शिक्षा / स्वास्थ्य
सुन्दरहरैंचामा द्रुत परीक्षण विधिबाट परीक्षण शुरु
विराटचोकः सुन्दरहरैंचा नगरपालिकामा विदेशबाट आएका व्यक्तिहरुको द्रुत परीक्षण विधि अर्थात् र्यापिड डाइग्नोस्टिक टेष्ट (आरडीटी) शुरु गरिएको छ ।
विदेशबाट आएका व्यक्तिलाई लक्षित गरी यस्तो परीक्षण थालेको नगरप्रमुख शिवप्रसाद ढकालले बताएका छन् । नगरले यसअघि पूर्वाञ्चल विश्वविद्यालयमा रहेको क्वारेन्टाइनमा परीक्षण गरेका व्यक्तिहरुलाई आरडीटीमार्फत् शुक्रबार दुलारी स्वास्थ्य चौकी गछियाबाट परीक्षण शुरु गरेको हो ।
परीक्षणमा कसैलाई आरडीटी पोजेटिभ देखिएमा थप परीक्षणका लागि कोशी अञ्चल अस्पताल र धरानस्थित बीपी कोइराला स्वास्थ्य विज्ञान प्रतिष्ठान लगिने नगरम्रमुख ढकालले बताए ।
परीक्षणका लागि आवश्यक पर्ने स्वास्थ्य सामग्री (किट) भने प्रदेश सरकारमार्फत् नगरपालिकामा आएको थियो । सो परीक्षणका लागि स्वास्थ्यकर्मीलाई प्रशिक्षण गराई सुरक्षित तरिकाले परीक्षण थालिएको नगरप्रमुख ढकालले बताए ।
विदेशबाट आएका तथा कोरोना लक्षण देखिने बिरामीमध्ये २ सय १७ जनाको परीक्षण गरिने भएको छ । जसमा वडा नम्बर १ मा ७ जना, २ मा २३ जना र वडा नम्बर ३ मा ९ जना रहेका छन् ।
त्यस्तै वडा नम्बर ४ मा १५ जना, वडा नम्बर ५ मा ६ जना, वडा नम्बर ६ मा ८ जना र वडा नम्बर ७ मा ३१ ज्नाको परीक्षण गरिनेछ । ढकालका अनुसार वडा नम्बर ८ मा ३० जना, ९ मा २० जना, १० मा १५ जना, ११ मा ९ जना र वडा नम्बर १२ मा २८ जनाको परीक्षण गरिनेछ । वडा नखुलेका १६ जना गरी २ सय १७ जनाको आरडीटी परीक्षण गरिने बताइएको छ ।
पहिलो चरणमा आज शुक्रबारदेखि नगरले साबिक सुन्दरदुलारी नगरपालिकाका सबै वडामा परीक्षण शुरु गरेको छ भने साबिक कोशीहरंैचा नगरपालिकाका वडाहरुमा आइतबारबाट शुरु गरिने भएको छ । आज ३२ जनाको परीक्षण गरेको स्वास्थ्य शाखा प्रमुख मच्छिन्द्र बस्नेतले बताए ।
उता, पूर्वाञ्चल विश्वविद्यालयमा जम्मा २ सय २३ जनाको स्वास्थ्य परीक्षण गरिएको र १० जनालाई प्रदेश सरकारले तयार पारेको टाँडीमा रहेको क्वारेन्टाइनमा राखिएको बस्नेतले जानकारी दिए ।
सरकारले कोरोना भाइरस नियन्त्रण तथा रोकथामका लागि चैत ११ गतेबाट देशभर बन्दाबन्दी अर्थात् लकडाउन गरेको छ । हालसम्म नेपालमा १६ जनामा कोरोना संक्रमणको पुष्टि भएको छ भने २ जना निको भएका छन् ।
Facebook Comment
धनकुटाः मध्यपहाडी लोकमार्गमार्फत् महाकालीदेखि मेचीको यात्रामा निस्किएको एमालेको सङ्कल्प यात्राको टोलीमाथि धनकुटाको लेगुवामा मुक्का प्रहारको प्रयास भएको छ ।
सङ्कल्प यात्रा टोली भोजपुरबाट धनकुटा प्रवेश गर्ने क्रममा महालक्ष्मी ५ लेगुवामा ओलीलाई स्वागत गर्ने क्रममा लाइनमा बसेका व्यक्तिको बीचबाट प्रवेश गरेर ओलीमाथि मुक्का प्रहारको प्रयास भएको थियो । मुक्का हान्न प्रयास गर्ने लेगुवाका महेश राईलाई प्रहरीले नियन्त्रणमा लिएको छ ।
उनले मादक पदार्थ सेवन गरेको प्रहरीले जनाएको छ ।
विराटचोकः सुन्दरहरैंचा नगरपालिकाका निवर्तमान नगरप्रमुख शिवप्रसाद ढकालकी छोरी सायनाले आफ्नो जन्मदिनमा न्यानो कपडा वितरण गरेकी छिन् ।
सायनाको १३ औ जन्मदिनको अवसर पारेर सुन्दरहरैंचा – ९ मा रहेको श्रीकृष्ण प्रणामी मन्दिरमा आश्रित बालबालिकाहरुलाई न्यानो कपडा वितरण गरिएको हो । पाथीभरा स्वतन्त्र महिला समाजको ब्यानरमा आयोजित कार्यक्रममा उनले न्यानो कपडा वितरण गरेको समाजकी अध्यक्ष सुनिता पोखरेलले बताइन् ।
कार्यक्रममा पाथीभरा स्वतन्त्र महिला समाजकी पूर्व अध्यक्ष, निवर्तमान अध्यक्ष लगायतका पदाधिकारीहरु उपस्थित थिए ।
विराटनगरः विराटनगर –३ बुद्धचोकमा रहेको बुद्धोदय बचत तथा ऋण सहकारी संस्थाको नयाँ कार्यसमिति सर्वसम्मत चयन भएको छ । संस्थाको सञ्चालक समिति अध्यक्षमा पुनः राजेन्द्रप्रसाद खनाललाई चयन गरेको हो । खनालको अध्यक्षतामा ९ सदस्यीय नयाँ कार्यसमिति र पुनः अविनाशकुमार निधिको संयोजकत्वमा तीन सदस्यीय लेखा समिति समेत सर्वसम्मत चयन भएको हो ।
कार्यसमितिको उपाध्यक्षमा प्रेमबहादुर खड्का , सचिवमा सन्तोष वराल, कोषाध्यक्षमा यज्ञप्रसाद खतिवडा चयन भएको निर्वाचन समितिले जनाएको छ । त्यसैगरी समितिको सदस्यहरुमा उद्धव घिमिरे, भोजराज निरौला, दिपेश चौधरी, यादवप्रसाद पोखरेल र सीतादेवी खड्का सर्वसम्मत चयन भएका निर्वाचन समितिका संयोजक गोविन्दप्रसाद दाहालले जानकारी दिए ।
लेखा समितिको सदस्यमा टीकाप्रसाद कोइराला र झनकुमारी निरौला चयन भएका छन् ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login