विराटचोकः सुन्दरहरैंचा नगरपालिकाले नगरभित्रका ९० वर्ष माथिका ज्येष्ठ नागरिकलाई मासिक १ हजार रुपैयाँ भत्ता दिने भएको छ । ‘ज्येष्ठ अभिभावक सम्मान’ अन्तर्गत मासिक रुपमा १ हजार रुपैयाँ भत्ता दिने निर्णय हालै सम्पन्न नगरसभाले पारित गरेको हो । नगरप्रमुख शिवप्रसाद ढकालका अनुसार सो भत्ता ज्येष्ठ नागरिकले यही फागुन महिनादेखि पाउने छन् ।

नगरपालिकाले हरेक वडामा ज्येष्ठ नागरिक चौतारी निर्माण गरी ज्येष्ठ नागरिकबीच भलाकुसारी गर्ने वातावरण मिलाएको छ । सबै ज्येष्ठ नागरिक चौतारीमा वाद्यवादनका सामग्रीको व्यवस्था गरिएको तथा आध्यात्मिक पुस्तक उपलब्ध गराइएको ढकाल बताउँछन् ।

ज्येष्ठ नागरिकलाई तीर्थ भ्रमण गराउने गरिएको तथा रेडियो कार्यक्रममार्फत् अन्तर पुस्ता हस्तान्तरण कार्यक्रम शुरु गरिएको पनि ढकालको भनाइ छ । ज्येष्ठ नागरिकका लागि आवश्यक पर्ने लठ्ठीलगायतका सामग्री दिएको नगरले असल छोरा बुहारीलाई सम्मान गर्ने कार्यक्रम पनि अघि सार्ने भएको छ ।

प्रत्येक वर्ष अन्तर्राष्ट्रिय ज्येष्ठ नागरिक दिवसको अवसर पारेर सुन्दरहरैंचाले नगर माता तथा नगर पिता घोषणा गरी सम्मान गर्ने गरेको छ । २०७५ र २०७६ सालमा नगर माता तथा नगर पिता घोषणा गरेको नगरपालिकाले २०७७ सालको अन्तर्राष्ट्रिय ज्येष्ठ नागरिक दिवसमा भने कोरोना भाइरसको संक्रमणको जोखिमका कारण सो कार्यक्रम स्थगित भएको छ ।

सम्बन्धित समाचारहरुः

ज्येष्ठ नागरिकको पक्षमा सुन्दरहरैंचाको सह्रानीय कामः हरेक वर्ष नगर माता र नगर पिता घोषणा

स्वास्थ्यको क्षेत्रमा यसरी अघि बढ्दैछ सुन्दरहरैंचा नगरपालिका (नगर स्थापना दिवस विशेष ५)

‘रिभल्भिङ फण्ड’ मार्फत् विद्यार्थीलाई प्राविधिक शिक्षामा जोड दिने सुन्दरहरैंचाको योजना (नगर स्थापना दिवस विशेष ४)

सुन्दरहरैंचामा ४ वर्षमा डेढ सय किलोमिटर सडक कालोपत्रे, यस्ता छन् अन्य पूर्वाधारका योजना (नगर स्थापना दिवस विशेष ३)

नगर गौरवका योजनाअन्तर्गत पर्यटकीय क्षेत्रमा काम गर्दै सुन्दरहरैंचा (नगर स्थापना दिवस विशेष २)

फलफूल र बीउबिजनमा नगरलाई आत्मनिर्भर बनाउँदै सुन्दरहरैंचा (नगर स्थापना दिवस विशेष १)