Connect with us
Advertisement
Advertisement

कोरोनाबीचको समुदाय

Published

on

पहिलो चरणको लकडाउन सकिएर दोस्रो चरणको लकडाउन शुरु भइसकेको थियो । तीजको चहलपहल अरुबेलाको जस्तो नभए पनि भित्री गाउँघरमा आफ्नै तरिकाले तीज मनाउने क्रममा यताउता पालो गरीगरी घरघरमा दर खाने अनि खुवाउने चलन पहिलेको जस्तै देखिइरहेको थियो ।

टाढा भएको भए त यसै भन्न सकिँदैन थियो । दिदीहरु पनि एउटै गाउँमा भएको कारणले एक दिन मेरो घरमा दर खाने कार्यक्रम तय भयो । सबै बन्द छ । तर कताकता लुकीलुकी साना किराना पसल खुलेका छन भन्ने नि सुनियो । बिहानै केही सामान लिन म पनि बजार तिर लागेँ ।

गाउँका साना पसल त पहिल्यै पनि खुलेकै हुन् । त्यहाँ सबै सामान नपाइने हुनाले बजारको अलि ठूलै किराना पसल जानैपर्ने भयो । साना निजी सवारी साधन हुँइकिरहेका थिए । ठूला ट्रकहरु पनि फाट्टफुट्ट बाटोमा देखिइ नै रहेका थिए । चोकैमा भएको प्रहरी बिट छेउ हुँदै किराना पसलतिर गएँ ।

१८\२० जना उभिरहेका रहेछन् । कोही चाहिँ एकअर्काबाट अलि परपरै उभिएका थिए भने कोही चाहिँ टाँसिएका थिए । पसलमा लाइन नै लाग्नु पर्नेरहेछ । म पनि सबैभन्दा अन्तिममा उभिइरहेँ ।

हामी नेपालीलाई लाइनमा उभिन कुन चाहिँ ठूलो काउसोको माला हो र ? पिउने पानीको बिल तिर्न जाँदा होस् या बिजुलीको बिल तिर्न जाँदा होस्, जग्गाको तिरो तिर्न जाँदा होस् या बाटोको कर तिर्न जाँदा होस् । मोटरसाइकलमा पेट्रोल हाल्न जाँदा होस् या मेडिकलमा
दबाइ लिन जाँदा होस् । आखिर जहाँजहाँ हामी आफ्नो कामले जान्छौँ त्यहाँत्यहाँ लाइनमा उभिएकै छौँ ।

दोकाने दाइले थोरै मात्र सटर खोलेका रहेछन् प्रहरीको डरले । प्रहरी आइहाले त्यो सटर फुत्तै बन्द गर्न मिल्ने तरिकाले । सामान लिने मान्छे ले पूरै निहुरिएर माग्नुपर्ने रहेछ । जसले माग्छ उसको आदि बोली मात्रै सुन्दा रहेछ्न् दोकानेले । मनमा थोरै डर लिएर उभिइ नै रहेको छु म पनि । लगभग दुई घन्टापछि मेरो पालो आयो ।

‘के के चाइने हो एकै चोटि भन्नुहोस् है ।’ दोकानेले यति बोल्नासाथ मैले सामानको लिस्ट नै थमाइदिएँ उसको हातमा । केही समयपछि एघार सय तीस रुपैयाँ भयो पैसा दिनुस् अनि सामन लिनुस् भन्दै एउटा प्लास्टिक भित्रको सामान मेरो हातमा राखिदिए । सापटी मागेको नोट हजारहजारका २ ओटा मैले दिएँ । अरु कुनै चानचुन थिएन ।

‘ला प्रहरी पो आए त सबै जना भागौँ है नत्र डन्ठैडन्ठाले टाउकोमा बजाउँछन्’ पछाडी बाट खोइ को बोल्यो पत्तो नि पाइनँ । यसो पछाडि हेरेको मभन्दा पछि लाइनमा उभिएका ८\१० जना भागिसकेछ्न् । अलि परबाट हातमा डन्ठा बोकेका प्रहरी नि दोकानतिरै लम्किरहेका थिए । त्यतिबेलै दोकानको सटर हतारमा बन्द गरेर दोकाने दाइ भित्रै लुके । म चाहिँ त्यो प्लास्टिकको सामान बोकेर बाहिरै एक्लै रहँदो भएँ ।

आफ्नो टाउको जोगाउन म पनि त्यो सामान बोकेर भाग्नु शिवाय अर्को उपाय थिएन । दोकानेलाई दिएको दुई हजारमा एघार सय तिसको सामान मसँग छ बाँकी ८ सय ७० उसैले बोक्यो । म भागेर निकै परसम्म पुगेँ । मान्छे मजाले देखेको भए त दोकाने दाइले नि चिन्थे होलान् । सटरभित्र र सटरबाहिर बाट लेनेदेन भएको थियो । अनुहार दुवैले देखेको छैन । अब त्यो पैसा फिर्ता आउने कि न आउने भन्ने चिन्ता भयो ।

गइहालाँै भने प्रहरीको डण्डी टाउकोमा बजारिने डर, नजाऊँ भने यो अलिकति उभ्रेको पैसा पाइँदैन कि भन्ने डर । त्यहीँबाट भागेर आएका अरु पनि रै’छन् । सबैको एउटै कुरा भयो ‘हिजो नि खेदाए, आज नि खेदाए । ९ बजेपछि त झन् सबै बन्द रे । अब पैसा फिर्ता लिन जाँदा दोकाने दाइ ‘म त चिन्दिनँ कोको आउनुभयो ? सबै देख्दिनँ पनि’ भन्दै गनगनाउने गर्छन् रे ।’ के फसाद आइपर्यो नि गाँठे ।

यो समस्या मेरो मात्रै होइन । धेरैको समस्या एउटै भयो । बाटोमा साना चम्किला गाडी मजाले चल्न पाउने तर आफ्नो परिवारको लागि अत्यावश्यक सामान किन्न नपाउने कस्तो लकडाउन हो यो । त्यत्तिकै फर्किएँ त्यहाँबाट ।

२ महिना अगाडि आफन्त साह्रै बिरामी हुनुभएको थियो सिँधुवामा । हेर्न जाउँ भन्ने लागेर छिमेकीको मोटरसाइकल मागेर निस्किएँ । इटहरी, धरान हुँदै भेडेटारसम्म आरामले पुगेँ । तर भेडेटारमा रोकियो मलाई । मभन्दा अगाडि एउटा मोटरसाइकलमा नचिनेका दुई जना थिए । उनीहरु चाहिँ त्यहाँबाट फुत्तै जानुभयो । मलाई रोकेपछि प्रहरी दाइलाई सोधिहालेँ, ‘अनि उहाँहरु चाहिँ जानुभयो त ?’

‘उहाँहरुले प्रशासनबाट पास लिएर आउनुभएको छ । तपाईंको छ ?’ सजिलो उत्तर दिनुभयो । मसँग पास थिएन पनि । कुनै उपायले पनि म त्यहाँबाट जान सकिनँ । फर्किन बाध्य भएँ । पास भएकाहरु फटाफट गइरहेका थिए ।

प्रशासनबाट लिएको पास र यो कोरोनाबीच पक्कै पनि मितेरी साइनो रहेछ । पास भएकालाई कोरोना नहुने र अर्कोलाई नसर्ने अनि पास नभएकाहरुसँग कोरोना हुने र अर्कोलाई सजिलै सर्ने । कस्तो अचम्म को महामारी भित्रिएछ हाम्रो देशमा । अरु ठाउँ वा देशमा पनि यस्तै नै हो कि त्यो चाहिँ मैले पनि बुझिनँ तर आफूले यस्तै भोगियो ।

‘हामी जनता भेडाजस्तै छौँ । बन्द छ भन्ने सुनियो भने छ कि छैन बुझ्नलाई भनी हेर्न निस्किन्छौँ । सरकार त केही होइन सबै दोष जनताको मात्रै हो । जनता सचेत भइदिएका भए आज यस्तो सन्त्रास देशको सबै गाउँगाउँमा आउँदैन थियो’ भन्ने कुरा त्यहाँ पनि सुनियो । तैपनि काम विशेषले निस्कनै पर्छ ।

सबैतिर बन्द नै छ । सरकारी जागिर गर्नेहरुलाई त के भयो र सरकारले तलब दिएकै छ नि । मेरै छिमेकी दाइ सरकारी कर्मचारी हुनुहुन्छ । ‘वर्षैभरी बन्द भए पनि केही फरक पर्दैन । आखिर घरमै बसीबसी तलब आइरहेको छ बिना झन्झट । किन खुल्नु पर्यो’ भन्दै एकदम खुशी हुनुहुन्छ । तर सरकारी कामबाहेक अन्य कतै काम गर्नेलाई कसले तलब दिने ? दिनभरी काम गरेर बेलुकाको छाक टार्ने परिवार निकै छन् हाम्रो देशमा । उनीहरुलाई कसले हेर्ने ?

आज सबैलाई विपत परेकै छ । सबैलाई माहामारीको डर पक्कै छ । तर कतिलाई त आफ्नो परिवारलाई के खुवाउने भन्ने अर्को डर थपिएको छ । हो उसले त खुशीसाथ आफ्नो बा(लबच्चालाई घरभित्रै राखेको छ । ऊसँग प्रशस्त सम्पत्ति छ । एक कल फोन गर्दा घरैमा सबै घरायसी सामान आइपुग्छ । ऊ सरकारी कर्मचारी पनि हो । हरेक महिना सरकारबाट उसलाई तलब आउँछ । अझै लामो समय बन्द भए पनि उसलाइ केही असर पर्दैन ।

तर विचरा त्यो मान्छे ले के गर्दै होला । जो दिनभर अर्काकोमा काम गथ्र्याे । ऊ सरकारी जागिरे पनि होइन । ऊ पहिल्यैदेखि गरिब नै थियो । हिजोको दिनमा पनि आफ्नो परिवार पाल्न उसलाई निकै धौधौ भएको थियो । छ महिना सम्ममा उसले के खायो अनि आफ्नो परिवारलाई कसरी पालिरहेको छ कसले सोच्ने उसको बारेमा ? लकडाउन अनि सबै बन्द मात्रै अहिलेको समस्याको समाधान हो त ? सरकारबाट पाउने सेवा सुविधाका हकदारहरुलाई लकडाउन धेरै राम्रो भएको छ । तर जो सरकारी जागिरभन्दा बाहिर छ उसलाई यो घातक भएको छ ।

Continue Reading

Facebook Comment

1 Comment

1 Comment

  1. Pingback: कोरोना बीचको समुदाय २ - निष्पक्षखबर

You must be logged in to post a comment Login

Leave a Reply

Banner

विपिनको ‘महाजात्रा’ ले पहिलो दिनमै कमायो एक करोडभन्दा बढी

Published

on

शुक्रवारबाट प्रदर्शनमा आएको फिल्म ‘महाजात्रा’ ले देशभर बम्पर ओपनिङ गरेको छ । फिल्मले पहिलो दिन एक करोड २३ लाख ग्रस कलेक्सन गरेको फिल्मका निर्देशक प्रदीप भट्टराईले जानकारी दिए ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको यस्तो तेस्रो फिल्म हो । प्रदर्शनको पहिलो दिन नेपालका अधिका‍ंश शो हाउसफुल भएका छन् भने विदेशमा पनि सोही अवस्था छ । अष्ट्रेलियाको सिड्नी, होवर्ट लगायतका केही सहरमा ‘सोल्ड आउट’ भएको छ ।

Continue Reading

Banner

आज पहाडी जिल्लामा हर्षाेल्लासका साथ हाेली पर्व मनाइँदै

Published

on

Continue Reading

Banner

आज – ११ चैत्र २०८० आइतवार को राशिफल

Published

on

मेष

मेष (चु, चे, चो, ला, लि, लु, ले, लो, अ) आज साथी भाइसँग समय बित्नेछ । कुनै कुराले मनमा शान्ति छाउनेछ । बिनाप्रतिस्पर्धा फाइदा हुनेछ । पुनर्मिलनको योग पनि रहेको छ ।

मिथुन

मिथुन (का, कि, कु, घ, ङ, छ, के, को, हा) आज विशिष्ट व्यक्तिको साथ पाइनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । शेयर बजारको कारोबार हुनेछ ।

सिंह

सिंह (मा, मि, मु, मे, मो, टा, टि, टु, टे) आँटेको र ताकेको कार्य पुरा होला । आर्जनका क्षेत्रमा सुधार आउनेछ । धार्मिक कार्यमा रुचि बढ्नेछ । नजिकको मित्रसँग भेटघाट हुनेछ ।

तुला

तुला (रा, रि, रु, रे, रो, ता, ति, तु, ते) आज शैक्षिक क्षेत्रमा सफलता मिल्नेछ । पार्टी तथा सेमिनारमा सहभागी भइएला । आदर्श व्यक्तित्व सँगको सहकार्यले नयाँ अनुभव मिल्नेछ ।

धनु

धनु (ये, यो, भा, भि, भु, धा, फा, ढा, भे) आज न्यायिक कार्यमा सफलता मिल्नेछ । जोशजाँगर र हिम्मत बढ्नेछ । नयाँ कार्य वा रोजगार पाइनेछ । मित्रबाट विशेष सहयोग मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) आज मान प्रतिष्ठामा वृद्धि हुनेछ । भाग्यले विभिन्न अवसर जुराउनेछ । अनुहारमा कान्ति र मनमा शान्ति छाउनेछ । नयाँ कामको थालनी होला ।

बृष

वृष (इ, उ, ए, ओ, वा, वि, वु, वे, वो) आज आफन्त व्यक्तिसँग विवाद पर्ने सम्भावना छ । गर्न खोजेका काममा बिघ्नबाधा धेरै देखा पर्नेछन्, हरेक कार्यमा सतर्क हुनु नै उपयुक्त होला ।

कर्कट

कर्कट (हि, हु, हे, हो, डा, डि, डु, डे, डो) आज रोकिएका अधुरा कामहरू पुरा हुनेछन् । बोलीको प्रभाव बढ्नेछ । बिनाप्रतिस्पर्धा फाइदा हुने योग छ । पढाइ लेखाइमा प्रगति पनि हुनेछ ।

कन्या

कन्या (टो, पा, पि, पु, ष, ण, ठ, पे, पो) निर्णायक क्षमतामा कमी आउनेछ । स्वास्थ्य सम्बन्धी चिन्ता बढ्नेछ । चुनौतीको सामना गरी गलत निर्णय लिन पुगिएला, सचेत रहनुहोला ।

बृश्चिक

वृश्चिक (तो, ना, नि, नु, ने, नो, या, यि, यु) आज प्रतीक्षा गरिएको काम पूरा हुनेछ । दैनिक कार्यमा प्रगति हुनेछ । नयाँ ज्ञान सिक्ने मौका मिल्नेछ । शुभ समाचार पनि सुन्न पाइएला ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आज शरीर भारी र मन अस्थिर रहने संकेत देखिन्छ । नयाँ योजना कार्यान्वयनमा ल्याउन मुस्किल पर्ला । घरायसी विवाद समेत बढ्ला ।

मीन

मीन (दि, दु, थ, झ, ञ, दे, दो, चा, चि) आज सांस्कृतिक कार्यमा सरिक भइने छ । बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह छाउने र जोशजाँगर बढ्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक