Connect with us
Advertisement
Advertisement

बुढासुब्बा गोल्डकपमा नयाँ प्रविधिः नेपालमै पहिलो पटक भीएआरको प्रयोग गरिने

Published

on

धरानः नेपालमै पहिलोपटक बुढासुब्बा गोल्डकपमा भीएआर (भिडियो असिस्टेन्ट रेफ्री) प्रयोगमा ल्याउन लागिएको छ ।

विदेशी ठूला प्रतियोगितामा यस प्रविधिको प्रयोग हँुदै आएको बताइएको छ । रेफ्रीले नदेखेका वा दोधार भएको दृश्यमा भीआरएको माध्यमबाट थाहा पाउन सकिने बताइएको छ ।

बुढासुब्बा गोल्डकपको २२ औँ संस्करण आगामी फागुन १० गतेदेखि धरानमा हुने भएको छ । आयोजक धरान फुटबल क्लबले बिहीबार पत्रकार सम्मेलन गर्दै प्रतियोगितामा ८ ओटा टोलीको सहभागिता रहने जानकारी दिएको छ ।

मोफसलको ठूलो सो फुटबल प्रतियोगिताको आयोजक क्लबका अध्यक्ष तथा अखिल नेपाल फुटबल सङ्घ (एन्फा)का प्रदेश अध्यक्ष किशोर राईका अनुसार एन्फाले बुढासुब्बालाई ‘क’ श्रेणीमा राखेपछि प्रतियोगिताको पुरस्कार राशि बढाइएको छ ।

उनका अनुसार अब विजेतालाई १० लाख र उपविजेतालाई ५ लाख रुपैयाँ दिइनेछ । अघिल्लो संस्करणमा विजेतालाई ८ लाख र उपविजेतालाई ४ लाख दिइएको थियो । यसपटकको प्रतियोगितामा मनाङ मस्र्याङ्दी क्लब, मच्छिन्द्र क्लब, नेपाल पुलिस क्लब, युके एफसी भारत, जापान फुटबल लिग टिम, बेलबारी फुटबल क्लब, मेची नेत्रालय काँकरभिट्टा फुटबल ट्रेनिङ सेन्टर र आयोजक धरान फुटबल क्लब सहभागी हुने भएका छन् ।

Continue Reading

Facebook Comment

Advertisement
20 Comments

You must be logged in to post a comment Login

Leave a Reply

खेलकुद

कार्कीद्वारा पदवहाली

Published

on

काठमाडौंः राष्ट्रिय खेलकुद परिषद् (राखेप) अन्तर्गत संघसंस्था समन्वय शाखाको प्रमुखको जिम्मेवारी पाएका इन्द्रबहादुर कार्कीले आइतबार पदवहाली गरेका छन् ।

कार्कीलाई खेलकुद विकास विभागका प्रमुख डेमबहादुर बस्नेतले आइतबार पदवहाली गराएका हुन् । सो अवसरमा बस्नेतसहित आपूर्ति तथा भण्डार शाखाका प्रमुख सुजन खतिवडा, खेलकुद चिकित्सा तथा अनुसन्धान केन्द्रका प्रमुख तिलक नेपाली, खेलकुद विकास विभागका प्रशासकीय अधिकृत चन्द्र राईलगायतले कार्कीलाई बधाइ दिँदै कार्यकाल सफलताका लागि शुभकामना दिएका थिए ।

राखेपको गत भदौ ३१ गतेको निर्णयानुसार कार्कीले प्रमुखको जिम्मेवारी पाएका थिए । कार्की यसअघि १३ औं दक्षिण एशियाली खेलकुद तयारी सचिवालयमा थिए । कार्कीसँग बझाङ, सिन्धुपाल्चोक र काठमाडौं जिल्ला खेलकुद विकास समिति, कर्मचारी प्रशासन शाखा तथा आठौं राष्ट्रिय खेलकुद तयारी सचिवालयमा प्रमुख भई काम गरेको अनुभव छ ।

 

Continue Reading

Banner

दौड र बुद्धिचालमा असामान्य प्रतिभा भएकी जेस्मिना (बाल दिवस विशेष ९)

Published

on

खेल्न कसलाई मन नपर्ला र ? उमेरअनुसार इच्छाएको खेल खेल्न खाँदै गरेको गाँससमेत छोडेर दौडने समाजबाट हुर्किएका हाँै हामी । पछिल्लो समय विभिन्न क्षेत्रमा प्रतिभावान विद्यार्थीले प्रतिभा देखाइरहेका छन् । यस्तै एक प्रतिभा हुन् सुन्दरहरैंचा १ मा रहेको जनता माविमा पढ्ने जेस्मिना खवास । उनको प्रतिभा भनेको दौड हो । घरको काम गर्दै पुस्तक बोकेर विद्यालय जाने उनी अरु भन्दा फरक छिन् । कक्षामा सधैँ उपस्थित हुने गरेकी जेस्मिना बुद्धिचाल प्रतियोगितामा पनि अब्बल छिन् ।

विभिन्न प्रतियोगितमा भाग लिएकी उनले २०७४ सालमा भएको २ सय मिटर दौडमा तृतीय स्थान हात पार्न सफल भइन् । त्यसपछि पनि उनी आफ्नो लक्ष्यमा पुग्न लागिरहिन् । २०७६ को राष्ट्रपति रनिङ शिल्ड प्रतियोगितामा उनी भाग लिन पुगिन् । त्यहाँ दोस्रो स्थान हात पार्न सफल भइन् । यसैको दोस्रो संस्करणमा ट्रिपल जम्प प्रतियोगितामा तृतीय स्थान हात पारिन् । यसैगरी विराट चेस क्लबद्वारा आयोजित बुद्धिचाल प्रतियोगितामा तेस्रो स्थान हात पारिन् ।

सामान्य परिवारमा हुर्किएकी उनी यसरी विजेता बनेर पुरस्कार ल्याउँदा दंग पर्थिन् । ‘मैले पुरस्कार ल्याउँदा घरमा अत्यन्तै राम्रो भन्ने गर्नुहुन्थयो’, उनी भन्छिन्, ‘परिवारबाट पनि पढाइसँगै खेलकुदमा लाग्न प्रेरणा मिलेको थियो ।’ इञ्जिनियर बन्ने इच्छा रहेको बताउने उनी खेललाई पनि सँगसँगै अगाडि लाने बताउँछिन् । उनका बुबा शिक्षण पेशामा आबद्ध छन् । १५ वर्षीया उनी दौडको क्षेत्रमा पनि आफ्नो नाम लेखाउन चाहन्छिन् ।

सम्बन्धित समाचार
मेकानिकल इञ्जिनियर बन्ने सपना बोकेका बाल चित्रकार अंकित (बाल दिवस विशेष ८)

अन्तर्राष्ट्रिय क्रिकेट प्रतियोगितामा म्यान अफ द म्याच बनेका सुमन (बाल दिवस विशेष ७)

स्वरुप खतिवडा: शास्त्रीय गीत गाउन मन पराउने सुन्दरहरैंचा आइडल (बाल दिवस विशेष ६)

आफ्नै आवाजमा गजल रेकर्ड गरिसकेका आयुष (बाल दिवस विशेष ५)

उत्कृष्ट चित्रकार बन्ने सपना कोरोनाले खाइदियो (बाल दिवस विशेष ४)

ज्याब्लिङ थ्रोका अब्बल देवान (बाल दिवस विशेष ३)

जादुमयी स्वरका कारण अघि बढ्दै गरेका दियोग (बाल दिवस विशेष २)

मोडलिङ र नृत्यमा आफ्नो भविष्य देखेकी खुस्बु (बाल दिवस विशेष १)

Continue Reading

Banner

अन्तर्राष्ट्रिय क्रिकेट प्रतियोगितामा म्यान अफ द म्याच बनेका सुमन (बाल दिवस विशेष ७)

Published

on

अन्तर्राष्ट्रिय स्तरमा नेपालले क्रिकेटमा आफ्नो बलियो उपस्थिति जनाउन थालेको छ । हालै जिम्बाबेमा भएको विश्वकप छनोटमा सातौँ भएको नेपाल सन् २०२२ सम्म एक दिवसीय मान्यता प्राप्त देश बनेको छ । अहिले समाजमा युवाहरुको क्रिकेटप्रतिको लगाव ह्वात्तै बढेको छ । विद्यालयमा हुने खेलकुदमा पनि यो खेललाई प्राथमिकताका साथ खेलाउने गरिएको छ ।  सुन्दरहरैंचाका क्रिकेटर सुमन सुन्दासले सानै उमेरमा अन्तराष्ट्रिय खेलमा भाग लिई नगरको नामलाई उचाइमा पुर्याउन सफल भएका छन् । इन्द्रपुर नमुना इङ्लिस स्कुलमा पढ्दै गरेका उनको क्रिकेटप्रतिको मोह यसरी शुरु भएको रहेछ । ‘हाम्रो घर छेउमा प्रमेन्द्र केसी दादाहरु खेल्नुहुन्थ्यो । अनि म उहाँहरुले खेलेको हेर्थेँ,’ उनी सम्झन्छन्, ‘त्यो मेरो हेराइ अरुभन्दा फरक रहेछ । अनि दादाले मलाई उहाँको साथी जस्तै खेल्न बोलाउनुहुन्थ्यो । मैले खेल कसरी खेलिन्छ भन्ने सिक्दै गएँ । दादाहरुको कतै प्रतियोगिता हुँदा सँगै हेर्न जान्थेँ ।

पछिपछि उमेर सानो भए पनि प्रमेन्द्र दादाले मेरो खेल राम्रो मान्नुभएको रहेछ । त्यसपछि जहिल्यै प्राक्टिस गर्न थाल्यौँ । तर घरबाट भने पढाइ बिग्रन्छ भनेर खेल्न जान नदिनेसम्म गर्नुभयो । अनि दादा मेरो घरमा आएर ममी बाबालाई खेलमा भविष्य राम्रो छ, देशमा राम्रो नाम लेखाउन सक्छन् भन्दै सम्झाउनबुझाउन थाल्नुभयो । बिस्तारैबिस्तारै घरबाट पनि सपोर्ट गर्न थाल्नुभयो अहिले त धेरै सपोर्ट गर्नुहुन्छ ।’ कहिले ब्याट, कहिले बलसँगै उनको खेल अगाडि बढिरहयो ।

कक्षा ८ मा पढ्दा उनी काठ्माडौंको नेक्सस एकेडेमीमा आबद्ध भए । नेक्सस एकेडेमीमा ९ महिना तालीम गरेपछि उनी क्रिकेट खेल्नकै लागि १६ वर्ष मुनिको टोलीबाट श्रीलंका गए । त्यहाँ ५ वटा म्याच खेलेकोमा उनको टोलीले ४ वटा म्याच जित्यो । उनी उक्त खेलमा म्यान अफ द म्याच बने । यस्तै उनी नेपालमा अन्डर १६ सान कपमा दोस्रो भए । नेक्सस एकेडेमीको उत्कृष्ट विकेट टेकर बने । त्यस्तै प्रदेश क्वाटर फाइनलमा म्यान अफ द म्याच बने ।

सुमन अहिले क्रिकेटमा आफ्नो भविश्य सम्झेर दिनरात लागि परेका छन् । यस क्षेत्रमा क्रिकेट खेल्ने ठाउँ भने कतै नभएर आफ्नो सपना पानीको फोकाजस्तै बिलाउने त होइन भनी उनी चिन्तित छन् । कुनै लक्ष्यमा पुग्न त्यस प्रतिको लगाव, मिहिनेतसँगै ठाउँको पनि महत्वपूर्ण भूमिका रहन्छ । ‘हामीले खेल्ने भनेको घर छेउको बाटो हो । त्यहाँ जतिबेलै गाडी र मान्छे हिँड्ने भएकाले कहिल्यै राम्रो खेल्न पाइँदैन’, उनी भन्छन्, ‘हाम्रो वरपर कुनै खेल्ने ठाउँ छैन । यदि भइदिए म र मेरो ठाउँलाई चिनाउन थप सहयोग पुग्ने थियो । मेरो लक्ष्य भनेको पनि राम्रो क्रिकेटर बन्नु नै हो । मलाई यो ठाउँसम्म ल्याउन सबैभन्दा ठूलो देन दादाको रहेको छ ।’

सम्बन्धित समाचार

स्वरुप खतिवडा: शास्त्रीय गीत गाउन मन पराउने सुन्दरहरैंचा आइडल (बाल दिवस विशेष ६)

आफ्नै आवाजमा गजल रेकर्ड गरिसकेका आयुष (बाल दिवस विशेष ५)

उत्कृष्ट चित्रकार बन्ने सपना कोरोनाले खाइदियो (बाल दिवस विशेष ४)

ज्याब्लिङ थ्रोका अब्बल देवान (बाल दिवस विशेष ३)

 

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक