स्थानीय तह
अहिलेको अवस्थामा नाफालाई पर राखेर मानवता सोच्नुहोस्ः उपमेयर तामाङ
विराटचोकः मोरङको सुन्दरहरैंचाका मुख्य बजार क्षेत्रको अनुगमन गरिएको छ । नगरपालिकाले नगरका दुवै उद्योग वाणिज्य संघको समन्वयमा बजार अनुगमन गरेको छ । अनुगमनमा व्यवसायीहरु सचेत देखिएको, धेरैले मास्क र पन्जा लागाएरमात्र पसलमा बसेको तथा सेनिटाइजरको प्रयोग समेत गरेको पाइएको अनुगमन समिति संयोजक नगरउपप्रमुख धनमाया तामाङले बताइन् ।
अनुगमनका क्रममा उपप्रमुख तामाङले अहिलेको अवस्थामा धेरै नाफा भन्दा पनि मानवतालाई ख्याल गरेर व्यवसाय गर्न उनले सुझाव दिएकी थिइन् । देशका केही ठाउँमा कालोबजारी गरेको समाचार आइरहेका बेला सबै व्यवसायी सचेत भएर, सरकारले भनेको नियम जस्तै दूरी कायम गरेर तथा भीडभाड नगरी तोकिएको पसलहरुमात्र खुला भएको पाइएको उनले बताइन् । खासगरी लकडाउनको समयमा खाद्यान्न, साग सब्जी, दूध डेरी र औषधीका पसलहरूमात्र सञ्चालन गर्न पाइने छ ।
केही दिन अघि विराटचोक र सलकपुरमा अनुगमन गरिएको तथा हिजो बुधबार पूर्वपश्चिम लोकमार्गअन्तर्गत बलियाबाट गछिया हँुदै गोठगाउँसम्म अनुगमन गरिएको थियो । आज बिहीबार भने बेलेपुर, हरंैचा बजार र मृगौलियामा अनुगमन गरी पहिलो चरणको अनुगमन सम्पन्न भएको बताइएको छ ।
सुन्दरहरंैैचा उद्योग वाणिज्य संघका अध्यक्ष नवराज चापागाईले कुनै ठाउँमा कालोबजारी नभेटिएको र केही पसलमा सामान्य भीडजस्तो देखिएकाले उनीहरुलाई दूरी कायम गर्न आग्रह गरिएको बताए । केही स्थानमा प्रहरीले सागसब्जी ढुवानीका गाडीमा अवरोध गर्ने गुनासो आउने गरेको र त्यसलाई पनि प्रहरीको समन्वयमा सहजीकरण गरिरहेको उनले बताए ।
लकडाउनका कारण व्यवसाय ठप्प भएको अवस्थामा अध्यक्ष चापागाईले आफ्नो घरमा व्यवसाय गर्नेलाई लकडाउनभरिको भाडा नलिने बताउँदै अन्य वन्द भएका व्यवसायीका घरधनीलाई पनि भाडा छुट दिन आग्रह गर्ने बताए ।
सुन्दरदुलारी उद्योग वाणिज्य संघका अध्यक्ष किशोर कार्कीले यो महामारीलाई रोक्न लकडाउन अपरिहार्य भएकाले सबै जना घरमा बस्नुपर्ने र तोकिएका पसलमा सामग्री किनमेल गर्दा ग्राहकले पहिले आफ्नो स्वास्थ्यलाई ख्याल गर्नुपर्ने बताए । आफू पनि बच्ने र अरुलाई पनि बचाउने तरीकाले व्यवसाय गर्न व्यवसायीलाई अनुरोध गरिएको पनि उनको भनाइ छ । अनुगमनमा सशस्त्र प्रहरी सलकपुरका प्रमुख बिदुर भट्टराई, इलाका प्रहरी कार्यालय हरैंचा, विराटचोक र गछिया प्रहरीको समेत सहभागिता थियो ।
सरकारले चैत ११ गते बाट कोरोना भाइरस (कोभिड १९) रोकथाम तथा नियन्त्रणका लागि बन्दाबन्दी अर्थात् लकडाउन गरेको छ । लकडाउनका कारण घरमै बस्नुपर्ने सरकारले जनाएको छ । २४ दिन अघिदेखि नागरिकहरु घरमै बसिरहेका छन् ।
Facebook Comment
एटीएम कार्डबाट गर्न सकिने कारोबारको सीमा घटेको छ । नेपाल राष्ट्र बैङ्कले बुधबार जारी गरेको एकीकृत निर्देशन २०८२ मार्फत यसअघिको कारोबार सीमा घटाइएको हो ।
नेपाल राष्ट्र बैङ्कका अनुसार प्रति कारोबारको सीमा ५ हजार रुपैयाँ, दैनिक कारोबारको सीमा ५० हजार रुपैयाँ र मासिक कारोबारको सीमा १ लाख रुपैयाँले घटाइएको छ ।
जब कि यसअघि प्रति कारोबार २५ हजार रुपैयाँ, प्रतिदिन १ लाख रुपैयाँ र प्रति महिना ४ लाख रुपैयाँ एटीएमबाट निकाल्न सकिने अवस्था थियो ।
नगद कारोबारभन्दा डिजिटल कारोबारलाई प्रोत्साहन गर्ने नीति अनुरूप कारोबार सीमा घटाइएको राष्ट्र बैङ्कका प्रवक्ता गुरुप्रसाद पौडेलले बताए ।
उनका अनुसार केही महिनाअघि जारी निर्देशनहरूलाई नै अहिले एकीकृत निर्देशिकाको रूपमा ‘कम्पायल’ मात्र गरिएको हो । जसमा अनुमतिपत्र प्राप्त ‘क’ वर्गका वाणिज्य बैङ्कले नेपाल सरकारले तोकेका सडक तथा सडक खण्डहरूमा चल्ने सवारी साधनहरूबाट सडक उपभोग दस्तुर (टोल फि) सङ्कलन गर्ने प्रयोजनका लागि आरएफआईडी चिपमा आधारित प्रिपेड ट्याग तथा कार्ड जारी गर्न सक्ने नयाँ व्यवस्था समेत समावेश छ ।
आजदेखि देशभर दोस्रो आर्थिक गणना हुँदैछ । त्यसका लागि देशभर नै गणक तथा आवश्यक सुपरीवेक्षक सम्बन्धित क्षेत्रमा पुगिसकेको राष्ट्रिय तथ्याङ्क कार्यालयले जनाएको छ ।
कार्यतालिकाअनुसार स्थलगत तथ्याङ्क सङ्कलनको काम आगामी असारको पहिलो साताभित्र सम्पन्न हुनेछ । गणनाका लागि करिब पाँच हजार जनशक्ति परिचालन गरिएका छन् ।
अर्थ मन्त्रालयले मुलुकको समग्र औद्योगिक एवं आर्थिक क्षेत्रसँग जोडिएको तथ्याङ्क सङ्कलन गरिने भएकाले यस कार्यमा योगदानका लागि सबैलाई आग्रह गरेको छ । गणनामा उद्योग, व्यवसाय, सेवा क्षेत्र, सहकारी तथा निजी क्षेत्र, सार्वजनिक संस्थाको सङ्ख्या, प्रकार, लगानी, रोजगारी, उत्पादन र सेवा प्रवाहलगायत आर्थिक क्षेत्रका १८ वटा क्षेत्रको आधारभूत विवरण सङ्कलन गरिने छ ।
त्यसक्रममा देशभर दर्ता भए÷नभएका ठूला साना व्यापार प्रतिष्ठान, रोजगारीका हिसाबले धेरै रोजगारी दिएका वा स्वरोजगार भएका प्रतिष्ठान, अन्य उद्योग, कलकारखाना, व्यापार र व्यवसाय, गैरसरकारी सङ्घसंस्था, सरकारी संस्थान, सरकारी वा निजी विद्यालय, अस्पताललगायतको गणना गरिने छ ।
आर्थिक गणना तयारीको पूर्वचरणका काम गत फागुन मसान्तमा सम्पन्न भइसकेका छन् । चैतको सुरुवातमा ७७ जिल्ला र थप सात गरी ८४ कार्यालय स्थापना गरिएका छन् । ती कार्यालय आगामी असार मसान्तसम्म सञ्चालन हुनेछ ।
यसअघि २०७५ सालमा राष्ट्रिय आर्थिक गणना गरिएको थियो । गणनामा देशभर नौ लाख २३ हजार ३५६ प्रतिष्ठान एवं व्यवसाय सञ्चालनमा रहेको विवरण सार्वजनिक भएको थियो ।
आइतबार नेप्से परिसूचक ५४.५१ अंक बढेर २९३१.५५ विन्दुमा पुगेको छ। यो करिब ७ महिनायताकै उच्च विन्दु हो। यस अघि गत साउन १४ गते नेप्से परिसूचक २९५४.१४ विन्दुमा बन्द भएको थियो। त्यस्तै, यस दिन सेन्सेटिभ इण्डेक्स ११.११ अंक बढेको छ भने फ्लोट इण्डेक्स ४.०६ अंक र सेन्सेटिभ फ्लोट इण्डेक्स ३.८२ अंक बढेको छ।
नेप्सेसँगै यस दिन कारोबार रकम पनि उच्च बढेको छ। यस दिन बजारमा ३६४ स्टकको २ लाख ४ हजार ९५५ पटकको कारोबारमा २३ अर्ब ५९ करोड ७७ लाख १२ हजार रुपैयाँबराबरको ६ करोड १४ लाख ७ हजार कित्ता शेयर खरिदबिक्री भएको छ। यस दिनको कारोबार रकम पनि करिब ७ महिनायताकै उच्च हो। यस अघि गत साउन ११ गते बजारमा २६ अर्ब ५७ करोड ७४ लाख रुपैयाँबराबरको शेयर कारोबार भएको थियो।
यस दिन ७ स्टकको शेयर सकारात्मक सर्किट लेभलमा कारोबार भएको छ। यस दिन कर्पोरेट डेभलपमेन्ट बैंक, सालपा विकास बैंक, रिलायन्स स्पिनिङ्ग मिल्स, अभियान लघुवित्त वित्तीय संस्था, सोलु हाइड्रोपावर, भुजुङ्ग हाइड्रोपावर र होटल फरेष्ट इनको शेयर सकारात्मक सर्किट लेभलमा कारोबार भएको हो। त्यस्तै, यस दिन विजय लघुवित्त वित्तीय संस्थाको शेयरमूल्य करिब १० प्रतिशत बढेको छ भने एनआईसी एशिया लघुवित्तको शेयरमूल्य ९ प्रतिशतभन्दा बढी बढेको छ। यस दिन एनआईसी एशिया ब्यालेन्स्ड फण्डको इकाईमूल्य सर्वाधिक ५.७१ प्रतिशत घटेको छ।
कारोबार रकमका आधारमा यस दिन कुमारी बैंक शीर्ष स्थानमा रहेको छ। सो बैंकको यस दिन ८५ करोड ९६ लाख रुपैयाँबराबरको शेयर किनबेच भएको छ। त्यस्तै, यस दिन नेशनल हाइड्रोपावरको करिब ७८ लाख रुपैयाँको शेयर कारोबार भएको छ भने शिवम् सिमेन्ट्सकाे कारोबार रकम ७५ करोड रुपैयाँ नाघेको छ।
१३ उपसमूहमध्ये यस दिन १२ उपसमूहको परिसूचक बढेको छ भने १ उपसमूहको परिसूचक घटेको छ। यस दिन लघुवित्त उपसमूहको परिसूचक सर्वाधिक ४.२१ प्रतिशत बढेको छ। त्यस्तै, यस दिन होटल तथा पर्यटन उपसमूहको परिसूचक ३ प्रतिशतभन्दा बढी बढेको छ भने बैंकिङ्ग, विकास बैंक, वित्त, जीवन बीमा र निर्जीव बीमा उपसमूहको परिसूचक २ प्रतिशतभन्दा बढी बढेको छ। यस दिन व्यापार उपसमूहको परिसूचक सामान्य घटेको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login