Connect with us
Advertisement
Advertisement

जित्ने स्वास्थ्य मन्त्री, हार्ने मेडिकल कलेज सञ्चालक

Published

on

विराटचोकः नवनियुक्त स्वास्थ्य तथा जनसङ्ख्यामन्त्री भानुभक्त ढकालले संविधान प्रदत्त स्वास्थ्य सेवा पुर्याउन र समग्र स्वास्थ्य सुधार गर्न आफूले पहिलो ध्यान दिने बताएका छन् । आज मन्त्रालयमा पदभार ग्रहण गर्दै गुणस्तरीय स्वास्थ्य सेवा प्रदान गर्न आफू लागि पर्ने बताएका छन् । यसअघि उनी कानुन, न्याय तथा संसदीय मामिलामन्त्री थिए । मोरङ क्षेत्र नम्बर ३ को निर्वाचनमा तत्कालीन नेकपा एमालेका उम्मेद्वार भानुभक्त ढकाल र नेपाली काङ्ग्रेसका उम्मेद्वार सुनिलकुमार शर्मा चुनावी मैदानमा थिए ।

शर्मा र ढकालबीच धेरै नै रस्साकस्सी पर्याे। उनीहरुबीच ठूलै आरोप प्रत्यारोप चल्यो चुनावमा होमिएका बेला । चुनावमा ढकालले ४२ हजार ४ सय १३ मत प्राप्त गरी विजयी हुँदा शर्माले ४० हजार ५ सय ७ मत प्राप्त गरेका थिए ।

अहिले संयोग नै मान्नुपर्छ स्वास्थ्य मन्त्री ढकाल भएका छन् । गत चुनावमा शर्माले आफ्नो स्वास्थ्य सेवाको प्रभावबाट मतदाताको मन जित्ने हल्ला थियो । कम्युनिष्टको पकडको क्षेत्रमा शर्माले पाएको सो मतलाई नेपाली काङ्ग्रेसले विजयको रूपमा नै लिएको थियो । अब ढकाललाई यो क्षेत्रमा चुनौति थपिएको छ । मेडिकल कलेज सञ्चालकले जित्लान् वा स्वास्थ्य मन्त्रीले जित्लान् जनताको मन ? शर्माले बेलाबेलामा निःशुल्क स्वास्थ्य शिविरमार्फत् जनताको मन जितिरहेका छन् ।

एउटै क्षेत्रबाट चुनाव लडेका उम्मेद्वार ढकाल र शर्माको क्षेत्र स्वास्थ्य नै परेपछि जनताले नजिक बाट नियाल्ने मौका पाएका छन् । चुनाव हार्ने मेडिकल सञ्चालक र चुनाव जित्ने व्यक्ति स्वास्थ्य मन्त्री भएको यस क्षेत्रका जनताले स्वास्थ्य सेवामा कस्तो सुविधा पाउने हुन् त्यो भने बिस्तारै थाहा हुने नै छ ।

Continue Reading

Facebook Comment

Advertisement
460 Comments

You must be logged in to post a comment Login

Leave a Reply

Banner

स्वचालीत हतियारसहित आएका लुटेरा समुहलाई पक्रन सफल प्रहरीलाई सम्मान

Published

on

विराटचोकः सुनचाँदी पसलमा अत्याधुनीक स्वचालीत हतियारसहित आएका लुटेरा समुहलाई पक्रन सफल प्रहरीलाई सुन्दरहरैंचा नगरपालिकाले सम्मान गरेको छ ।
सोमबार नगरपालिकाको सभाहलमा कार्यक्रमको आयोजना गरी प्रदेश नम्बर एकका प्रहरी प्रमुख अरुणकुमार बिसीसहितलाई सम्मान गरेको हो ।
सुन्दरहरैंचा नगरपालिका नगरप्रमुख शिवप्रसाद ढकाल, उपप्रमुख धनमाया तामाङ, प्रमुख प्रसासकीय अधिकृत डा. कृष्णबहादुर घिमिरे लगायत जनप्रतिनिधीहरुको टोलीले प्रहरीलाई सम्मान गरेको हो ।
मोरङ प्रहरी प्रमुख जनार्दन जिसी, प्रहरी नायव उपरीक्षक मञ्जिल मुकारुङ, ईलाका प्रहरी कार्यलय बेलबारीका प्रमुख सरोज खनाल लगायतलाई नगरपालीकाले सम्मान हो ।

सुन्दरहरैंचा १० त्रिवेणी चोकमा खगेन्द्र थापाले सञ्चालन गर्दै आएकाे शिव पञ्चायन ज्वेलर्समा साउन १ गते दिउसो करीब २ बजे स्वचालीत हतियार सहित लुटपाट गर्न आएका लुटेराहरुले ज्वेलर्स लुट्ने प्रयास असफल भएका थिए ।

नगरबासीको शान्ती सुरक्षालाई ध्यानमा राखी प्रभावकारी ढंगले प्रहरी परिचालन गरी लुटपाट गर्न प्रयोग भएको एस.एम.जी. १ थान, अटोमेटिक पेस्तोल २ थान, ६८ राउण्ड गोली, ४ वटा मोटरसाईकलसहित ७ जनालाई प्रहरीले साउन १३ गते पक्रन सफल भएको थियो ।
नगरबासीलाई शान्ती सुरक्षाको तत्कालै प्रत्याभुती गराएको र व्यवसायीक प्रहरी नेत्रीत्व एवमं उच्च अपराध विश्लेशण क्षमताको कदर गर्दै नगद ५ हजारसहित प्रशंसा पत्र प्रहरीलाई नगरपालिकाले प्रदान गरेको हो ।

हतियारधारी समूहद्वारा सुन्दरहरैंचा– १० मा रहेको सुन पसल दिउँसै लुट्ने प्रयास

सुन्दरहरैंचामा ज्वेलर्स लुट्न खोज्ने गिरोह प्रहरीद्वारा सार्वजनिक

Continue Reading

Banner

सुन्दरहरैंचामा ज्वेलर्स लुट्न खोज्ने गिरोह प्रहरीद्वारा सार्वजनिक

Published

on

विराटचोकः साउन १ गते दिउँसो सवा १ बजे सुन्दरहरंैचा– १० त्रिवेणी चोकमा रहेको पञ्चायन ज्वेलर्स लुट्न खोज्ने गिरोहलाई प्रहरीले पक्राउ गरी सार्वजनिक गरेको छ ।

खगेन्द्र थापाले सञ्चालन गरेको सो ज्वेलर्समा हतियार देखाई लुटपाट गर्ने असफल प्रयास गरी फरार रहेकाहरुलाई आज बिहान ३ बजे नियन्त्रणमा लिइएको प्रहरीले जनाएको छ ।

सो सुन पसल लुट्ने असफल योजना नेपाली सेनाका पूर्व सैनिक र पूर्व माओवादीले बनाएको खुलेको छ ।

घटनाको अघिल्लो दिन असार ३१ गते नै उनीहरुले सुन पसल लुट्ने योजना बनाएको समेत खुलेको छ । त्यस दिन उनीहरुले त्यस क्षेत्रमा अनुकूल स्थिति नदेखेपछि फर्केको मोरङ प्रहरीले जनाएको छ ।

प्रहरीका अनुसार फौजी तालिम लिएकाहरुले बनाएको योजनाअनुसार सुन पसलमा शुरुमा पूर्व सैनिक चन्द्रबहादुर राई र पूर्व माओवादी छापामार डाईमण्ड भन्ने प्रमोद चौधरी प्रवेश गरेका थिए । एसएमजीसहित प्रवेश गरेका उनीहरु पसलभित्र छिरेपछि बाहिर बसेर चार जनाले ‘रेकी’ गरेका थिए । दुई जना पसलमा प्रवेश गरेपछि सहयोगका लागि आएका अर्का एक जना भने पसलको प्रवेशद्वारसम्म आएपछि अटोमेटिक पेस्तोल झिक्दै बाहिरिएका थिए । उनलाई भने प्रहरीले अहिलेसम्म पक्राउ गर्न सकेको छैन ।

प्रहरीले घटनामा संलग्न भएकामध्ये पूर्व सैनिक संखुवासभाको सभापोखरी–४ घर भई हाल इटहरी–२० तरहरामा बस्दै आएका ३९ वर्षीय चन्द्रबहादुर राई, सुनसरीको गढी गाउँपालिका–१ का डायमण्ड भन्ने प्रमोद चौधरी, संखुवासभाको बाह्रबिसे गाउँपालिका–६ घर भई हाल इटहरी–२० तरहरा बस्ने चिरञ्जिवी राई, सुन्दरहरैंचा–५ का २२ वर्षीय मिशन राई, भोजपुर पौवादुम्मा–३ घर भई इटहरी–२० बस्ने ३० वर्षीय नगेन्द्र राई र सुन्दरहरैंचा–७ का ३१ वर्षीय सन्तोष राईलाई नियन्त्रणमा लिएर प्रहरीले सार्वजनिक गरेको हो ।

तीन वटा मोटरसाइकलमा असार ३१ गते आएका उनीहरुले लुटपाट गर्न नसकेपछि बुढी खोलाको बाटो हुँदै इटहरी र तरहरा फर्केका थिए । साथमा रहेको हतियार नमुना सामुदायिक वनमा रहेको एउटा रुखको टोड्कोमा लुकाएको बयान दिएको प्रहरीले जनाएको छ ।

पुनः साउन १ गते दिउँसो १ बजेर १४ मिनेट जाँदा उनीहरु सुन पसलमा आएका थिए । तीमध्ये राई एसएमजी र चौधरी कटुवा पेस्तोलसहित सुन पसलमा प्रवेश गरेको सिसी क्यामेरा फुजेटमा देखिने प्रहरीले जनाएको छ । प्रहरीले सुन्दरहरैंचा–५ नमुना सामुदायिक वनमा रहेको धोद्रो परेको करमको रुखको टोड्कोभित्र लुकाई राखेको अवस्थामा हतियार बरामद गरेको थियो । धोद्रो परेको रुखभित्र टेपले बाँधेर हतियार लुकाएका उनीहरु पसल लुट्ने असफल प्रयासपछि तरहरा फर्केर बसेको प्रारम्भिक अनुसन्धानबाट खुलेको हो ।

प्रहरीले उनीहरुले प्रयोग गरेको एसएमजी, यसको म्यागजिन, ६२ राउण्ड गोली, कटुवा पेस्तोल, अटोमेटिक पेस्तोल, म्याग्जिन र २ राउण्ड गोली, थ्रि नट थ्री राईफलको चार राउण्ड गोली र लुटेरा समूहले प्रयोग गर्ने एमपीआर लेखेको २ थान सञ्चार सेट समेत बरामद गरेको छ ।

लुटपाटका लागि प्रयोग भएको को २ ह २७३६ नम्बरको अटो रिक्सा, प्रदेश १–०२–०४४ प ५९९५, को २० प १८६, को ८ प ६५८३, को २१ प ६७०३ नम्बरको मोटरसाइकल समेत बरामद गरेको छ । यसैगरी विभिन्न ब्राण्डका ८ थान मोबाइलसमेत बरामद गरिएको प्रहरीको भनाइ छ ।

उनीहरु विरुद्ध लुटपाट, हातहतियार खरखजना र योजनाबद्ध समूह बनाएर लुटपाटमा संलग्न देखिएकोले संगठित अपराधमा समेत अनुसन्धान गरिने भएको छ । आफ्नै सञ्चार सेट प्रयोग गरेको पाइएका कारण समेत उनीहरुले समूहमा योजना बनाएर लुटपाट गर्ने गरेको आशंका गरिएको छ । उनीहरुविरुद्ध जिल्ला अदालत मोरङबाट म्याद थप गरी अनुसन्धान शुरु गरिएको प्रहरीले जनाएको छ ।

Continue Reading

Banner

देउवा प्रधानमन्त्री नियुक्त आज साँझ ६ बजे सपथ

Published

on

नवनियुक्त प्रधानमन्त्री शेरबहादुर देउवाले आज साँझ ६ बजे पद तथा गोपनियताको सपथ लिने भएका छन्।

राष्ट्रपति विद्यादेवी भण्डारीले आजै संविधानको धारा ७६ ९५० अनुसार देउवालाई प्रधानमन्त्री नियुक्त गरेकी थिइन्।

राष्ट्रपतिका स्वकीय सचिव भेषराज अधिकारीले सेतोपाटीलाई दिएको जानकारीअनुसार मंगलबार साँझ ६ बजे नवनियुक्त प्रधानमन्त्री देउवालाई सपथ ग्रहण गराउने कार्यक्रम तय भएको छ।

देउवालाई सोमबार सर्वोच्च अदालतले प्रधानमन्त्री नियुक्त गर्न परमादेश दिएको थियो।

 

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक