विराटचोकः कोरोना भाईरसको संक्रमणले गर्दा नेपाल अहिले यो संक्रमण रोक्न लकडाउनको अवस्था छ । सरकारले गरेको लकडाउनका कारण भाडामा बसेर अध्ययन गर्ने विद्यार्थीलाई मार्का पर्न थालेपछि विभिन्न विद्यार्थी संघ संगठनले राहत वितरण थालेका छन् ।

यसै क्रममा मोरङको सुकुना बहुमुखी क्याम्पसमा अध्ययनका लागि पूर्वी पहाडि जिल्ला, तेह्रथुम, संखवासभा, भोजपुर, खोटाङ, इलाम, पाँचथर, धनकुटा लगायतका जिल्लाबाट आएका विद्यार्थीलाई नेविसंघ सुकना बहुमुखी क्याम्पसले शुक्रबार कोठा कोठामा पुगि प्रत्येक विद्यार्थीलाई, चामल, दाल, तेल र साबुन सहित माक्स वितरण गरेको छ । पहिलो चरणमा ३५ जनालाई वितरण गरिएको हो ।

स्थानिय सरकारले राहत वितरणको कार्यक्रम ल्याएता पनि यसबाट असाहाय विपन्न र गरिब परिवार समेटिए पनि उच्च शिक्षा हासिल गर्न विभिन्न क्षेत्रबाट आएर कोठाभाडा लिएर बसेका विद्यार्थीभने ओझेलमा परेकाले उनीहरुलाई राहत दिइएको सुकुना बहुमुखी क्याम्पस नेविसंघका इकाई सभापति विजय तोलांगीले जानकारी दिए ।

स्थानीय सरकारले एकद्धार प्रणलीबाट रहात वितरण गर्ने नियम बनाएपछि राहत वितरणको लागी विद्यार्थीको नामावली संकलन सङ्गै वितरणलाई तिब्रता दिएको सभापति तोलांगी बताउछन् ।
यसैक्रममा कोठाभाडामा बस्ने विद्यार्थीहरुको घर धनीलाई चैत्र महिनाको भाडा छुट गर्न क्याम्यस संग समन्वय गरेर पहल गर्ने सभापति तोलाङ्रीले बताए ।
राहत वितरणमा क्षेत्रीय सभापति होमनाथ पोखरेल, निवर्तमान सभापति सुमन ढकाल, विद्यार्थी नेता सरोज थापा लगायतको उपस्थिति रहेको थियो ।

कसैलाई लकडाउनका कारण समस्या भए सम्पर्कमा आउन समेत सभापितले अनुराेध गरेका छन् ।