शिक्षा / स्वास्थ्य
राहत दिने र लिनेको फोटो होइन, विवरण सार्वजनिक होस्
‘लकडाउन’ लम्बिँदै जाँदा दैनिक ज्याला मजदुरी गरेर खाने परिवारका घरमा चुलो बल्न छाडेको छ । हातमुख जोर्न समस्यमा परे यस्ता परिवारलाई सरकारले राहत सामग्री उपलब्ध गराउने भएको छ ।
त्यसै क्रममा अहिले निम्न आय भएका परिवारलाई राहत उपलब्ध गराउन हरेक स्थानीय तहले विपत् व्यवस्थापन कोष स्थापना गरेका छन् । सो कोषमा सहयोग गर्नेहरुको संख्या पनि दिनहुँ बढिरहेको छ । सहयोग गर्नेको संख्या बढिरहेको देख्दा विपत् कोषमा सहयोग रकम राम्रै संकलन हुने र त्यसले हातमुख जोर्न समस्यामा परेका परिवारलाई सहयोग पुग्ने देखिन्छ ।
तर, यो सहयोग विपत् कोषमा जम्मा गर्ने क्रममा देखिएको भीड, फोटो खिच्ने मोह अनि मास्क र पञ्जा नलगाएको देख्दा यस्ता कार्यले कोरोना संक्रमणको सम्भावना बढाइरहेको त छैन भन्ने देखिन्छ । विपत्को बेलामा सहयोग गर्नु राम्रो हो । तर सहयोग गरेको समयको फोटो खिच्नै पर्ने, दूरी कायम नगर्ने अनि मास्क र पञ्जा नलगाउने हो भने हामी कति सचेत छाँै भन्ने देखिँदैन र ?
हामीले राहत उपलब्ध गराएको सम्बन्धित परिवारले पाऊन् भनेर हो । यसमा अँगालो हालेजसरी फोटो खिच्नु अनि मास्कको प्रयोग नगर्नु र राहत उपलब्ध गराएको समयमा सबैको आँखा क्यामेरातिर हुनुले के संकेत गर्छ ? क्यामेरा नहुनु भने हामी राहत नै दिँदैनथ्यौँ कि ?
त्यसैले बेलैमा सोचौँ । राहत उपलब्ध गराएको फोटो खिच्नै पर्छ भन्ने छैन । हामीले फोटो खिच्दैमा सम्बन्धि परिवारले राहत पाउने होइन । राहत पाउने व्यक्तिको पनि फोटो नखिच्दा हुन्छ । सामाजिक सञ्जालमा फोटो हाल्नुको सट्टा स्थानीय सरकारले दाताले उपलब्ध गराएको सहयोगको विवरण र विपत्मा परेका परिवारलाई दिएको राहतको विवरणचाहिँ पोष्ट गरेमा कति राम्रो हुने थियो ।
Facebook Comment
विराटचोकः मोरङको क्षेत्र नम्बर ३ बाट निर्वाचित प्रतिनिधि सभा सदस्य डा. सुनिल शर्माको पहलमा गोठगाउँस्थित पूर्वाञ्चल विश्वविद्यालयमा आगामी माघ १ गतेदेखि ९ बजेदेखि ५ बजेसम्म सेवा सञ्चालन गरिने भएको छ ।
विश्वविद्यालयमा सोमबार आयोजित पत्रकार भेटघाट कार्यक्रममा सांसद शर्मासहित विश्वविद्यालयका पदाधिकारीले अस्पताल सञ्चालन गरिने जानकारी गराएका हुन् । कार्यक्रममा सांसद शर्माले जुनसुकै हालतमा माघ १ गतेबाट अस्पताल सञ्चालन गर्ने गरी तयारीमा जुट्न विश्वविद्यालयका पदाधिकारीहरुलाई निर्देशन दिए ।
‘माघ १ गतेबाट अस्पताल सञ्चालन गर्नुपर्छ’, सांसद शर्माले भने, ‘अस्पताल चलाउने जिम्मा हाम्रो पनि हो, मेरो तर्फबाट सबै सहयोग गर्छु जस्तोसुकै हालतमा पनि अस्पताल चलाउनैपर्छ ।’ नोबेल अस्पतालका सञ्चालकसमेत रहेका सांसद शर्माले अन्य उपाय नलागेमा एक वर्षका लागि चिकित्सकको व्यवस्था आफैँले मिलाइदिने घोषणासमेत गरेका छन् ।
आसपासका क्षेत्रका सर्वसाधारणको सहजताका लागि अस्पताल सञ्चालन गर्न अपरिहार्य रहेकोमा जोड दिँदै डा. शर्माले यो विषयमा राजनीति नगर्न सबैलाई आग्रह पनि गरे ।
विराटचोकः निजी तथा आवासीय विद्यालय अर्गनाइजेसन नेपाल (प्याब्सन) सुन्दरहरैंचाको दोस्रो साधारण सभामा ३ जना विद्यार्थी सम्मानित भएका छन् ।
सुन्दरहरैंचाभित्रका निजी विद्यालयमा अध्ययनरत विद्यार्थीमध्ये गत वर्षको एसईई परीक्षामा सर्वाेत्कृष्ट हुने एक छात्र र छात्रालाई पुरस्कृत गरिएको हो । पुरस्कृत विद्यार्थीका अभिभावकलाई पनि सो अवसरमा सम्मान गरिएको थियो ।
छात्रतर्फ सिद्धार्थ सेकेण्डरी स्कुलका अभिनव बस्नेत तथा छात्रातर्फ सुविजीमुर मेमोरियल माध्यमिक विद्यालयका एन्जल राई र जुपिटर इङ्लिस स्कुलकी प्राश्ना पराजुली पुरस्कृत भएकी हुन् ।
साधारण सभामा प्याब्सन सुन्दरहरैंचाका अध्यक्ष दिपेन राईले साङ्गठानिक प्रतिवेदन प्रस्तुत गरेका थिए । कोषाध्यक्ष तिलक राईले आर्थिक प्रतिवेदन प्रस्तुत गरेका थिए ।
कार्यक्रममा प्याब्सनका केन्द्रीय सचिव हेमन्त कार्की, जिल्ला सदस्य कमल तिम्सिना, दुर्गाप्रसाद घिमिरेलगायतको उपस्थिति थियो ।
विराटचोकः शिक्षक सेवा आयोगले निम्न माध्यमिक तहको गणित, विज्ञान विषयमा ३८१ जना शिक्षक माग गरेकामा ५७ जनाले मात्र लिखित परीक्षा उत्तीर्ण गरेका छन् । आयोगले देशभरका लागि ३८१ शिक्षक माग गरेको थियो ।
गत चैत १७ गते भएको सामान्य लिखित परीक्षा र असार ११ गतेको विषयगत लिखित परीक्षा उत्तीर्ण हुने जम्मा ५७ जना मात्र रहेको आयोगले जनाएको छ । उनीहरु सबै अन्तर्वार्तामा उत्तीर्ण हुने निश्चित छ ।
आयोगका अनुसार मधेस प्रदेशमा निमाविको गणित विज्ञानका लागि २० शिक्षक माग गरिएको थियो । तर आवेदन दिएका परीक्षार्थीमध्ये कोही पनि विषयगत लिखित परीक्षामा उत्तीर्ण हुन सकेनन् ।
प्रदेश १ मा १६१ जना चाहिनेमा २४, बागमती प्रदेशमा ५८ मा २ जना, गण्डकी प्रदेशमा ३९ जनाको आवश्यकतामा ५ जना उत्तीर्ण भएका छन् । लुम्बिनी प्रदेशमा ३३ जना आवश्यक भएकोमा ५ जना, कर्णाली प्रदेशमा २३ जना चाहिनेमा ७ जना र सुदूरपश्चिम प्रदेशमा ४७ जनाको लागि विज्ञापन हुँदा १४ जनामात्रै पास भएका छन् ।
-
अर्थ3 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner5 months agoसाउनदेखि कुन तहका कर्मचारीको कति तलब ?
-
खेलकुद3 years agoरंगशालाको अवलोकन
-
अर्थ3 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य3 years agoशेयर बजारमा झिनो अंकको गिरावट
-
मुख्य3 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य3 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
प्रदेश नं. १3 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login