स्थानीय तह
ज्येष्ठ नागरिकको पक्षमा सुन्दरहरैंचाको सह्रानीय कामः हरेक वर्ष नगर माता र नगर पिता घोषणा
विराटचोकः मोरङको सुन्दरहरैंचा नगरपालिकाले ज्येष्ठ नागरिकको विषयमा नयाँ कार्यक्रम ल्यायो, जुन सह्रानीय पनि भयो । २ वर्ष अघिदेखि अर्थात् २०७५ सालदेखि अन्तर्राष्ट्रिय ज्येष्ठ नागरिक दिवसको अवसर पारेर नगरपालिकाले नगरका सबैभन्दा ज्येष्ठ महिलालाई नगरमाता र ज्येष्ठ पुरुषलाई नगरपिता घोषणा गरी सम्मान गर्ने गरेको छ ।
ज्येष्ठ नागरिक समाज सुन्दरहरैंचाका अनुसार मोरङका स्थानीय तहमध्ये सुन्दरहरैंचाले पहिलो पटक यस्तो कार्यक्रम गरेको हो । यो कार्यक्रम नमूना कार्यक्रम रहेको र अरु स्थानीय तहको लागि पनि अनुकरणीय रहेको समाजका अध्यक्ष रामकुमार कार्की बताउँछन् । समाजको पहलमा र नगरपालिकाको समन्वयमा घोषणा गरेको यो कार्यक्रमलाई निरन्तरता दिइने समाजका महासचिव रामप्रसाद गजुरेलले बताए ।
पहिलो वर्ष नगरपालिकाले वडा नम्बर ७ की ११० वर्षीया महेश्वरा अधिकारीलाई नगरमाता र वडा नम्बर ८ का १०२ वर्षीय रामबहादुर तामाङलाई नगरपिता घोषणा गरी सम्मान गरेको थियो ।
२८ औँ अन्तर्राष्ट्रिय ज्येष्ठ नागरिक दिवसका अवसरमा आयोजित कार्यक्रममा प्रदेश नं १ का तत्कालीन प्रमुख प्रा. डा. गोविन्दबहादुर तुम्बाहाङ र नगरप्रमुख शिवप्रसाद ढकालले नगद ११ हजारसहित दोसल्ला ओढाई सम्मान गरिएको थियो ।
त्यस्तै, २०७६ सालको अन्तर्राष्ट्रिय ज्येष्ठ नागरिक दिवसको अवसर पारी सुन्दरहरैंचा– ७ की १०१ वर्षीया मनमाया लुइँटेल र सुन्दरहरैंचा– ९ का १०० वर्षीय दर्जमान राई क्रमशः दोस्रो नगरमाता र नगरपिता घोषित भएका थिए । कार्यक्रममा प्रमुख अतिथि सुन्दरहरैंचा नगरपालिकाका मेयर शिवप्रसाद ढकाल रहेका थिए ।
नगरमाता र नगरपितालाई दोसल्ला, सम्मानपत्र, लठ्ठी, थाल, बटुका, पानी तताउने इलेक्ट्रिक जग, छाता तथा जनही नगद ८ हजार रुपैयाँ प्रदान गरिएको थियो । दुवै पटक प्रत्येक वडाका ज्येष्ठ १ जना महिला र १ जना पुरुषलाई दोसल्ला र सम्मानपत्रका साथमा नगद १ हजार २ सय रुपैयाँ प्रदान गरी सम्मान गरिएको थियो । कार्यक्रममा लगभग ५ सय जना ज्येष्ठ नागरिक सहभागी हुने गर्थे ।
यस वर्ष आज विश्वभर अन्तर्राष्ट्रिय ज्येष्ठ नागरिक दिवस मनाइँदैछ । तर यस पटक कोरोना संक्रमणको त्रासका कारण सुन्दरहरैंचा नगरपालिकाले ज्येष्ठ नागरिक दिवस औपचारिक रुपमा नमनाउने निर्णय गरेको छ । ज्येष्ठ नागरिक समाज सुन्दरहरैंचाका अध्यक्ष रामकुमार कार्कीका अनुसार यस पटक पनि नगरमाता र नगरपिता घोषणा कार्यक्रम हुन्छ तर कोरोनाको संक्रमणको त्रासका कारण कार्यक्रम केही ढिलो हुनेछ । समाजका महासचिव रामप्रसाद गजुरेलका अनुसार असोजभित्रै सो कार्यक्रम गर्ने गरी तयारी भइरहेको छ । तर यसपटक सीमित व्यक्तिलाई बोलाएर वा नगरमाता र नगरपिता घोषणा हुने ज्येष्ठ नागरिकको घरमै पुगेर सम्मान गर्ने गरी तयारी हुँदैछ ।
आज अन्तर्राष्ट्रिय ज्येष्ठ नागरिक दिवस
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: यी हुन् सुन्दरहरैंचाका विभिन्न वडामा बन्दै गरेका ज्येष्ठ नागरिक चौतारी - निष्पक्षखबर
Pingback: सुन्दरहरैंचाले ९० वर्षमाथिका ज्येष्ठ नागरिकलाई मासिक १ हजार रुपैयाँ भत्ता दिने (नगर स्थापना दि