कोशी प्रदेश
गोठगाउँमा साँच्चै अस्पताल बनाउने हो कि हल्ला मात्रै गर्ने
विराटचोकः अघिल्लो साता बसेको मन्त्रिपरिषद्को बैठकले प्रदेश नम्बर १ का केही अस्पतालमा बेड थप्ने निर्णय गर्याे । जसमा पूर्वाञ्चल विश्वविद्यालय गोठगाउँमा पनि २ सय बेड थप्ने निर्णय भयो । कोरोनाका संक्रमित थपिइरहेको बेला उपचारमा सहज होस् भनी मन्त्रिपरिषद्ले विभिन्न अस्पतालमा ८ सय ५० बेड थप्ने क्रममा पूर्वाञ्चल विश्वविद्यालय गोठगाउँमा पनि २ सय बेड थप्ने निर्णय गरेको थियो ।
यो निर्णयसँगै सुन्दरहरैंचावासी मात्रै नभएर पूर्वाञ्चल विश्वविद्यालयको हित चाहनेहरु खुशी भए । गोठगाउँमा ८ सय बिघाभन्दा बढी जग्गा भए पनि पूर्वाञ्चल विश्वविद्यालयको प्रशासनिक काम भने विराटनगरमा रहेका भाडाका घरका साँघुरा कोठाबाट सञ्चालन भइरहेको छ । गोठगाउँमा शिक्षण अस्पताल सञ्चालन हुन पनि थप भएका ती बेडले सहयोग पुग्ने हुनाले विश्वविद्यालयको हित चाहने र गोठगाउँमा शिक्षण अस्पताल स्थापना भएको हेर्न चाहने खुशी हुनु स्वाभाविक हो ।
यस्तो छ विश्वविद्यालयको इतिहास
२०५२ सालमा स्थापना भएको विश्वविद्यालयको लागि आवश्यक पर्ने जग्गाको लागि गोठगाउँमा ८ सय ५ बिघा जग्गा उपलब्ध गराउने निर्णय २०५५ सालमा भयो । प्रधानमन्त्री गिरिजाप्रसाद कोइरालाको मन्त्रिमण्डलले सो निर्णय गरेको थियो ।
सो निर्णयपछि ४० करोडको लगानीमा विश्वविद्यालयको जग्गामा गोठगाउँमा भवन बन्न थाले । माओवादी जनयुद्धको प्रभावका कारण ती भवन समयमै निर्माण पूरा हुन सकेनन् । देश शान्ति प्रक्रियामा आइसकेपछि २०६५ सालमा मात्रै ती भवन पूर्ण रुपमा निर्माण भए ।
अस्पतालमा उपचार सेवा शुरु भएपछि स्थानीय खुशी भएका थिए । तर शिक्षण अस्पताल भनिएको र विश्वविद्यालयद्वारा सञ्चालित सो अस्पताल क्लिनिकजस्तै साँघुरो देखिन्छ । त्यस्तै, स्वास्थ्यकर्मीको अनियमितताका कारण सेवाग्राही पनि मारमा पर्ने गरेका छन् । स्वास्थ्यकर्मी नियमित नआउने, लामो समयसम्म नबस्ने समस्याका कारण स्थानीयहरुलाई विश्वविद्यालय सञ्चालन ‘कागलाई बेल पाके’जस्तै भएको हो ।
२०७० सालमा प्रमिला थापा क्याम्पस प्रमुख भएर आएपछि विश्वविद्यालयमा नर्सिङ अध्ययन शुरु भएको छ । त्यसपछि कृषि लगायतका अन्य संकायमा पढाइ हुन थाले पनि अस्पतालको अवस्थामा भने खासै सुधार आउन सकेको छैन ।
क्वारेन्टाइनपछि अस्पतालको चर्चा
विश्वविद्यालय क्षेत्रमा अहिले क्वारेन्टाइन पनि सञ्चालन भइरहेको छ । नेपाली सेनाले सञ्चालन गरेको मोरङको टाँडीमा रहेको क्वारेन्टाइन गत बैशाखदेखि यहाँ सारिएको हो । नगरपालिकाको समन्वयमा हेल्प डेस्क राखेर आरडीटी र पीसीआर परीक्षणको काम पनि त्यहाँ भइरहेको छ । तर पर्याप्त स्वास्थ्य सामग्री र जनशक्ति नहुँदा सामान्य ज्वरो आउँदा पनि सेवाग्राहीले सेवा लिन भने पाएका हुँदैनन् ।
अब अहिले अस्पताल बनाउने भनेर प्रदेश सरकार नै लागिरहेको छ । तर यसअघि स्वास्थ्य क्षेत्रमा भएका काम स्मरणीय नदेखिएकाले अस्पताल बनाउने भन्ने हल्लामात्रै हो कि भन्ने आशंका पनि स्थानीयमा छ ।
विश्वविद्यालयमा आइसोलेन बनाउन मिल्ने संरचना पनि छ, इमर्जेन्सी पनि तयार छ, खुला चौर पनि प्रशस्त छ । तर पनि अस्पताल सञ्चालनमा भने स्थानीय त्यति विश्वस्त हुन भने सकेका छैनन् । अस्पतालमा बेड थप्ने कुरा झारा टार्न मात्रै हो कि भन्ने शंका स्थानीयमा रहेको हो । यसलाई व्यवस्थित गर्ने विषयमा भने सबै लाग्नुपर्ने देखिन्छ ।
Facebook Comment
प्रधानमन्त्री बालेन शाहले बुधबार अपराह्नका लागि बैठक बोलाएको उनको सचिवालयले जनाएको छ ।
बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा अपराह्न ४ बजे बस्नेछ ।
राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा आज सर्वदलीय बैठक बस्दैछ ।
बैठक बिहान ११ बजे रास्वपा संसदीय दलको कार्यालय सिंहदरबारमा बस्ने रास्वपाका प्रवक्ता जगदीश खरेलले जानकारी दिए ।
बैठकमा विपद् जोखिम न्यूनीकरण तथा व्यवस्थापनका लागि उच्चस्तरीय राजनीतिक संयन्त्र गठन गर्ने विषयमा छलफल हुने बताइएको छ ।
भदौ १० गते रसुवाको भोटेकोशीमा आएको बाढीपछि रास्वपा सभापति रविले भदौ ११ र १६ गते दुई पटक सर्वदलीय बैठक राखिसकेका छन् । प्रधानमन्त्री वालेन्द्र शाहले दलहरूसँगको संवादमा चासो नदिएपछि रवि आफैँले बैठक राखेका थिए ।
भदौ १६ गते बसेको सर्वदलीय बैठकमा दोस्रो तहका नेताहरू सहभागी भए । भोटेकोशी बाढीले निम्त्याएको संकट समाधानका लागि उच्चस्तरीय सर्वदलीय संयन्त्र गठनसम्बन्धी छलफल गर्न रास्वपाले उक्त बैठक राखेको थियो ।
त्यसअघि भदौ ११ गते लामिछानेले पहिलो बैठक बोलाएका थिए । त्यस बैठकले बाढी प्रभावित क्षेत्रका जनतालाई उद्धार, राहत तथा व्यवस्थापनको लागि उच्चस्तरीय संयन्त्र गठन गर्ने निर्णय गरेको थियो ।
जलवायु अन्यायविरुद्ध सामागाउँका युवा आमरण अनशन बस्ने भएका छन्। हिमाली क्षेत्रले भोगिरहेका दुःखकाविरुद्धमा जिल्लाको चुमनुब्री गाउँपालिका–१ सामागाउँका युवाले मनास्लु बेसक्यापमा आमरण अनशन बस्ने घोषणा गरेका हुन्।
जलवायु परिवर्तनबाट उत्पन्न जोखिम न्यूनीकरण गर्नुपर्ने मागसहित आगामी असोज २ गतेदेखि १८ गतेसम्म अनशन बस्न लागेको स्थानीय धावा नोर्बु लामाले बताए।
गोरखाका प्रमुख जिल्ला अधिकारीलाई सम्बोधन गरी लेखिएको आठबुँदे ध्यानाकर्षण पत्र सामागाउँका वडाध्यक्ष कर्मा छेवाङ लामा, मनास्लु संरक्षण क्षेत्र आयोजना (एमक्याप) को स्थानीय इकाइ कार्यालय र सामागाउँ प्रहरीचौकीमा पेस गरेको लामाले बताए।
पत्रमा मनास्लु आधार शिविर तथा सामागाउँ क्षेत्रमा यो वर्ष धेरै नयाँ हिमताल थप भइरहेकाले यसबाट उत्पन्न हुनसक्ने जोखिमको अध्ययन तथा यसबाट बच्न अपनाउनुपर्ने उपायको खोजी गर्न सरकारसमक्ष माग गरिएको छ।
‘मनास्लुको फेद (पुंगेन)मा ताल थपिएका छन्। वीरेन्द्र ताल, कालताल, घुन्सारफुकमा रहेको ताल, न्योचुथानमा रहेका तीन वटा ठूलो जोखिमयुक्त हिमताल एवं मनास्लु क्षेत्र र चुम क्षेत्रमा रहेका अन्य तालको हवाइ अनुगमन, निरीक्षण गरियोस्,’ पत्रमा भनिएको छ, ‘यी सबै तालको गहिराइ मापन गरी भविष्यमा हुनसक्ने हिमताल विस्फोटको जोखिम अध्ययन गरियोस्।’
ताल र नदीमा पानीको जलसतह नाप्ने संयन्त्र र जोखिम बढेमा सर्वसाधारणलाई सतर्क गराउन साइरन बज्ने प्रविधि जडान गर्न माग गरिएको छ।
नेपाल र चीनमा रहेका हिमताल तथा हिमनदीको संयुक्त रुपमा अध्ययन, अनुगमन गर्न माग गरिएको छ। एमक्यापजस्ता हिमाली क्षेत्रसँग सम्बन्धी संस्थाले देशभरका हिमाली क्षेत्रमा जलवायु परिवर्तनका कारण बढिरहेको जलसतहको नियमित अनुगमन र निगरानी राखी त्यसबाट उत्पन्न जोखिमबाट आसपासका नागरिकलाई सुरक्षित राख्न पहल गर्नुपर्ने माग गरिएको छ।
हिमाली क्षेत्रका विद्यालयमा जलवायु परिवर्तनको प्रभावका विषय पाठ्यक्रममा समेट्न पनि माग गरिएको छ। विश्वव्यापी वातावरणीय प्रदूषणमा नेपालको योगदान जम्मा शून्य दशमलव चार प्रतिशत योगदान रहेकामा प्रदूषण फैलाउने विकसित राष्ट्रबाट नेपालले पाउनुपर्ने जलवायू क्षतिपूर्ति र न्यायका लागि जोडदार पहल गर्न माग गरिएको छ।
हिमाली क्षेत्रमा परेको जलवायु परिवर्तनको वास्तविक प्रभाव प्रत्यक्ष अनुभव गर्न सहरमा हुने गरेका जलवायु सम्बन्धी बैठक, सेमिनार हिमाली क्षेत्रमा आयोजना गर्न विभिन्न राष्ट्रिय, अन्तरराष्ट्रिय सरकारी, गैरसरकारी संस्थासँग माग गरिएको छ।
सन् २०२७ मा एलनिनोको प्रभावले हिमाली क्षेत्रमा अझै धेरै असर पर्ने हुनाले हिमाली बस्तीका नागरिकको जीवन रक्षा गर्न पूर्वतयारी गर्न पनि माग गरिएको छ। सुरुमा आफू एक्लै आमरण अनशन बस्ने र आफूलाई साथ दिन धेरै युवा तयार रहेको धावा नोर्बु लामाले बताए।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login