी उपाध्यक्ष, महासचिव लगायत अन्य पदाधिकारीहरुले पनि वर्ष २०२० का पदाधिकारीहरुलाई पद हस्तान्तरण गर्दै जेसीजको कार्य र आस्था अनुरुप काम गर्न आग्रह गरी पद तथा गोपनियताको सपथ ग्रहण समेत गराएका थिए ।

पुरस्कार वितरण तथा पदस्थापन कार्यक्रमको प्रमुख अतिथि प्रदेश एकका प्रदेश प्रमुख सोमनाथ अधिकारी प्यासी रहेका थिए । प्रमुख अधिकारीले समाजलाई हेर्ने दृष्टिकोण, प्रगति विकास संलग्नता जनप्रतिनिधि संग सामिप्यता संस्थागत विकास नै यसका प्रमुख पाटाहरु भएको बताएका छन् ।

जेसीज भनेको ज्ञान लिने ठाउ भएकाले धेरै विभिन्न शिप सिक्ने ठाउँ पढेरमा नहुने अरुलाई बुझाउने ढाउ भनेको जेसीजले गरिरहेको बताएका छन् ।
कार्यक्रममा राष्टियसभा सदस्य गोपी अच्छामी, सुन्दरहरैंचा नगरपालिका नगरप्रमुख शिवप्रसाद ढकाल, उपप्रमुख धनमाया तामाङ, कोसीहरैंचा उद्योगा वाणिज्य सङ्घ अध्यक्ष नवराज चापागाइ लगायत रहेका थिए ।
शासन व्यक्तिको होइन विधिको हुनु पर्दछ भन्ने मुख्य उदेश्यका साथ २००२ सालमा स्थापना भएको इन्द्रपुर जेसीजले समाजमा रहेको विभिन्न व्यक्तिहरुलाई स्मृति अवार्ड समेत प्रदान गरेको छ । वर्ष २००९ का अध्यक्ष रमेश खड्काले स्थापना गरेको डि. रत्न स्मृति अवार्ड सुन्दरहरैंचा भित्र खेलकुदको विकासमा महत्वपुर्ण भूमिका निर्वाह गर्ने प्रकाश मास्केलाई अवार्ड प्रदान गरेको छ ।

यस्तै वर्ष २०१३का अध्यक्ष हेमचन्द्र घिमिरेले स्थापना गरेको शिवप्रसाद घिमिरे स्मृति अवार्ड अन्तगर्त कक्षा १२मा ३.७८ सहित सर्वोत्कृष्ट अङ्क ल्याउने सुकुना माविका गौरीशंकर शर्मा लाई प्रदान गरेको छ । यसैगरी इन्द्रपुर जेसीजका संस्थापक सदस्य रामकृष्ण खड्काले स्थापना गरेको मातृका खड्का स्मृति छात्रवृति पुरस्कार शारिरीक रुपमा अपाङ्गताका सुविजीमुर मेमोरियल सेकेन्डरी स्कुल कक्षा एल.के.जी.मा अध्ययनरत आरम्भ भण्डारीलाई प्रदान गरेको छ ।

इन्द्रपुर जेसीज वर्ष २००५ का अध्यक्ष शिवप्रसाद ढकाल र वर्ष २०११ का अध्यक्ष यज्ञप्रसाद ढकाल वर्ष २०१७ का अध्यक्ष शारदाप्रसाद ढकालले संयुक्त रुपमा स्थापना गरेको कृष्ण विन्दा आउटस्टेण्डीङ जेसीज अवार्ड समिर बस्नेत लाई प्रदान गरेको छ । यस्तै वर्ष २०१२ का अध्यक्ष नारायण कार्कीले स्थापना गरेको नरदेवी अवार्ड जेसी दुर्गा न्यौपानेलाई प्रदान गरेको छ ।