समाचार
यातायात व्यवसायी र मजदुरले प्रधानमन्त्री ओली तथा पूर्व प्रधानमन्त्री दाहाल, खनाल र देउवालाई बुझाए ध्यानाकर्षण पत्र
विराटचोकः सरकारले आफ्ना मागको सम्बोधन नगरेको भन्दै आज यातायात व्यवसायीले प्रधानमन्त्री खड्गप्रसाद ओली तथा पूर्व प्रधानमन्त्री पुष्पकमल दाहाल र झलनाथ खनालसमक्ष आफ्ना समस्या राखी ध्यानाकर्षण गराएका छन् ।
नेपाल यातायात स्वतन्त्र मजदुर संगठनका अध्यक्ष भीम ज्वाला राईका अनुसार पूर्व प्रधानमन्त्री शेरबहादुर देउवालाई व्यवसायी तथा मजदुरले हिजो बुधबार नै ध्यानाकर्षण पत्र बुझाएका छन् । यस्तो छ प्रधानमन्त्री ओलीलाई बुझाइएको ध्यानाकर्षण पत्रः
ध्यानाकर्षण पत्र
मिति: १ साउन २०७७
सम्माननीय प्रधानमन्त्री ज्यू
प्रधानमन्त्री तथा मन्त्रिपरिषदको कार्यालय
सिँहदरबार, काठमाण्डौं ।
बिषय: आवश्यक निर्देशन गरिपाँउ ।
कोभिड १९ को संक्रमण रोकथामका लागि नेपाल सरकारले २०७६ साल चैत्र ११ गतेदेखि जारी गरेको लकडाउनका कारण चार महिनादेखि सार्वजनिक सवारी साधनहरु घर ग्यारेजमा थन्किएका छन् । देशभरका ३ लाख यात्रुवाहक र ६० हजार मालवाहक सवारी साधनमा आश्रित करिव ४५ लाख श्रमिक र व्यवसायीहरु प्रत्यक्ष प्रभावित भएका छन् । नेपाल यातायात व्यवसायी राष्ट्रिय महासंघ र ३ वटा ट्रेड युनियन नेपाल यातायात स्वतन्त्र मजदुर संगठन, नेपाल यातायात मजदुर संघ र अखिल नेपाल यातायात मजदुर संघले श्रमिक र व्यवसायीहरुका आधारभूत समस्याहरु र लकडाउन पछि यातायात सेवा सञ्चालन बारे विभिन्न चरणमा सरकारको ध्यानाकर्षण गराईसकेका छौं ।
सरकारले साउन ७ गतेसम्म लकडाउन कायमै राखेको अवस्थामा लकडाउनपछि सवारी साधन सञ्चालन विधि र जोखिमको बारेमा छलफल गरिरहेको र संसदको बिकास तथा प्रविधि समितिले समेत सरोकारवालाहरुसंग छलफल गरेर आधारभूत विषयहरुलाई सम्बोधन गरेर सवारी सञ्चालन गर्न सरकारलाई सुझाव दिईसकेको अबस्थामा असार २६ गतेदेखि सार्वजनिक सवारी साधन सञ्चालन गर्नु भन्ने सरकारको अकस्मात निर्णयले व्यवसायी, श्रमिकहरु र सर्वसाधारणमा अन्यौलता उत्पन्न भएको छ । व्यवसायीका लगानी र श्रमिकहरुका स्वास्थ्य र सुरक्षाका विषयलाई सम्बोधन नगरी यस्तो अवस्थामा सवारी सञ्चालन गर्दा कोभिड संक्रमण फैलने र फ्रन्टलाईनमा काम गर्ने श्रमिक जोखिममा पर्नेहुनाले । सवारी सञ्चालन गर्नुअघि पूर्व तयारी र सञ्चालन कार्यविधि, श्रमिक र यात्रुहरुको स्वास्थ्य सुरक्षाको व्यवस्था गरेर सार्वजनिक सवारी साधन सञ्चालन गर्ने वातावरण बनाईदिनुहुन हार्दिक अनुरोध गर्दछौं ।
श्रमिक र व्यवसायीका आधारभूत विषयहरु ः
१) बैंक किस्ता स्थगन सम्बन्धमा ः
लकडाउनका कारण चार महिनादेखि थन्किएका सवारी साधनहरुको चैत्र देखि लकडाउन अवधि सम्मको बैंङ्क तथा वित्तिय संस्थाको किस्ता स्थगन गरि यातायात सेवा संचालन भएको ३ महिना पछि स्थगन फुकुवा गर्न अनुरोध गर्दछौं ।
२) पुनःकर्जा सम्बन्धमा ः
चार महिनादेखि नचलेका सवारी साधनका व्याट्री, टायर काम नलाग्ने भईसकेका छन्, इन्जिनआयल फिल्टरहरु, गियर आयल, क्राउन आयल फेरनुपर्ने अवस्था छ । हबग्रिज गर्नु पर्ने अवस्था छ । सवारी सर्भिसिङ गर्नु पर्ने अवस्था छ । श्रमिकका पारिश्रमिक लगायतका खर्च व्यवस्थापन गर्नु पर्ने अवस्था छ । तर, आर्थिक रुपमा जर्जर भएका व्यवसायीहरुले व्ययभार पुरा गर्न सक्ने अवस्था नरहेकाले सार्वजनिक सवारीमा लगानी भएको हायर पर्चेज कर्जामा न्यूनतम २ लाख रुपैया पुनःकर्जाको व्यवस्था गर्दै सवारी सञ्चालन गर्न सक्ने वातावरणका लािग अनुरोध गर्दछौं ।
३) बैंक व्याज मिनाहा सम्बन्धमा ः
आर्थिक वर्ष २०७७÷०७८ को वजेटमा कोभिड १९ का कारण सार्वजनिक यातायात सेवालाई समेत अति संकटग्रस्त क्षेत्रको रुपमा सम्वोधन भएकाले व्यवसायीहरुले विभिन्न वैङ्क तथा वित्तिय संस्थाहरुवाट लिएको कर्जाको लकडाउन अवधिको व्याज मिनाहा गरी ५ प्रतिशत व्याजदर कायम गरिदिनहुन अनुरोध गर्दछौं ।
४) विशेष राहत सम्बन्धमा ः
लकडाउनपछि पनि कोभिड १९ को जोखिम कायमै रहने र यात्रुको चाप समेत कमहुने अवस्था रहेकाले व्यवसायी र श्रमिकहरुलाई विशेष सहुलियत अनुदान व्यवस्थाको लागि अनुरोध गर्दछौं ।
५) श्रमिकहरुको आधारभूत स्वास्थ्य सुरक्षा सम्बन्धमा ः
यातायात श्रमिकहरु (चालक, सहचालक, परिचालक, बुकिङ, चेकिङ तथा कर्मचारी) को स्वास्थ्य र सुरक्षाका लागि आवश्यक पर्ने ।
क. मास्क, पन्जा, स्यानीटाईजर, फेस भाईजर, बुट र व्यक्तिगत सुरक्षा सामग्री (पिपिई)
ख. नियमित स्वास्थ्य परिक्षण, कोरोना जोखिम बिमा र प्रोत्साहन भत्ता र सचेतना तालिमको
ग. भाडा लिंदा दिंदा क्यासलेश सिस्टमको (दिर्घकालिन) व्यवस्थाका लागि अनुरोध गर्दछौं ।
६) शुल्क मिनाहा सम्बन्धमा ः
सवारी साधनका कागजातहरु (सवारी दर्ता किताव, जाँचपास, प्रदुषण, सवारी कर, बाटो ईजाजत, चालक अनुमती पत्र, ट्याक्सी मिटर) नविकरणमा लकडाउन अवधिको शुल्क मिनाहाका लागि अनुरोध गर्दछौं ।
७) निर्मलीकरण सम्बन्धमा ः
बसपार्क, बिसौनी तथा पार्किङहरुमा सवारी साधनलाई डिसइन्फेक्शन (निर्मलीकरण) गर्न निर्मलीकरण टनेलको व्यवस्थागर्नु पर्दछ । यात्रु प्रतिक्षालय, यात्रु पिक एण्ड ड्रप सेन्टर तथा बस स्टेशनहरुमा पानी ट्यांकी, सावुन राख्ने व्यवस्था गरिनु पर्दछ । राजमार्गहरुमा रिफे्रससेन्टरको व्यवस्था गरि सवारि साधनहरुलाई निर्मलीकरण गर्ने व्यवस्थाका लागि अनुरोध गर्दछौं ।
८) सडक दुर्घटना न्युनिकरण तथा उद्धार ः
पूर्व पश्चिम राजमार्ग लगायत अन्य सडकहरुमा हुने दुर्घटनाका घाइतेहरुको तत्कालीन उपचारको लागि कम्तीमा २०० किलोमिटरको दुरिमा सुविधा सम्पन्न ट्रमा सेन्टरको व्यवस्था गरिनु पर्दछ । निश्चित स्थानमा रिफ्रेस सेन्टर व्यवस्था गर्दै दुर्घटना पछि उपचार र क्षतिपुर्तिका लागि व्यवस्था भएको बिमा नीतिलाई तत्काल रुपान्तरण गरि असिमित बिमा नीति बनाउन अनुरोध गर्दछौं ।
९) यातायात प्राधिकरण सम्बन्धमा ः
सार्वजनिक यातायात सेवालाई भरपर्दो, सुरक्षित र यात्रुमैत्री बनाउदै प्रभावकारी सञ्चालन, परिचालन र व्यवस्थापनका लागि अधिकार सम्पन्नतथा सरोकारवालाहरु सम्मिलित राष्ट्रिय यातायात प्राधिरकण गठनका लागि अनुरोध गर्दछौं ।
१०) नविकरण समय सम्बन्धमा ः
सार्वजनिक सवारी साधनहरुरको बाटो इजाजत पत्र (रुट पर्मिट) नविकरण १ वर्षमा नविकरण हुने व्यवस्थाका लागि अनुरोध गर्दछौं ।
११) सवारी साधनको आयु सम्बन्धमा ः
महामारीले देशको अर्थतन्त्र र रोजगारीमा गम्भीर असर परेको छ । यस्तो बेला हामीसंग रहेका सवारी साधनलाई अधिकतम् उपयोग गर्नु पर्दछ । सियो उत्पादन नहुने हाम्रो देशमा लाखौं मुल्यमा तेस्रो मुलुकबाट आयात गरिएका सवारी साधनलाई २० वर्षे आयुका आधारमा नभइ भेहिकल फिटनेश टेस्ट गरी उपयुक्त सवारीलाई सञ्चालन अनुमति दिनुपर्दछ । लकडाउन अवधिमा ७ हजार ५०० सवारी साधन २० वर्षे आयुका आधारमा बिस्थापन गरिदैछ । यसले स्वरोजगार श्रमिक र व्यवसायीहरुको अरबौं लगानी डुवाउदै छ भने ठुलो संख्यामा वेरोजगारी बढाउदै छ ।
नेपालमा मोटर बिक्रि गर्ने बहुराष्ट्रिय कम्पनीहरुलाई फाईदा हुने यस्ता निर्णयलाई तत्काल सच्याउदै स्वरोजगार श्रमिक तथा व्यवसायीहरुको लगानीलाई बचाउदै राष्ट्रिय पूंजीको संरक्षण गरी वेरोजगारी वृद्धिलाई रोक्ने वातावरण बनाईदिनुहुन अनुरोध गर्दछौं ।
१२) संगीत रोयल्टी सम्बन्धमा ः
यातायात संचालन कार्यविधि निर्देशिका २०७४ मा सार्वजनिक सवारीका साधनहरुको वार्षिक कर वुझाउदा संगित रोयल्टी अनिर्वाय भुक्तानी गर्नु पर्ने बाध्यात्मक व्यवस्था गरी यातायात व्यवसायीहरुलाई थप आर्थिक व्ययभार थपेकाले संगीत रोयल्टी व्यवस्थालाई हटाउनका लागि अनुरोध गर्दछौं ।
१३) फैसला सम्बन्धमा ः
क. सम्मानीत सर्वोच्च अदालतको मिति २०७७ साल जेठ २८ गतेको फैसलाअनुसार लकडाउनको समय अवधिलाई शून्य समय मान्नु पर्ने र त्यस अवधिका वैङ्क किस्ता, सवारी दर्ता किताव नविकरण, जाचँपास, सडक ईजाजतपत्र, सवारी कर र चालक अनुमतिपत्र नविकरण लगायतलाई मान्यता दिने व्यवस्थाका लागि अनुरोध गर्दछौं ।
ख. लकडाउन पछि सार्वजनिक यातायात सेवा सञ्चालनका लागि यातायात व्यवस्था विभागले तयार गरेको यातायात सञ्चालन निर्देशिका २०७७ लाई नेपाल यातायात व्यवसयाी राष्ट्रिय महासंघ र तिन वटै ट्रेड युनियनहरुको सुझावका आधार पूर्ण बनाउदै कार्यन्वयनकालागि अनुरोध गर्दछौं ।
माथी उल्लेखित बुँदाहरु कार्यान्वयनका लागि सम्बन्धीत निकायहरुमा आवश्यक निर्देशन गरिदिनुहुन हार्दिक अनुरोध गर्दछौँ ।
हार्दिक धन्यवाद सहित
…………………….
योगेन्द्रनाथ कर्माचार्य
अध्यक्ष
नेपाल यातायात व्यवसायी राष्ट्रिय महासंघ ……………..
धर्मराज भण्डारी
अध्यक्ष
नेपाल यातायात मजदुर संघ ……………..
रामचन्द्र कार्की
अध्यक्ष
अखिल नेपाल यातायात मजदुर संघ ……………..
भीमज्वाला राई
अध्यक्ष
नेपाल यातायात स्वतन्त्र मजदुर संगठन
Facebook Comment
Banner
आईपीएल क्रिकेटमा बेंगलुरुले गुजरातलाई ४ विकेटले हरायो
इन्डियन प्रिमियर लिग (आईपीएल) क्रिकेटमा रोयल च्यालेन्जर्स बेंगलुरु (आरसीबी) ले गुजरात टाइटन्सलाई हराएको छ । गएराति भएको खेलमा बेंगलुरुले गुजरातलाई ४ विकेटले हराएको हो । गुजरातले दिएको १ सय ४८ रनको लक्ष्य पछ्याएको बेंगलुरुले १३ ओभर ४ बलमा ४ विकेट गुमाएर भेट्टायो । बेंगलुरुका कप्तान फ्लाप डु प्लेसिसले सर्वाधिक ६४ रन बनाए ।
त्यसअघि टस हारेर पहिला व्याटिङ गरेको गुजरातले निर्धारित २० ओभरमा सबै विकेट गुमाएर १ सय ४७ रन बनाएको थियो । उसका शाहरुख खानले ३७ रन बनाए । जितसँगै बेंगलुरु ११ खेलमा ४ मा जित र ७ मा हार व्यहोरेर ८ अङ्कका साथ तालिकाको सातौँ स्थानमा उक्लेको छ । समान खेल र समान अङ्क रहेको गुजरात रनरेटका आधारमा नवौँ स्थानमा छ ।
आईपीएलमा आज दुई वटा खेल हुँदै छन् । पहिलो खेल पञ्जाब किंग्स र चेन्नई सुपर किंग्सबीच नेपाली समयअनुसार दिउँसो पौने ४ बजे खेल हुनेछ । यस्तै दोस्रो खेलमा लखनउ सुपर जायन्ट्स र कोलकात्ता नाइट राइडर्स खेल्दैछन् । यो खेल बेलुका पौने ८ बजे शुरु हुनेछ ।
Banner
कोशीमा वर्षा र हिमाली क्षेत्रमा हिमपात हुने, तराईमा हवाहुरीको सम्भावना
आज कोशी प्रदेशका पहाडी भू–भागमा मेघगर्जन/चट्याङ्गसहित हल्का वर्षाको सम्भावना रहेको छ। जल तथा मौसम विज्ञान विभाग अन्तर्गतको मौसम पूर्वानुमान महाशाखाका अनुसार हाल नेपालमा पश्चिमी वायु र स्थानीय वायुको आंशिक प्रभाव रहेको छ।
महाशाखाका अनुसार आज दिउँसो कोशी प्रदेश लगायत देशका पहाडी भू–भागमा आंशिकदेखि साधारणतया बदली भई बाँकी भू–भागमा आंशिक बदलीदेखि मौसम मुख्यतया सफा रहने छ।
कोशी प्रदेशका थोरै स्थानहरूमा तथा बाँकी पहाडी भू–भागका एक–दुई स्थानमा मेघगर्जन/चट्याङ्गसहित हल्का वर्षाको सम्भावना रहेको छ भने कोशी, गण्डकी, कर्णाली र सुदूरपश्चिम प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको महाशाखाले जनाएको छ। लुम्बिनी प्रदेशका तराईका थोरै स्थानहरूमा हावाहुरीको सम्भावना रहेको छ।
यस्तै आज राति देशको पहाडी भू–भागमा आंशिकदेखि साधारणतया बदली भई बाँकी भू–भागमा आंशिक बदली देखि मौसम मुख्यतया सफा रहने छ। कोशी, गण्डकी र कर्णाली प्रदेशका पहाडी भू–भागका एक–दुई स्थानमा मेघगर्जन/चट्याङ्गसहित हल्का वर्षाको सम्भावना रहेको महाशाखाले जनाएको छ।
कोशी र गण्डकी प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ। मधेश प्रदेश लगायत कोशी प्रदेशका तराईका थोरै स्थानहरूमा हावाहुरीको सम्भावना रहेको छ।
यस्तो छ आगामी २ दिनको मौसम सम्बन्धी जानकारीः
२०८१ वैशाख २४ गते (सोमवार)
दिउँसोːकोशी र गण्डकी प्रदेश लगायत देशका पहाडी भू–भागमा आंशिकदेखि साधारणतया बदली भई बाँकी भू–भागमा आंशिक बदलीदेखि मौसम मुख्यतया सफा रहने छ। कोशी र गण्डकी प्रदेशका थोरै स्थानमा मेघगर्जन/चट्याङ्गसहित हल्कादेखि मध्यम वर्षाको साथै बाँकी पहाडी भू–भागका एक–दुई स्थानमा मेघगर्जन/चट्याङ्गसहित हल्का वर्षाको सम्भावना रहेको छ। कोशी, बागमती, गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ।
रातिː कोशी र मधेश प्रदेश लगायत देशका पहाडी भू–भागमा आंशिकदेखि साधारणतया बदली भई बाँकी भू–भागमा आंशिक बदली देखि मौसम मुख्यतया सफा रहने छ। कोशी, बागमती र गण्डकी प्रदेशका पहाडी भू–भागका थोरै स्थानहरूमा मेघगर्जन÷चट्याङ्गसहित हल्कादेखि मध्यम वर्षाको साथै देशका बाँकी भू–भागका एक–दुई स्थानमा मेघगर्जन÷चट्याङ्गसहित हल्का वर्षाको सम्भावना रहेको छ। गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ।
Banner
आज – २३ बैशाख २०८१ आइतवार को राशिफल
मेष
मेष (चु, चे, चो, ला, लि, लु, ले, लो, अ) निर्णय कार्यान्वयन हुन सक्दैनन् । आत्मबलमा कमी आउने छ । मनमा दुबिधा उत्पन्न हुनेछ । मतिभ्रष्ट हुने समय छ, सचेत रहनु होला ।
मिथुन
मिथुन (का, कि, कु, घ, ङ, छ, के, को, हा) आज सामाजिक तथा धार्मिक कार्यमा रुचि बढ्नेछ । अरुलाई प्रभावित पारेर काम बन्नेछ । कार्य क्षेत्रबाट विशेष सफलता हात लाग्नेछ ।
सिंह
सिंह (मा, मि, मु, मे, मो, टा, टि, टु, टे) उच्च महत्वकाङ्क्षा र विगतका गलत निर्णयले पनि काममा चुनौती र झमेला आउने देखिन्छ, तर आफन्त बाट साथ र सहयोग मिल्नेछ ।
तुला
तुला (रा, रि, रु, रे, रो, ता, ति, तु, ते) आजको दिन लाभहानी, आयव्यय, सुखदुःख बराबरी खालको समय रहनेछ । सद्विचारले अभिप्रेरित हुनेहरूलाई बिस्तारै लाभ मिल्नेछ ।
धनु
धनु (ये, यो, भा, भि, भु, धा, फा, ढा, भे) आज जिद्दीपनाले गर्दा काम बिग्रने डर छ । सौन्दर्यतामा धन खर्च हुनेछ । सरकारी निकायको भय रहला । शेयर बजारले पनि साथ नदेला ।
कुम्भ
कुम्भ (गु, गे, गो, सा, सि, सु, से, सो, दा) आज कुनै कुराले मनमा शान्ति छाउनेछ । गरेका कामबाट राम्रै लाभ हुनेछ । दैनिक कार्यमा प्रगति हुनेछ । धर्मकर्ममा मन पनि लाग्नेछ ।
बृष
वृष (इ, उ, ए, ओ, वा, वि, वु, वे, वो) आज सजिलै अरूको मन जित्न सकिनेछ । आफन्तको प्रगतिमा मन रमाउनेछ । नयाँ ज्ञान सिक्ने मौका र रोजगारको अवसर पनि मिल्नेछ ।
कर्कट
कर्कट (हि, हु, हे, हो, डा, डि, डु, डे, डो) आज धार्मिक कृत्यमा सहभागी बन्नु पर्नेछ । परिणाममुखी जिम्मेवारी वहन गर्ने समय आएको छ । श्रमको उचित मूल्याङ्कन पनि हुनेछ ।
कन्या
कन्या (टो, पा, पि, पु, ष, ण, ठ, पे, पो) आज एउटै कामबाट दोहोरो लाभ मिल्नेछ । बन्धु बान्धवबाट सहयोग मिल्नेछ । जोशजाँगर र हिम्मत बढ्नेछ । प्रेम जीवन सुखद् नै रहनेछ ।
बृश्चिक
वृश्चिक (तो, ना, नि, नु, ने, नो, या, यि, यु) रोकिएका कामहरू पुनः सुरु हुन सक्छन् । साहित्यिक क्षेत्रमा रुचि बढ्नेछ । जोशजाँगर र उमङ्ग बढ्नेछ । नयाँ काममा हात हाल्ने समय छ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) कार्य सिद्धिको योग छ । विपरित वर्गबाट विशेष सहयोग मिल्नेछ । जोशजाँगर र हिम्मत बढ्नेछ । बिनाप्रतिस्पर्धा फाइदा पनि हुनसक्छ ।
मीन
मीन (दि, दु, थ, झ, ञ, दे, दो, चा, चि) शुभकार्य तथा सामाजिक क्षेत्रमा धन खर्च हुनसक्छ । आँटेको र ताकेको कार्य पुरा होला । आदर्श ब्यक्तिको सहकार्यले नयाँ अनुभव मिल्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login